Білім көкпары

Ән шырқайық

«ҰБТ-да жетістікке жетейік!» әні

(«Біз дәуірдің түлегіміз» әнінің әуенімен)

1. Арман, мақсат бір болған соң тілегіміз,

ҰБТ деп бірге соққан жүрегіміз.

Білім болған бастау алар тірегіміз,

Әннен шашу шашайық.

Қайырмасы:

Болашаққа қанат қаққан түлегіміз,

Орындалсын үміт толы тілегіміз.

Бәріміз де дәйім

Көрмей қайғы-уайым,

ҰБТ-дан жетістікке жетейік.

2. Жанымызға сенімділік серік болсын,

Бірлігіміз әрқашанда берік болсын.

Басымызға бақыт құсы келіп қонсын,

Асулардан асайық.

Қайырмасы:

Болашаққа қанат қаққан түлегіміз,

Орындалсын үміт толы тілегіміз.

Бәріміз де дәйім

Көрмей қайғы-уайым,

ҰБТ-дан жетістікке жетейік.

ІІІ-кезең. “Ғажайып ұяшықтар”

Шарты: Экранда тақырыптар мен ұпайлар көрсетілген ұяшықтар берілген, әр топ кезекпен тақырыпты және ұяшықты таңдай отырып сұрақтарға жауап береді, әр дұрыс жауап сол ұпаймен бағалан

ІҮ-кезең. “Қазақта тұңғыш...”
Шарты: Топтар кезекпен- кезек экранда көрсетілген сандарды таңдай отырып, тұңғыш тұлғаны немесе оқиғаны анықтайды, әр дұрыс жауап 1 ұпаймен бағаланады

1. Қазақтан шыққан тұңғыш темір жол инженері (Мұхамеджан Тынышбаев)

2. Тұңғыш қазақтың дыбысты көркем фильмі (Амангелді)

3. Қазақтың тұңғыш кәсіби суретшісі (Әбілхан Қастеев)

4. Тұңғыш кәсіпқой қазақ балуаны (Қажымұқан Мұңайтпасұлы)

5. Тұңғыш қазақ педагогы (Ыбырай Алтынсарин)

6. Кеңес Одағының Батыры атағын 2 мәрте алған бірінші қазақ, ұшқыш (Талғат Бигельдинов)

7. Тұңғыш қазақ ғалымы, этнографы, саяхатшысы (Шоқан Уалиханов)

8. Тұңғыш қазақ заңгері (Жақып Ақбаев)

9. Қазақ әдебиетіндегі тұңғыш роман (Бақытсыз Жамал)

10. Қазақ қыздары арасынан шыққан тұңғыш әскери ұшқыш (Хиуаз Досапанова) 11. Қазақтың тұғыш кәсіби биші қызы (Шара Жиенқұлова) 12. Еуропада ән шырқаған тұңғыш қазақ әншісі (Әміре Қашаубаев) 13. Қазақстан Республикасының тұңғыш Конституциясы қашан қабылданды? (1993 жыл,28 қаңтар) 14. Дүниежүзі қазақтарының тұңғыш І Құрылтайы қай жылы, қай қалада болды? (1992 жыл, Алматы) 15. Қазақ елінің тұңғыш астанасы (Орынбор) 16. Қазақ әйелдері арасынан шыққан тұңғыш күйші (Дина Нұрпейісова)

Ү-кезең Көне шаһарлар сыр шертеді

Шарты: Әр топқа Қазақстанның екі көне шаһарлары (қалалары) туралы ақпаратық мәтін беріледі.

Қаланың атын тапқаны үшін-1 ұпаймен;

Картадан орналасқан аумағын көрсетсе-1 ұпайпен бағаланады

«Болашақ» тобы

1. Арыс өзенінің Сырдарияға барып құяр жеріндегі жазирада ірге тепкен ежелгі қала.

ҮІІІ ғасырдың басынан Тарбанд (Трабан) деген атаумен белгілі.

Ү-ХҮ ғасырларда Арал бойындағы көшпелі тайпалармен сауда жасайтын Иран мен Орта Азиядан Сібірге, Моңғолияға және Қытайға қатынайтын сауда жолындағы маңызды қала болды. ІХ-Х ғасырларда гүлденген ірі қала және ғылымның орталығына айналды. Кейбір зерттеушілердің пікірінше, қалада сол кезде әлемдегі аса ірі кітапхана және көптеген мешіт-медреселер болған. (Отырар)

2. Жазба деректерде қала X ғасырдан бастап белгілі. Қарахан мемлекетінің астаналарының бірі болған. Әл-Мақдиси оны «бай, үлкен қала» деп сипаттаған. Қала 2014 жылы 25 маусымда Катар мемлекетінің Доха қаласында өткен ЮНЕСКО-ның 38 сессиясы барысында Бүкіләлемдік Мәдени Мұралар тізіміне енгізілді. (Баласағұн)

«Сенім» тобы

1. Ұлы Жібек жолының бойында орналасқан Қазақстан жеріндегі ең ірі қала.

Жазба деректерде VII ғасырдан –ақ белгілі. Сюань Цзяньннің жол көрсеткішінде аталған қаланы «Ақ өзендегі қала» деп атаған. Бұл қала атауы соғды тілінде «Ақ су» дегенді білдіреді дейтіндер де бар. Қала аса ірі әкімшілік орталығы ғана емес, халықаралық сауда орталығы ретінде де белгілі болды. Қалада көптеген сауда құрылыстары, керуен-сарайлары мен «тимдер» жұмыс істеген. (Испиджаб)

2. Ғалымдар қаланың орны Қырғызстанның Тоқмақ қаласынан оңтүстік-батысқа қарай 8 км жердегі көне Ақбешім қала жұрты екенін дәлелдеді. Іргесі V ғасырда қаланып, X – XII ғасырларға дейін өмір сүрген. Ерте орта ғасырларда төрт бірдей қағанаттың астанасы болды. Оның атақ даңқы да дәл осы ғасырларда бүкіл батыс пен шығысқа мәшїүр болды. Бұл қала туралы алғашқы мәліметті 627 – 629 жылдары Үндістанға жасаған сапары кезінде Батыс Түрік қағандығының қағаны Тон жабғудың қабылдауында болған Қытайдың жиїанкез діндар-монахы Сюань Цзан жазып қалдырған. (Суяб)

Қорытынды

• «Тарихты білмей өткенді, қазіргі жағдайды білу, келешекті болжау қиын»,-деп ұлы ойшыл Әл Фараби айтқандай, тарихшы болу міндетті емес, бірақ кез келген азамат өз елінің тарихын білуі парыз. Біздің өткен өміріміз, кешегі күніміз – Тарих.

• Қорыта келе, бүгінгі білім сайысын Алаштың ардақты ұлдарының бірі, ақын Міржақып Дулатовтың: «Жалғыз сүйеніш, жалғыз үміт – оқуда. Теңдікке жетсек те, жұрттығымызды сақтасақ та, дүниедегі сыбағалы орнымызды алсақ та, бір ғана оқудың арқасында аламыз. Жақсылыққа бастайтын жарқын жұлдыз – оқу. Надан жұрттың күні – қараң, келешегі — тұман» деген сөздерімен аяқтағымыз келіп отыр.

• Олай болса, Тәуелсіз еліміздің бәсекеге қабілетті, білімді азаматтары болыңыздар!

• Әрдайым Сәттілік серіктеріңіз болсын!!!