Білімді ұрпақ - тәуелсіз елдің тірегі

БІЛІМДІ ҰРПАҚ - ТӘУЕЛСІЗ ЕЛДІҢ ТІРЕГІ.

Ұлтымыздың болашағы жарқын болуы - жастардың қолында! Білімді, жан - жақты тәрбие алған ұрпақ барда, дамуға да мүмкіндік бар. Қазіргі заманда ел болашағы біліммен ғана өлшенеді. Білім жағынан мықты болған ұлттың басқа саладан да өзгелерден едәуір алда болары сөзсіз. Әрбір ел өзінің болашағын жас ұрпақ қолына табыстайды. Атадан балаға жалғасып мұра етіп беріліп келе жатқан әр ұрпақтың өз заман ағымы, кезеңі болады. Осы орайда, ата - бабамыз көрген өмірдің құндылықтарына тоқталғым келеді.

Меніңше, қай кезде де білім өте жоғары бағаланған, алайда бұрынғы заманның басты мақсаты, білім мен ақыл емес, күш - қайраттың арқасында қалыптасқан. Себебі, сол заман төңірегінде даулы мәселелеріді білектің күшіне сүйеніп шешкен. Ал қазір ол кезең артта қалып, білім мен ақылдың ойлауы ұтатын заманға қадам бастық. Мысалы, қазіргі таңда “жасанды интеллект”-тің пайда болуы, қатарға қосылуы жаһандану процессінің қарқынды жүріп жатқанына бірден бір таптырмас дәлел. Бұл интеллект бұрынғы заман стреотипін бұзып, тіптен қашаннан қалыптасқан кей мамандықтардың орнын басуда.

Біз - сол заманның өскелең ұрпағымыз. Ата-бабаларымыз өз заманының талабына сай күресіп, болашақ ұрпақ үшін ақтық демдері қалғанша жан аямай, бізге егемендік алып берді. Енді сол егемен еліміздің даңқын түсірмей, қолда ұстап қалу, ешкімге дес беріспеу біліммен ғана шешілмек. Сондықтан, еліміздің әр азаматы сапалы білім алып, толықтай сауаттандырылуы тиіс. Бұл “жасанды интеллект”-ті жетік меңгеріп, заман талабынан қалмау үшін жастар бәсекеге қабілетті болуы керек. Ертеңгі күніміз айқын болсын десек бүгіннен қалмай әрекет ету қажет. Жастар бойында адамгершілік, рухани байлық, интелект, құқықтық тәрбие, ұлттық құндылық, патриотизм сезімдерін қалыптастыра білуіміз қажет.

Эссемді қортындылай келе, мемлекетіміздің жарқын болашағы білімді де білгір жастардың мойнында екенін айтқым келеді. Кешегі қасірет кетті, бүгінімізге қолымыз жетті. Ендеше, бұл теңдесі жоқ бақыттан айырылып қалмау, қастерлеп, қадіріне жете білу барша ұлт парызы!