Білімдіге дүние жарық.Таным қуанышы: баланың қызыға оқуына қалай көмектесеміз?

Мұғалімнің аты -жөні

Аетова Г.Е, , Сагынбаева М.Ж, Мекенова Н.А,Казтаева Д.А

Дата:

08.11.2025

Сыныбы : 5а, б, в, г.

Қатысушылар саны:

Қатыспағандардың саны: 12

Ата – аналар жиналысының тақырыбы:

Білімдіге дүние жарық.Таным қуанышы: баланың қызыға оқуына қалай көмектесеміз?

Ұлттық құндылық

Әділдік және жауапкершілік. «Жауапкершілік – адамгершіліктің биік шыңы».

Мақсаты

Балалардың табиғи танымдық қызығушылығын қолдау, олардың ынтамен оқуына жағдай жасау жолдарын ата-аналарға түсіндіру; үйде оқу мотивациясын күшейтудің тиімді тәсілдерін көрсету; ата-ана мен мектеп арасындағы ынтымақтастықты нығайту арқылы білімге деген оң көзқарас қалыптастыру.

Жиналыстың кезеңі

Мұғалімнің іс - әрекеті

Ата – анананың іс - әрекеті

Бағалау

Ресурстар

Жиналыстың басы

Ұйымдастыру кезеңі
І.Негізгі бөлім
Бастауыш тәрбие ісі жөніндегі орынбасары Л.Т.Қоңырбаеваның сөзі.
Күн тәртібі:
1.Кіріспе сөз. Мектеп директоры Ә.П.Әбдіғапарова.
2.Сыныптардың тоқсан қорытындысы. Оқу ісі орынбасары Н.Ю.Зарипова
3.Практикалық бөлім «Жасөспірімді зорлық-зомбылықтан қорғаудың негізі – сенім мен жеке шекараға құрмет».
4. Оқушылардың денсаулық және өмір қауіпсіздігі. Тәрбие орынбасары Ж.К.Нурмашева.
5. І тоқсан қорытындысы бойынша сынып тынысы:
қосымша білім беру ұйымына қатысым, газет – журналға жазылым. 5 сынып оқушылары
6.Қорытынды қаулы.
№5 мектеп – лицейінің директоры Ә.П.Әбдіғапарованың сөзі.
Оқу ісі жөніндегі орынбасары Н.Ю.Зарипованың «5 сынып оқущыларының оқу үлгерімі мен мемлекеттік емтхан» тақырыбында сөз алуы.

Ата – аналардың жауаптары.

Ата – аналардың сұрақтары.

Шапалақ

Интерактивті тақта

Жиналыстың ортасы

ІІ. Практикалық бөлім
-Қайырлы күн, құрметті ата – аналар! Жиналысымыздың практикалық бөлімін бастамас бұрын, осы жерде жағымды психологиялық ахуал қалыптастырайық.
Ата – аналармен тренинг Мекенова Н.Ж.
Қолдарыңыза жұмсақ ойыншық беріледі.Сол ойыншықты қолдарыңызға алып, жылы сөздеріңізді айтуларыңыз керек.
Сұрақтар: Бұл тренинг не мақсатта жүргізілді деп ойлайсыздар?
Ата – аналардың жауаптары.
Қолыңызда тұрған жұмсақ ойыншық, бұл сіздің балаңыз. Балаңызға жылы сөздеріңізді аямай күнде айтып отырыңыздар. Соның ішінде қазіргі таңда белең алып жатқан ең басты мәселе-зорлық-зомбылық,сондықтан бала ата-анадан жылы сөзді күтеді.

4. Ата – аналармен жұмыс. Ал енді практикалық кезеңге кезек берейік. Ата-аналар мен оқушыларға сұрақтар беріліп, жауап алынды. Бізде қазіргі таңда зорлық-зомбылыққа немқұрайлы қарау дегеніміз не?

–Ата-аналар қазіргі таңда балаларына жеткілікті түрде назар аудармайды, көңіл бөлмейді.Бала жылулық сезінбейді. Бала жылулықты үйден ала алмаған соң, оны сырттан іздейді.Мысалы, бірінші достарына барады, достарынан жылулық алады. Одан кейін мектепке барады, сол жақтан шамалы жылу алады. Одан кейін әлеуметтік желі немесе әлеуметтік орта, қоршаған орта. Үй жағындағы көршілерінен, туыстарынан жылулық алады. Бірақ, қанша жерден жылулық алғанымен, бағанағы біздің кіршіксіз пәк баламыздың түсі өзгеріп кетті, яғни түзу жолдан тайып кетті.Санасы, мінез-құлқы өзгерді. Баланың білім алуын тиімді ұйымдастыру – оның тұлғалық дамуы мен оқу жетістіктерін қалыптастырудың негізі болып табылады. Оқушының оқу әрекетін табысты бастауына әсер ететін алғашқы қадамдар бірнеше психологиялық-педагогикалық факторларға сүйенеді. Ең алдымен, балада оқу іс-әрекетіне деген ішкі қызығушылықтың қалыптасуы маңызды. Бұл қызығушылық оқытудың мазмұнына, мұғалімнің тұлғасына, отбасындағы қолдау жүйесіне және оқу ортасының ұйымдастырылуына тікелей байланысты. Сондай-ақ, баланың жас ерекшелігіне сәйкес өзіндік мақсат қоя білуі, оқу материалын жоспарлы меңгеруі және оқу дағдыларын жүйелі түрде дамытуы – білім алудың бастапқы шарттары болып саналады. Алғашқы кезеңдерде ата-ана тарапынан эмоционалдық қолдау мен тұрақты бақылаудың дұрыс қарқынмен берілуі, баланың өзіне деген сенімін нығайтады және оқу үрдісіне оң көзқарас қалыптастырады.Оқу барысында балалар белгілі бір пәндерді меңгеруде әртүрлі қиындықтарға тап болуы ықтимал. Әдетте, мұндай қиындықтар оқу материалының күрделілігімен, пәнге тән арнайы дағдылардың жеткіліксіздігімен, мұғалім мен оқушы арасындағы түсінбеушілікпен немесе баланың оқу стилінің ерекшеліктерімен байланысты болады. Математика, жаратылыстану, тіл пәндері сияқты логикалық және талдауды қажет ететін бағыттарда балалар жиі қиналады. Бұл пәндерде білімді қабылдау мен өңдеу қарқыны, абстрактылы ойлауды қолдану деңгейі және теориялық түсініктерді тәжірибеде қолдану қабілеті шешуші рөл атқарады. Сол себепті, оқу қиындықтарын ерте кезеңде анықтап, жеке қолдау көрсету – оқушының әрі қарайғы оқу жетістіктерін қамтамасыз етеді.

Баланың сабақты жақсы оқуға деген ынтасын қалыптастыруда ата-ананың мотивациялық ықпалы ерекше орын алады. Қолдау сөздері баланың өзін-өзі бағалауына, оқу әрекетіне жауапкершілікпен қарауына және табысқа жетуге деген сеніміне әсер етеді. Ғылыми тұрғыда мотивациялық вербалды қолдау баланың ішкі мотивациясын күшейтеді, жағымды эмоциялық фон қалыптастырады және оқу материалын меңгеруге деген тұрақты қызығушылық тудырады. Ата-аналардың «Сенің қолыңнан келеді», «Әр күнгі еңбегің сені алға жетелейді», «Қателесу – үйренудің бір бөлігі», «Оқуға деген талпынысың – болашақ табысыңның негізі» сияқты қолдау сөздері баланың оқу қызметін позитивті қабылдауына көмектеседі. Осындай мотивациялық әрекеттер жүйелі түрде қолданылған жағдайда, оқушының өзін-өзі реттеу қабілеті дамиды, ал бұл өз кезегінде оқу үлгерімінің жоғарылауына ықпал етеді. Директордың тәрбие ісі жөніндегі орынбасары Ж.К.Нурмашева. Тақырыбы: «Оқушылардың күн тәртібі. Денсаулық және өмір қауіпсіздігі».
Шалқар ауданы Пб-нің ЖПҚБ КТІЖ УПИ полиция капитаны Е.Т.Нагимбаев. « Құқықбұзушылықтың алдын-алу жолдары».

Ата – аналардың тренингке қатысуы.

Ата – ананың сұрақтарға жауап беріп қатысуы.

Ата – аналардың жауаптары.

Ата – аналардың сұрақтары.

Ата – аналардың сұрақтары.

Шапалақ

Шапалақ

Шапалақ

Интерактивті тақта

Жиналыстың соңы

ІІІ.Қорытынды бөлім
Қаулы.
Ата-аналар білім беру мен тәрбиелеу үдерісінің сапасын арттыру мақсатында мектеппен тығыз байланыс орнату, оқушылардың оқуға деген қызығушылығын арттыру, оқуда оң нәтижелерге қол жеткізу үшін қажетті материалдық және моральдық қолдау көрсетілсін.
Ата-аналар тарапынан балалардың күн тәртібінің сақталуына, оқушының уақытын дұрыс ұйымдастыру, белсенді және пассивті демалысын, ұйқының нақты уақытына бақылау жүргізілсін.

Интерактивті тақта