"Білімділер сайысы"

Саға мектеп – балабақшасы

Білімділер сайысы

7-8 класс

Пән мұғалімі: А.Н.Мамбеткереева

2016-2017 оқу жылы

Білімділер сайысы

Мақсаты:

Білімділік: физика пәнінің қыр-сырын тереңірек үйрету;

Дамытушылық: оқушылардың танымдық белсенділіктерін, есте сақтау және шығармашылық қабілеттерін арттыру;

Тәрбиелілік: топпен жұмыс істей білуге, тапқырлыққа, шапшаңдыққа тәрбиелеу.

Жоспары:

1.Әр топ өздерін таныстыру

2. «Тарих қойнауынан...»

3.Жалғасын тап

4.Қисынды ойлай білейік

5.Кім жылдам

6.Есептеп көр

7. Капитандар сайысы

8. Жүгіртпе диктант

Көрнекіліктері: интерактивті тақта, слайд түрлері, есептер салынған конверттер, нақыл сөздер, жазылған плакаттар, мадақтау қағаздары т.б

Барысы:

Мұғалім сөзі: Армысыздар, құрметті ұстаздар, көрермендер! Бүгінгі біздің «Білімділер сайысы» атты сайысымызға қош келдіңіздер! Сайысымызды бастас бұрын бірнеше сіздерге қояр сұрақтарым бар еді. Мұғалімдер сіздерге кішкене білмей қалсаңдар «су мисындар» деп ұрсады, сол дұрыс па?

Жауап беруге болады. Адам организміндегі заттардың ең көбі су.Ол қанның 79,3%-ын, сүйектің 22%-ын, бұлшық еттің 76%-ын құрайды.Ал, есептеп қарасақ, мидың 83,3%-ы судан тұрады. Сондықтан оқушылар, мұғалім сендерге су мисың деп ұрысса, оған ренжімей- ақ қойыңдар, ол ғылыми дәлелденген.

«Ішің күйсе , тұз жала» дегенді қалай түсіндіресіңдер?

Жауабы: Күн ыссыда адам шөлдейді .Өйткені термен бірге денеге тұз да шығады. «Қардың басын қар алар, ханның басын хан алар» демекші шыққан тұздың өтеуін тұз ғана өтейді. Сондықтан қатты шөл басқанда 5гр ас тұзын жеп немесе құрғаған тамақты тұзды сумен шаю керек. «Ішің күйсе , тұз жала» деп іші тар адамдарға емес, шөл қысқан адамдарға айту керек.

Сайысымызды өткізу үшін 2 топқа бөлінеміз.Ол үшін сайысымызды бағалап отыру үшін әділқазыларды сайлап алайық.

Сайысымыздың 1-інші шарты бойынша әр топ өздері таныстырып өтсін.

1-ші топ: Алғырлар тобы:

Шақырып жарыстарды сан-салалы

Алғырлар топ жарғалы зер салады!

Ту етіп достық пенен татулықты

Тапқырлар командасын қарсы алады!

Тапқырлар биіктерде қалықтасын!

Жеңіспен көк жүзінде шарықтасын.

Жеңіс туын желбіреп алауласын,

Бәйгені сенен ешкім ала алмасын

Әділқазыларға сәлем.

Әділқазы, ақ қазыға бір сәлем!

Әділдікке бас иеді күллі әлем!

Жүйрік озар сайыстарда неше бір

Сарапқа сап әділдікпен шеше біл!

2-ші топ: Тапқырлар тобы:

Осындай алғыр достар кез-келгенде

Жетсін- ау, жарыстарда женгенге не?

Қарсылас болғанымен құрбысыңдар,

Тілейміз ізгі тілек сіздергеде!

Құрметпен алғырларда ой- саналы,

Тапқырлар сәлем беріп ән салады.

Бүгінгі сайыстан достарына

Қашанда тапқыр бол деп ән салады.

Әділқазыларға сәлем

Достықпенен бірлікті етіп тұлға,

Жеңіске жеткен едік талай сында.

Қара қылды қақ жарып әділқазым,

Еңбегін «Тапқырлардың» әділ сына

ΙΙ бөлім «Тарих қойнауынана»

Бұл сайыста пән бойынша 10 сұрақ беріледі.Әр топ сұрақтарға жауап береді.

1.И.Ньютон 1687 жылғы бүкіләлемдік тартылыс заңын ашуына не себеп болды? Алма

2. Қуаттың негізгі өлшем бірлігі? Ватт

3.Физика сөзі қай тілден шыққан, қандай ұғым береді? Грек, табиғат

4.Күштің өлшем бірлігі? Ньютон

5. Жылдамдықтың 72 км/сағ – пен берілген мәнін м/с – пен өрнектеңдер? 20м/с

6. Әтір иісі бөлмеге қандай құбылыстың әсерінен тарайды? Диффузия

7. Ауаның ылғалдылығын өлшейтін құрал? Психрометр

8. Ол энергияның сақталу заңын тәжірибе жүзінде дәлелдеді, энергияның өлшем бірлігі осы адамның құрметіне тағайындалған? Джоуль

9. Шәйнек тез қайнау үшін неге қақпағын жауып қою керек? Қақпақты жабу арқылы жылу алмасуды сақтаймыз.

10. Сұйықтың буға айналу процесі? Булану

ΙΙΙ бөлім: «Жалғасын тап»

Бұл тапсырмада әр топ физикалық өлшем бірліктерді жалғастырады.

1.Килограмм, грамм,........

2.Ньютон, килоНьютон,......

3.Джоуль, килоДжоуль.......

4.Ватт, килоВатт,......

5.КилоОм, милиОм, .......

6.Ампер, мегоАмпер,......

ΙV «Қисыңды ойлай білейік!»

Берілген сөздердің ішінен физикалық ұғымдарға қисыны жоқ артық сөздерді тауып, алып тастаулары қажет.

1.Тығыздық, кернеу, мәзір, ядро, күш

2.Электрон, заряд, мұрағат, атом, жылулық

3.Ток күші ,блокнот, кедергі, уақыт, нейтрон

4. Күнтізбе, жиілік, период, амплитуда, масса

5.Нейтрон, протон, сырнай, тонна, Паскаль

6. Резонанс, модем, конвекция, импульс

V бөлім. «Кім жылдам»

Бұл сайыста берілген торкөздегі әріптерден физикаға қатысты сөздерді құрау.

VΙ бөлім: «Есептеп көр» 10 балл

Шаңғышы тауға көтерілде 5,4 км/сағ орташа жылдамдықпен 3 км жол жүрді. Таудан түсерде 10м/с жылдамдықпен 1км жол жүреді. Шаңғышының барлық жолдағы орташа жылдамдығын анықтаңдар.

VΙΙ бөлім: «Капитандар сайысы» (фантамимо)

Найзағай, судың ағуы, желдің соғуы, күннің шығуы берілген сөздерді әр команда өз топтарына іс-қимылдар арқылы түсіндіру.

VΙΙΙ бөлім. «Жүгіртпе диктант»

электролизация	электрлену	elektrolizatsiya
Электрический заряд	Электр заряды	electriccharge
электрон	электрон	elektron
Положительный заряд	Оң заряд	positivecharge
Отрицательный заряд	Теріс заряд	negativecharge
Одноименные заряды	Аттас зарядтар	Of the same name charges
Разноименные заряды	Әр аттас заряд	Dissimilar charges
притяжение	тартылу	attraction
отталкивание	тебілу	Pushing away

Қорытынды: Жарыс соңында әділ қазылар алқасы әр топтың ұпай санын есептеп қорытындылайды.