Білімді,өнерлі баламыз

«Білімді, өнерлі баламыз.»

Солтүстік Қазақстан облысы

Жамбыл ауданы,Майбалық ауылы

Майбалық ЖОББМ

Мектепалды сыныбы мұғалімі Усина К.Б

Мектепалды сыныбы. Өткенді қайталау.

Сабақтың мақсаты: Балалардың жыл бойы алған білімдерін тиянақтау,білгендерін ортаға салып қорытындылау.

Берілген тапсырманы өз беттерімен орындап,жауапкершілікті сезінуді тәрбиелеу.

Сабақты ұйымдастыру:

Таңғы шеңбер

Кел, балалар, күлейік!

Күлкіменен түлейік!

Қабақ түйген не керек?

Көңілді боп жүрейік!

Балалар орындарына отырады. Есік қағылып қонақ келеді.

Тәрбиеші :- Балалар, бізге бүгін қонаққа үлпілдек келіпті.Қане , амандасып алайық.

Балалар:-Саламатсыз ба,Үлпілдек?

-Саламатсыздар ма, балалар?Мен сендер мектепке дайындалып жатыр дегесін көмек сұрай келдім.Көмектесе аласыздар ма?

Балалар: -Ия!

Үлпілдек : -Мен де оқушы болғым келеді, сол үшін мектепке барып едім мені мектепке қабылдамады.

Тәрбиеші:-Балалар, Үлпілдекті неге мектепке қабылдамады екен? Қалай ойлайсыздар?

Балалар :-???

Үлпілдек :-Маған тапсырмалар беріп еді , ол тапсырмаларды білімді , өнерлі сіздерге алып келдім.

Тәрбиеші : -Балалар, Үлпілдектің тапсырмаларын орындауға дайынсыздар ма?

Балалар : -Әрине!

Үлпілдек : -Балалар , сендер қандай сабақтар оқыдыңдар?

Балалар: сауат ашу, тіл дамыту, көркем әдебиет.

Үлпілдек: -Олай болса, бірінші тапсырма: сауат ашу, тіл дамыту, көркем әдебиетке байланысты болмақ.

1-тапсырма. Балдырған сөзі тақтаға ілінеді.

• Тақтага ілінген сөзді оқып шық.

• Дыбыстық талдау жаса.

• Осы сөздегі әріптерді пайдаланып,сөздер құра.

• Балдырған б/б туралы көркем сөздер.

2-тапсырма. Тақтаға «ШИЕ» ж/е «ДОП» суреттері ілінеді.

• Сөздерді жаздыру, буынға бөлдіру.

• Осы екі сөзге сөйлем ойлату.

• Сызбаға түсіру. (Сөйлем бас әріппен басталып, нүктемен аяқталады.)

• «ШИЕ», « ДОП» туралы өлең жолдары.

Балалар Үлпілдекке арнап тақпақ оқиды.

Сергіту сәті: Мысығым –ау, мысығым.

Бетін жуған пысығым.

Піш-піш десем келе ғой,

Мияу деп дыбыс бере ғой.

Үлпілдек: -Балалар , сендерге көп-көп рахмет! Сауат ашу, тіл дамыту, көркем әдебиет дегендерді енді түсіндім. Ал, сендер математика сабағына қалайсыңдар?

3-тапсырма. Математика.

• Ауладағы жануарлар мен құстарды санап, мысалдарды орында.

• Ананасты кемелерге орналастыр.

• Көбелектерге көмектес.

Үлпілдек:- Тамаша, балалар! Жарайсыңдар!Тағы қандай өнерлерің бар?

Тәрбиеші : -Үлпілдек, балалар сурет салып, жапсыру тәсілдерін жақсы меңгергеді.

4-тапсырма: Жапсыру ж/е сурет.

«КӨКТЕМГІ ТАБИҒАТ»

Жұмыс соңында балалар «ОТАН» «ТУҒАН ЖЕР» туралы мақал-мәтел айтып, жасаған жұмыстары туралы әңгімелейді.

Үлпілдек қуанып ,балаларға «Рахмет!» айтып, мектепке асығыс кетеді.

Сабақты қорытындылау.