Сабақтың мақсаты:

Оқушыларға көмек,көмектесу туралы түсінік бере отырып, дұрыс әрекет құндылығының мәнін ашу.

Міндеттері:

Білімділік: оқушыларға көмек,көмектесу ұғымдарының мәнін ұғындыру арқылы ақпейілділік қасиеті туралы түсінік беру.

Дамытушылық: оқушыларды айналасындағыларға жанашырлыққа үйрете отырып,қарапайымдылық қасиетін дамыту.

Тәрбиелік : оқушыларды ақпейілділікке,қайырымдылыққа,жомарттылыққа тәрбиелеу.

Ресурстар:

( кітап, дәптер,нақыл сөздер, суреттер)

Сабақ барысы:

1.Ұйымдастыру кезеңі:

Сәлемдесу, оқушылардың көңіл-күйін сұрау,сабаққа қатысуды тексеру. 5Т ережесін қайталау.

Сабақ барысын талқылау:.

2. Дәйексөз

«Қайырымды іс жаса,

қайырлы болар әр ісің»

Халық нақылы

• Адамға қиналған сәтте қол ұшын беру, жақсы, жылы сөздер айтып,демеу, жақсылық жасау –ол қайырымды іс болады.Ал қайырымды іс жасасақ айналадағылар бізге ризашылығын білдіреді.Оларды риза ету бізге қуаныш сыйлайды.

3 Әңгімелесейік

«Жай бір адам» (60 бет) әңгімесі бойынша сұрақ қою арқылы әңгісенің мазмұнын айту

-Басқаларға көмегің тиген жағдайда қандай сезімге бөленесің? Неліктен?

- Өзгелер саған көмектескенде не сезіндің?

- Айналаңдағыларға қалай қуаныш сыйлауға болады деп ойлайсың?

Мұғалімнің сыйы

«Арыстан мен тышқан» Ертегі

• Бір күні арыстан ұйықтап жатқан кезде, тышқан келіп,оның үстінен жүгіріп өтеді.Арыстан оянып,тышқанды ұстап алады.тышқан жалына бастайды: «Мені жібере салшы, мен де саған жақсылық жасармын», - дейді ол. Арыстан тышқанның «жақсылық жасармын» деген сөзіне күліп,оны босатып жібереді.

• Келесі күні аңшылар арыстанды ұстап алып,ағашқа таңып тастайды. Тышқан арыстанның ақырғанын естіп,жүгіріп келіп,арқанды тісімен қырқып;»Есіңде ме, сен менен жақсылық күтпеген едің ғой.Енді міне тышқаннан да қайырымдылық көрдің» -депті.

• Көрдіңдер ме ,балалар,кішкентай тышқанда арыстанға көмектесе алады екен.

Сұрақтар:

• Арыстан тышқанға қалай көмек көрсетті?

• Тышқан арсытанға қалай оны қайтарды?

Әңгімелеп беру

Оқушылар өздеріңе басқалардың көмектескендерін немесе өздері біреуге көмектескенін еске түсіріп,Әңгімелеп береді?

4. Шығармашылық жұмыс

1-тапсырма. Өздеріңе басқалардың көмектескендерін естеріңе түсіріп,әңгімелеп беріңдер.

2-тапсырма. Төмендегі мазмұнда берілген:

Жағдаятты оқып,өз көзқарасыңа сәйкес келетін жауапты таңдап алып,дәлелдеп бер.

5. Бағалау.

Енді бүгінгі сабағымыздан нені түсіндік,нені үйрендік, сол жөнінде ойланайық. Бүгінгі сабақ үшін сіздерге рахмет