Оқу қызметінің кезеңдері.

Тәрбиешінің іс-әрекеті

Балалардың іс-әрекеті

Дәлелдеу,ояту.

«Жұмбақтар және олардың шешуі» ойыны.

Педагог балаларға жұмбақ жасырады.

Тікен- тікен, тік пісте

Қысы-жазы бір түсте.

Көк жиекті шай табақта

Алтын алма тербелер.

Кейде бүркер алма жүзін,

Ұлпа, мақта, пернелер.

Қалпағы бар,

Басы жоқ,

Қолы да жоқ,

Шашы жоқ.

Сыңар аяқ «көкеңнің»

Ойлан, тап, не екенін.

Балалар жұмбақтың шешуін табады.

Шырша

Күн

Саңырауқұлақ.

Ұйымдастыру іздену.

Дәптермен жұмыс

Педагог 1-тапсырма бойынша балаларға сұрақ қояды.

-Суретте ең көп бейнеленген қандай зат?

-Бір-бірден салынған заттың аты қандай?

-Бір- бірден салынған заттарды бояп шығарыңдар.

Педагог балаларға тақтадағы заттарды көлеміне қарай (үлкен, кіші) салыстыруды ұсынады. 2-тапсырма «Жол сал» ойыны түрінде ұйымдастырылады.

Сергіту сәті

Оңға ұарай иілдік,

Солға иілдік,

Бір отырып, бір тұрып,

Бәріміз бір сергідік.

3-тапсырма 1және 2 затты санауға байланысты берілген.

Педагог балаларға сұрақ қояды.

-Сол жақ бұрыштағы карточкада неше тақия, оң жақ бұрышта неше киіз үй тұр?

-Тақия көп пе әлде киіз үй көп пе? Педагог балаларға заттардың саны бірдей карточкаларды сызық арқылы қосуды ұсынады.

3- тапсырма.

Педагог балаларға жұмбақ жасырады:

Бұл орманның пішіні- Бауырсақтың да мүсіні.

Кішірейтсек біз мұны,

Шығады тоқаш наны боп. Ол не?

-Барлық шербердегі бояңдар.

-Неше шеңбер боядыңдар?

-Сендер бояған шеңбердің көлемі қандай? Осы жерже педагог шеңбердің көлемінің әл түрлі болатынын балалардың есіне салады.

Рефлексиялық түзету.

Өзін – өзі бақылау және өзі атқаратын жұмысқа баға беру.

Өзін –өзі бақылаудың екі түрін қолдануға болады.

Педагог балаларға 1- тапсырманың орындалу үлгісін көрсетеді. Онда дұрыс орындалған тапсырма жазылады. Балалар өздерінің жұмысын сондағы үлгімен салыстырады.

Бағдаршамның түстері: жасыл түс- бәрі дұрыс деген сөз, яғни келесі бетке өте беруге болады; сары түс – кішкене мұқияттау болу керек; қызыл түс – кейбір тапсырмаларды қайтадан орындау қажет. Педагог балаларға осыны түсіндіреді.

1.Сендер саңырауқұлақ, күн мен шыршаны бояуларың керек.

2.Үлкен шәйнекті үлкен кесемен, кіші шәйнекті кішкентай кесемен қосуларың керек.

3.Тақиялар мен киіз үйлерді бір-біріне қосу керек.