"Бірге жаңа шыңдарға" квест – ойыны

"Бірге жаңа шыңдарға" квест – ойыны
Жүргізуші: Қайырлы күн, құрметті әріптестер, құрметті қонақтар! Бүгін іс-шара барысында педагогтар жоғары нәтиже көрсетуге ұмтыла отырып табысқа жетеді.
Табыстың құпиясы неде? Көптеген адамдар өмірінің бір кезеңінде осы сынды сауалға тап болады. Американдық атақты поп-орындаушы Боб Диланның мынандай бір тамаша сөзі бар. «Табыс - таңертен оянып және кешке ұйықтау мүмкіндігі. Және осы екі уақыт аралығында өзіңе шынымен ұнайтын істі істеу». Яғни, әр адам табысты болу мен нақты табыстың не екендігіне өзіндік жауап береді. Біреуі үшін бұл материалдық тұрғыдан толыққанды қамтылу болып табылса, екінші адам сүйікті ісімен айналысу бақыты деп таниды.
Дегенмен де, адам өмір жолындағы әр кезеңде табысқа қол жеткізуді қалайтындығы ақиқат. Ал бұл жолда үлкен талап пен талпыныс, ынта болмаған жағдайда оң нәтижені күтуге болмайды.
Табысқа жету жолы ұзақ және көптеген кедергілерге толы.
Ол күнделікті әрекеттерді, табандылық пен дәйектілікті, күш-жігерді қажет етеді
Бірақ өзіңізді жетістікке қалай ынталандыруға болады? Бұл жолдан шықпауға не көмектеседі? Яғни, қалай табысқа жетуге болады ? Экранға назар аударыңыз!
"Табысқа қалай жетуге болады? " мотивациялық астарлы әңгіме"бейнеролигін тамашалайық.
Жүргізуші: Сіздер Видеороликті көріп болсаңыздар, мен педагогтарға "Бірге жаңа шыңдарға " квест-ойынына қатысуды ұсынамын.
Бұл квест-ойыны арқылы мұғалімнің кәсіби құзыреттілігі немесе табысқа қалай жетуге болатынын анықтайтын боламыз.
Бұл квест-ойыны бізге бүгін табыстың қыр-сырын анықтауға көмектеседі. Квест – бұл командалық ойын болғандықтан, мұғалімдерге
командаларға бөліну керек. Ол үшін өздеріңізге ұнаған гүлді алып, түсіне қарай бірігесіздер.

Қызыл – түстердің ішіндегі ең жылы түс. Бұл түсті сөзшең адамдар таңдайды, және еркектердің көпшілігіне ұнайды. Екінші жағынан қызыл түс күш пен қызбалықтың белгісі. Қытайда қызыл түс байлық пен дамудың белгісі ретінде ассоциацияланады.

Сары түс – жеңілдік пен қуанышты, сабырсыздықты, нұр сәулені білдіреді. Қуаныштың, күн шапағатының нышаны. Сары түс адамды болашаққа бағыттайды, жаңалыққа талпындырады, заманауилыққа, дамушылыққа құштар етеді.

Топ мүшелеріне арналған ереже:

Жұмысымыз нәтижелі болуы үшін топ ережесін бекітуіміз керек. Мен сіздерге мақал-мәтел оқимын, сіздер соған сәйкес келетін топ ережесін құрастырасыздар.

1.Білекті бірді жығады, білімді мыңды жығады

2. Уақыт – алтын.

3.Көп сөз- көмір, аз сөз-алтын.

4.Су ішкен құдығыңа түкірме .

5.Қарғыстың ең жаманы:
Өзің білме, білгеннің тілін алма.

6.Бір жеңнен қол шығар, бір жағадан бас шығар.

7.Сабыр түбі сары алтын.

8.Тәрбиелі адам тағаланған атпен тең.

Топтың тұсаукесері: команданың атауын, оның ұранын анықтаңыз, команда капитанын таңдаңыздар.
Командаларға ойлану үшін 2 минут беріледі

Жүргізуші: Командалар жұмысқа дайын! Әрдайым сапарға шыққанда жолдан адаспау үшін сізге карта қажет. Әр командаға карта беріледі. Картада үш нүкте белгіленген, сол нүктелерге тоқтап , тапсырманы орындау қажет. Үстелде әр нүктеде тапсырмалар бар 3 парақ бар.
Әрбір кезеңде әр команда конверт алады, бірақ оны ашуға болмайды. Біз бұл конверттерді ойынның соңғы кезеңінде ашатын боламыз.

1 "Мақсат қою" аялдамасы
Бірінші командаға тапсырма (№1 "мақсат қою"):
"Сіздің кәсіби қызметіңізге байланысты қиын тапсырмаға жіберетіні белгілі болды. Бірақ қандай тапсырма және қайда баратыныңыз белгісіз. Өзіңізбен бірге 5 адамды көмекші ретінде бірге алып кетуге рұқсат берді. Сіздің таңдауыңыз кімдерге түспек?
Ауыл мектебінің мұғалімі, 37 жаста
Үй шаруасындағы әйел, 24 жаста
Невропатолог, 40 жаста
Салонның иесі, 62 жаста
Студент, 18 жаста
Инженер, 31 жаста
Парламент депутаты, 53 жаста
Қойшы, 45 жаста

Стюардесса, 27 жаста
Профессор, 59 жаста
Жұмыссыз, 32 жаста

Неліктен сіз осы көмекшілерді таңдадыңыз? Қандай критерийлер бойынша, қандай мақсатпен таңдадыңыз?

Екінші командаға тапсырма (№2 "мақсат"):
Мен сізге "Бауырсақ " ертегісін еске түсіруді ұсынамын.
"Кемпірі бауырсақ пісіріп, суысын деп терезенің алдына қойды. Ал бауырсақ секіріп түсіп, домалай жөнелді.»
Ол қайда кетті және неге? Бауырсақтың сапарының мақсаты болды ма?
(мүмкін жауаптар: серуендеу, достар табу, әлемді көру т. б.) яғни, ол өзіне нақты мақсат қоймады және нәтижесінде бауырсақты түлкі жеп қойды.
Тапсырма: Осы ертегі жақсы нәтижемен аяқталатындай етіп ертегіні қайта құрастырыңыз,бауырсақтың сапарының мақсатын анықтаңыз және бауырсақ үшін сапары сәтті аяқталуы тиіс.
Тапсырманы орындау уақыты-5 минут
Командалар жұмыс нәтижелерін ұсынады (жауаптарын көрсетеді)
Орындалған тапсырма үшін командаларға конверт беріледі

Әр адамның өмірінде қойған мақсаттары болады. Бірақ кейде мақсаттар шын өмірмен үйлеспей, мақсат емес, орындалмас арман болып кетеді. Мақсаттарымыз орындалу үшін не істеу керек? Мақсатты қалай дұрыс қою керек?
Кез келген мақсаттың, мейлі ол жеке өміріңізге не мансапқа байланысты болсын, белгілі бір сапалық көрсеткіштері болуы керек. Егер сіз мақсатыңызды осы көрсеткіштермен өлшей отырып қоя білсеңіз, оған жету жолыңыз оңай, қадамдарыңыз жүйелі болады. 
Сонымен, мақсатыңыздың мынандай қасиеттері болсын: 
Нақтылық 
Өзіңіз не қалайтындығыңызды анық білмесеңіз, нәтижеге жету өте қиын болмақ. Мақсаттарыңызды нақтылаңыз. "Көлігім болса ғой..." дегеннің орнына, қандай маркалы, қай түсті көлікті қалайтындығыңызды ойлап, оның бағасын біліп, мақсатыңыздың орындалуына қадамдар жасаңыз.  
Мақсат өлшемі 
Мақсатыңыз қай жағдайда орындалады? Мақсатыңызға өзіңізше өлшем бірлік беріп, шкала құрыңыз. Мысалы арықтаймын деп мақсат қойған арулар қанша килограмм салмақ тастағысы келетінін алдын ала белгілеген жөн. 
Қолжетімділігі 
Бұл қасиет мақсат пен арманның бірден-бір айырмашылығы. Армандарыңыз орындалмастай болуы мүмкін, алайда мақсатыңыз қол жеткізе алатындай болуы керек. Арманыңыз уақыт өте мақсаттарға айнала алады. Сол себепті армандарға да көңіл бөліп, барынша қолжетімді қылыңыз. 
Орындалу уақыты 
Әр мақсатқа өзінің уақытын тағайындап, мақсатты сол кезде орындауға тырысыңыз. Мерзімі жоқ мақсат сол бетінше кейінге қала береді. 
Мақсаттың сапалық көрсеткіштерінің бәрін ұстана отырып, өзіңіздің мақсаттарыңызды қайта қарап шығыңыз. Мақсаттарыңыз жақын арада орындалуы әбден мүмкін.
Дұрыс қойылған мақсат-жарқын болашақтың кепілі!
Біз картаға сәйкес маршрут бойынша қозғалуды жалғастырамыз және
"Заманауи педагог"деген келесі бағытқа көшеміз.

2."ЗАМАНАУИ ПЕДАГОГ" аялдамасы
Сонымен, алдыңғы кезеңде біз жетістікке жету үшін мақсат қою өте маңызды екенін түсіндік, бірақ белгілі бір мақсаттарға жету үшін маман кәсіби, іскерлік және жеке қасиеттерге ие болуы маңызды.
Заманауи мұғалімнің бойында қандай қасиеттер болуы керек ?
Бірінші командаға тапсырма (№1 "Кәсіби қасиеттер"):
Сіз элиталық гимназияның директорысыз, яғни жұмыс берушісіз және
жалғыз бос орынға көп қызметкердің ішінен бір мұғалімді таңдауыңыз қажет.Сіздерге түйіндеме дайындау ұсынылады. Қандай кәсіби қасиеттеріне басымдық бересіз, қандай маман сіздің элиталық гимназияңызға маман болып жұмысқа тұра алады?
Екінші командаға тапсырма (№2 "іскерлік қасиеттер"):
Өзіңіз үшін мұғалімді таңдайтын ата-ана екеніңізді елестетіп көріңіз
Ата-ана ретінде қандай мұғалімге сүйікті балаңызды бересіз, түйіндеме жасаңыз.
Тапсырманы орындау уақыты-5 минут
Командалар жұмыс нәтижелерін ұсынады (жауаптарын көрсетеді)
Орындалған тапсырма үшін командаларға конверт беріледі
Сонымен біз маңызды қазіргі заманғы мұғалім бойында болуы тиіс қасиеттерді таптық. Енді маршрут бойынша қозғалуды жалғастырамыз картаға сәйкес және келесі бағытқа өтейік.

3."КӘСІБИ ҚҰЗЫРЕТТІЛІК" аялдамасы

Жаңаша мұғалім дайындау үрдісін құзыретті білім беру арқылы қарастыру керек. Қазіргі заман талабына сай дағдыланған құзыретті маман – жаңа ақпараттық технологияларға біліктілік тұрғысынан жауап бере алатын заманауи дамыған тұлға. Жалпы, «құзырет» ұғымы латын тілінен аударғанда – «дегеніне жету, дәл келем, лайықпын», белгілі бір саладағы білім мен тәжірибеге негізделген мағынаны білдіреді. Құзіреттілік түсінігін жаңа тұрғыдан алып қарастырсақ «жаңа тұрпатты педагог» ұғымы еске оралады.
Мектептегі білім беру сапасын арттыру үшін ең алдымен мұғалім біліктілігі жеткілікті дәрежеде өсіп, кәсіби шеберлік шыңына талпынған тұлға иесі болуы тиіс. Бұл жұмыс барысында осындай кәсіби құзырлыққа жол сілтейтін тиімді кеңестер мен маман психологтердің салыстырмалы пікірлері баяндалады. Заманауи ұстаз моделі туралы ой түйіндейді.
Бірінші командаға тапсырма (№1 "Кәсіби құзыреттілік"):
Заманауи ұстаз моделін құрастыру

Екінші командаға тапсырма (№2 "Кәсіби шеберлік"):
«Кәсіби даму жолдары "кластерін құрыңыз, қандай қызмет түрлері арқылы
мұғалімнің кәсіби құзыреттілігі артады.
Тапсырманы орындау уақыты-7 минут
Командалар жұмыс нәтижелерін ұсынады (жауаптарын көрсетеді)
Орындалған тапсырма үшін командаларға конверт беріледі
"ТАБЫС БАСПАЛДАҚТАРЫ" ҚОРЫТЫНДЫ ӨНІМІ
Енді жинаған конверттерді ашып, бірлесе отырып табысқа, жетістікке жету баспалдағын жасаңыздар.
Қадамдарға орналастырылуы керек конверттердегі сөздер: білім аламын, мақсат қоямын, әрекет етемін, талдаймын,
өзімді жетілдіремін, дамытамын, тәжірибеммен бөлісемін, нәтижеге жетемін.
Жүргізуші: Біз бүгін квст ойыны барысында осындай жетістік формуласын шығардық.
Шынында да, қазіргі мұғалім бір орында тұрмауы керек, ол керек
үрдістерді ескере отырып, өзінің кәсіби деңгейін үнемі арттыруы және дамытуы қажет. Қазіргі мұғалім тек мұғалім ғана емес, сонымен бірге дамуға және дамуға дайын болуы керек.

Алматы облысы

Іле ауданы

№ 12 орта мектеп

Бастауыш сынып мұғалімі Таджигулова Эльмира Жумабаевна