«Біз - біргеміз, берік іргеміз» тренингі

Тақырыбы: Біз - біргеміз, берік іргеміз тренингі
Мақсаты:Педагогтар арасындағы байланысты нығайта отырып, бірін - бірі кеңірек танып білуге, қатысушылардың өз мүмкіндіктерін шамалауға және көктем мезгіліндегі шаршағандықтарын төмендетіп, көңіл күйлерін көтеру.
Психолог: Сәлеметсіздерме, құрметті әріптестер. Бүгін сіздермен дөңгелек үстел барысында кездескенімізге өте қуаныштымын.Олай болса сіздемен бірге Біз-біргеміз, берік іргеміз атты тренингімді бастауға рұқсат етіңіздер.
Өтілу барысы:
1. Сәлемдесу. Мен Гульназ Абдылхамитқызы Ер Төстік балабақшасында педагог-психолог боп қызмет атқарамын. Бүгін менің көңіл-күйім өте тамаша!
2. Қажетті сөз (слайд бойынша)
3.Тұлға тесті (слайд)
4. Геометриялық фигуралар.(слайд)
5. Тест Ашуыңызды ірке білесіз бе?
6. Реалаксация Теңізге саяхат
Жайланып отырыңыз, көзіңізді жұмыңіз. Терең демалыңыз, денеңізді бос ұстаңыз, денеңізді ауырлап бара жатқандай және оны теңіз толқынының лебі ұрып жатқандай сезініңіз. Өзіңізді жартастың үстінде тұрмын деп есептеңіз және алысқа көз жіберіңіз. Сіздің алдыңызда көгілдір теңіз, ашық аспан және күн. Теңіз бірқалыпты дем алып, асау толқындары жағаға соғылып, қайтадан кейін қайтуда.
Теңіз толқындарының шуын естіп, толқындарға қызыға қарап, жағалаудағы теңіздің тұзды ауасын жұтып сіз тұрсыз.
Өз бойыңызды басқан ауырпалықтан бір сәтке болса да арылғандайсыз. Сіздің рухыңыз жайлылық сезіміне толы.
Сіз төменге түсіп, аяғыңызды шештіңіз, жалаң аяқ құмның қызуы мен жұмсақтығын сезіне отырып жүгірудесіз.
Міне сіз судың жанына келдіңіз, толқындар сіздің аяғыңызды жуып жатыр, су жып-жылы әрі жұп-жұмсақ.
Сіз қолдарыңызды бос тастап, басыңызды шалқайттыңыз. Күн сәулесі мен жеңіл самал жел , теңіз толқындарының тамшылары сіздің денеңізді баурап алғандай. Ерніңізде теңіздің тұзды суының кермек дәмі және бақыт күлкісі. Сіз өзіңізді кішкентай бала сияқты сезініп- жүгіргіңіз, секіргіңіз, су шашып ойнағыңыз, күлгіңіз келеді. Өзіңізге осы бірнеше минут ішінде не істегіңіз келсе, соны істеуге рұқсат етіңіз.
Сіздің қайтатын уақытыңыз болды. Міне сіз тағы да жардың басында тұрсыз.
Сізге демалыс пен бақыт сыйлаған ғажайып әлемге алғысызды айтыңыз.
Асықпай бұл орынмен қоштасыңыз Көздеріңізді асықпай ашыңыз.

7. Қорытынды. Майшам жаттығуы.Қазір мен майшамды жағамын. Барлығымыз бір-бірімізбен бірігіп, жұмыс жасағанымыз үшін бір-бір жылы сөз айтып, майшамды беріп отырамыз. Қоштасуға майшамды алғанымыз, жарық деген жақсы нәрсе, сондықтан да алдарыңыз ашық, жарқын болсын деген тілекпен, бүгінгі тренингімізді аяқтаймыз. Рахмет!