"Біз біргеміз"

Педагогтің тегі, аты, әкесінің аты: Жарылгасова Л.Ж.

Күні: 19.11.2024ж

Қатысушылар

Педагогикалық ұжым

Тақырыбы

«Біз біргеміз»

Мақсаты

Бірін-бірі кеңірек танып білуге мүмкіндік жасау, ұжым арасындағы қарым-қатынасты нығайту, көтеріңкі көңіл-күй сыйлау, өзін еркін сезінуге көмектесу, ұжым ауызбіршілігін қалыптастыру.

Құндылықтар

Бірлік, ұйымшылдық, жауапкершілік

Барысы:

Кезеңі

Педагог-психологтың әрекеті

Ұстаздар әрекеті

Ресурстар

Басы

Саламатсыздар ма құрметті әріптестер! Бүгінгі тренинг ережесі:

1.Күлімсіреу;

2.Бірігіп жұмыс жасау;

3.Өз ойын ашық жеткізу;

4.Белсенділік таныту;

5.Еркін сезіну.

Әріптестер, шеңберге тұрып «Қарым-қатынас айналымы» жаттығуын ойнайық. Көршілерімізбен күлімдесіп амандасайық.

«Мен жақсы көремін ...»

«Мені қуантады...»

«Менің көңіл күйім көтеріледі...»

«Менің жақсы қасиетім...»

«Мен өзімді мақтан етемін, қашан....» деген сұрақтар қойылады.

Ойын шартына сәйкес сәлемдеседі.

Қатысушылар шеңберге тұрып, көршілерімен күлімдесіп амандасады. Психолог нұсқауымен төмендегі сұрақтарға тез жауап береді.

Ортасы

«Мұнара» ойыны

Ойынның мақсаты: ұжымды ұйымшыл болуға, ортақ мақсатқа бірігіп жетуге, бір-біріне деген сенім ұялатуға үйретеді.

Әріптестер мына арнайы жасалған резенкеге байланған жіптерді бір бірден ұстап, үстел үстіндегі стакандардан бірігіп мұнара жасаймыз.

«Биік шаңырақ» ойыны

Ойынның мақсаты: бір мақсатқа бірігіп жетуге, ұйымшыл болуға үйрету.

Әріптестер, барлығымыз шеңберге тұрайық. Мына лентадан жасалған шаңырақты менің нұсқауым бойынша белгі бергенде биікке лақтырамыз, бір шапалақтап, шаңырақты қағып аламыз. Мен екінші рет белгі бергенде биікке лақтырып, екі рет шапалақтап, шаңырақты қағып аламыз. Ал үшінші рет белгі бергенде биікке лақтырып, орындарында бір айналып шаңырақты қағып аламыз.

Арнайы жасалған резенкеге байланған жіптерді бір бірден ұстап, үстел үстіндегі стакандардан бірігіп мұнара жасайды.

Қатысушылар шеңберге тұрады. Лентадан жасалған шаңырақты психологтың нұсқауы бойынша белгі бергенде биікке лақтырып, қолдарымен бір шапалақтап, шаңырақты қағып алады. Екінші рет психологтың белгі бергенде биікке лақтырып, екі рет шапалақтап, шаңырақты қағып алады. Үшінші рет белгі бергенде шаңырақты биікке лақтырып, орындарында бір айналып шаңырақты қағып алады.

Соңы

Қатысушылар бір бірімізге қарап, жылы тілек айтып құшақтасып қоштасамыз. Барлықтарыңызға қатысқандарыңызға рахмет. Сау болыңыздар.

Қатысушылар бір біріне тілек айтып, құшақтасып қоштасады.