4 сыныптарға

Біз және табиғат (шығарма)

Біздің Қазақстанның табиғаты өте әдемі және бай.Жаз айларында Бурабайға отбасымызбен демалуға бардық.Бұл жердің ағаштары,ауасы,суы қандай керемет!Таудың биік жартастарындағы қарағайлар еріксіз таңқалдырады.Құдды біреу сол қарағайларды арнайы отырғызғандай,біркелкі ,жап-жасыл, хош иісі мұрын жарады.Қарағайдың бойында эфир майы көп және ұзақ өмір сүретін төзімді ағаш.Таудың етегіндегі өзенде балықтар шоршып, секіріп, ойнап жүр.Өзімді ертегі еліне кіріп кеткендей сезіндім.Айналаның бәрі хош иісті гүлдер, алуан түрлі құстардың сайрағаны естіледі.Ұлтым қазақ болмаса да,осы елде туып, саф ауасын жұтып, табиғатына, қазақ халқына еркелеп өсіп келе жатқаныма өзімді бақытты сезінемін.

Демалыс орындарына келген кейбір меймандар қағаздарды, бөтелкелерді қалай болса, солай тастап,жаққан оттарды да өшірмей кетіп бара жатты.Ал, оттың шоқтары ағаштарға тисе не болады?Сонша жылдардан бері өсіп тұрған орман ағаштары лезде жанып кетпей ме?Олар табиғатқа қанша залал келтіретінін біле ме екен?Бұндай ормандар орнына келу үшін қанша жылдар, керек десеңіз, тіпті ғасырлар керек екенін екінің бірі біле бермейді.

Табиғатты өз отбасымыздай қорғап,оны қадірлесек,ол да бізге ұзақ жылдар бойы қызмет етеді.Оның әрбір тасын, әрбір ағашын , мөлдір бұлақтарын сақтау біздің ,әрқайсымыздың борышымыз, парызымыз.Демалыс орындары болсын, тіпті жолдың бойы болсын қоқыстарды тастамайық.Болашақ ұрпаққа аманат етіп тастайтын жерімізге мейіріммен, таза жүрекпен қарап,табиғатқа өз үлесімізді қосайық.Табиғат біздің –АНАМЫЗ!

Табиғатты аялайық,қорғайық,қадірлейік,жас достар!