МКҚК «Балдаурен» бөбекжай бақшасы

«Біз мықтымыз, күштіміз!»

(спорттық ойын-сауық)

Дайындаған: Е. Елеусизова

Л.Болысбаева

2022-2023 оқу жылы

«Біз мықтымыз, күштіміз!»

Мақсаты: балалардың белсенділігін нығайту, ептілік, шапшаңдықтарын, батылдықтарын арттыру. Әртүрлі спорттық ойын түрлерімен таныстыру, тәсілдерін меңгерту. Екі топ балаларын достыққа, ұқыптылыққа, икемділікке тәрбиелеу.
Керекті құрал-жабдықтар: кішкене доптар, кедергілер, кеглилер,шарлар,шығыршықтар, шелектер, геометриялық пішіндер, арқан, денсаулық, спорт туралы нақыл сөздер.

Жүргізуші: Құрметті жиналған қауым, апайлар, бүлдіршіндер! Бүгінгі «Біз мықтымыз, күштіміз!» атты спорттық ойын-сауыққа қош келдіңіздер!
Ал, сайыскер балалар,
Ешкімнің жоқ алалар.
Жеңімпаз болу үлкен ерлік,

Оны әділ қазы алқасы бағалар- дей отыра әділ қазы алқасымен таныстырып өтейін:
1. «Балдаурен» бөбекжай бақшасының меңгерушісі м.а - Атекеева Сағадат Бейсембековна

2. «Кәсіподақ» төрайымы - Жаканаева Эльмира Кенжибаевна

2. Ендігі кезекті ортаға сайысқа қатысушы екі команданы таныстырып өтейін.
1-ші топ: «Балақай» тобы
2-ші топ: «Күншуақ» тобы

Ендіше сайыс кезеңдерімен таныстырып өтейін:
1. «Кім жүйрік» ойыны.
2. «Кім епті» ойыны.
3. «Кім жылдам» ойыны.
4. «Кім мерген» ойыны.
5. «Арқан тартыс» ойыны

Жүргізуші: Денің сауда күштісің бұл әлемде,
Денің сауда сұлусың жер бетінде.
Сол мықты денсаулықтың арқасында,
Жетерсің әлі талай бақыттар- деп алғашқы сайысымыз «Кім жүйрік » атты ойынымызды бастаймыз.

Ойын шарты: үрілген шарды ұстап жүгіріп келу.
Бәрекелді балалар!
Әділ қазы алқасы әділ бағаларыңызды берсеңіздер.
Сайысымыздың келесі кезеңі «Кім епті» деп аталады.

Ойын шарты: шығыршықтың ішінде жатқан геометриялық пішіндерді, келесі шығыршыққа салу.
Жарайсыңдар балалар сендер неткен епті едіңдер.
Ендегі ойналатын ойын«Кім жылдам» деп аталады.
Ойын шарты: күрекпен қарды алып жүгіріп, шелекке жинау.

Жүргізуші:

Денсаулық-басты байлық өмірдегі,

Нәр беретін асыл ғой көңілдегі.

Салауатты өмір салтын насихаттап,

Атанайық жақсы азамат өңірдегі- дей отырып келесі кезеңге көшелік.
«Кім мерген» ойыны.
Ойын шарты: Бірқатар тізілген кеглиді доппен ұрып құлату.

Өте тамаша балалар!
Соңғы сайысымыз «Арқан тартыс» деп аталады.
Ойын шарты: Аталған екі топ екі жаққа тұрып, арқанды өз жақтарына тарту.
Бәркелді балалар сендер өте тамаша ойынадыңдар. Ендігі сөз кезегін балаларды мадақтау үшін әділ қазыларға береміз.

Осымен «Біз мықтымыз, күштіміз!» атты спорттық ойын- сауығымыз аяқталды.
Балалар жеңістерін құтты болсын! Деніміз сау, аспанымыз әрдайым ашық болсын. Көріп, қолпаштағандарыңызға көп рахмет. Сау саламатта болайық.