Мақсаты: Оқушыларға өмір сүріп жатқан елімізд сүюге баулы отырып, сүйіспеншілік құндылығының мәнін ашу.

Міндеттері:

1. Білімділік: Оқушыларға айналадағы бәрін жақсы көру керектігін үйрету

2. Дамытушылық: Оқушылар бойындағы бауырмалдық қасиеттерін дамыту.

3. Тәрбиелік: Оқушыларды татулыққа тәрбиелеу.

Ресурстар:

Кітап, дәптер

Сабақтың барысы:

1. Ұйымдастыру кезеңі.

Жағымды күйге келу. Нұрға бөлену.

2. Үйге тапсырманы тексеру

1. №28 – сабақ. «Табиғатты қорғайық» тақырыбында шығарма жазу.

2. Келесі сабақ. №29, Мұхтар Мағауиннің «Бір атаның балалары» үзіндіні оқып келу.

1. Ахмет ақсақал неліктен неміс баласын таңдады?
2. Ахмет ақсақалдың бойындағы басты қасиеті қандай?
3. Қалай ойлайсыңдар, Зигфридті қандай өмір күтіп тұр?
4. Адамдарды не біріктіреді?

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

3. Сабақтың дәйексөзі.

(Оқушыларға 1 рет айтқызып, дәптерге жаздырту)

Ынтымақ түбі — игілік.
Қазақ мақалы
Сұрақтар:

1. Ынтымақ деген сөзді қалай түсінесіңдер?

2. Дәйексөзден қандай ой түйдіңдер?

4. Оқиға айту (Мұғалім сыйы).

Бақ қайда барасың? Ынтымаққа барамын.

Төле би бала кезінде Әнет бабаға барыпты. Жасы жүзге келіп қалған Әнет баба ел бірлігі жайында әңгіме айтып отырады. Төле:

• Қалай еткенде бірлік болады, оның күші қандай болмақ? - дегенді сұрайды.

Сонда Әнет баба әуелі жауап айтпас бұрын,бір бума солқылдақ шыбық алдырып:

• Балам, мынаны сындырып көрші, - дейді.

Төле буылған шыбықты олай-бұлай иіп,сындыра алмайды.

• Енді сол шыбықты біртіндеп сындыршы.

Төле ортасынан буылған шыбықты шешіп,біртіндеп оп-оңай сындырып береді.Әнет баба:

• Бұдан не түсіндің, балам ?-дейді.Сонда Төле бала:

- Түсіндім,баба,бұл мысалыңыздың мәнісі: ынтымағы, бірлігі мықтыелді жау да, дау да ала алмайды. «Саяқ жүрген таяқ жейді» демекші, «бірлігі,ынтымағы жоқты жау да,дау да оп-оңай алады»дегеніңіз ғой.

- Бәрекелді, балам,дұрыс таптың.Ел билеу үшін алдымен елді ауыз бірлікке,ынтымаққа шақыра біл. «Бақ қайда барасың? Ынтымаққа барамын» дегеннің мәнісі осы,- депті Әнет баба.

Сұрақтар:

1. Әнет бабаның тапсырмасында қандай мән жатыр?

2. «Бірлік», «ынтымақ» сөздерінің мәнін қалай түсінесіңдер?

3. Сендерге ата-аналарыңмақал-мәтел арқылы ақыл, кеңес бере ме?

4. Қандай мақал-мәтелдер естеріңде қалды?

5. Ынтымақ пен бірлікте болған іс-әрекеттерің туралы жағдаяттарды айтып беріңіздерші.

5. Шығармашылық жұмыс, топпен жұмыс.

Тапсырма: Қазақ және орыс халқының мақал - мәтелдерінің ішінен мазмұны ұқсастықтарын табыңдар.

6. Топпен ән айту.

Отан
Өлеңін жазған: Нұрсұлтан Әлімқұлов
Әнін жазған: Ибрагим Нүсіпбаев
Туған Отан, дәулетің асқан,
Бақыт нұры сәулесін шашқан.
Асыл ана мейірі жылы,
Еркелесем кеудесін ашқан.
Қайырмасы:
Кең алқапты желпісін желің,
Байлық тасып, шалқысын көлің.
Байтақ жатқан алыпсың өзің,
Отан-ана, бақытты елім.
Майда ескен таң самалыңмен,
Кеуде шіреп тамсанамын мен.
Туған Отан, сүйемін сені
Кеудемдегі барша жалынмен.
Қайырмасы.

7. Үй тапсырмасы.

1. №29 – сабақ. Өзіңе таныс бір ұлтты таңдап алып, «Түріміз басқа болса да, Отанымыз бір» тақырыбында шағын зерттеу жүргізіңдер. Ол үшін сендерге төмендегілерді табу керек.
Осы ұлттың:
 мақал-мәтелі; ертегісі;
 халық әні;
 ұлттық ойыны;
 ұлттық киімі..

2. Келесі сабақ. №30, «Біз бәріміз бірдейміз» мәтінін оқып келу.

8. Сабақтың қорытынды сәті.

Тыныс алуға зейін қою.

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.