Сабақтың тақырыбы: «Біз осындай баламыз»

Мақсаты: «Өзін - өзі тану» адамгершілік құндылығы туралы түсініктерін кеңейту.

Міндеттері:

• 
  2-сыныпқа арналған «Өзін-өзі тану» пәнінің мазмұнымен таныстыру;

• 
  өзін және айналасын тануға деген қызығушылықтарын арттыру;

• 
  ізгілікке тәрбиелеу.

Көрнекті құралдар: үнтаспа, сюжетті суреттер.

Шаттық шеңбері

Мұғалім балаларды шеңберге шақырады. Барлығы қосылып, ән салады.

Дәйексөз

Мұғалім тақтаға А.Пивеннің «Өзіңді танығанда ғана өзгені білесің» деген нақыл сөзін жазып қояды да осы туралы әңгіме жүргізіледі.

Мәтінмен жұмыс

Мұғалім оқушыларға сабақ тақырыбын кеңірек түсіндіру мақсатында әңгіме оқуды ұсынады. Әңгімеде өздері сияқты балалардың жазғы демалыс кезінде жасаған қамқорлық істері жайлы айтылады.

Ойын

Өзін- өзі танудың 2- сыныбындағы алғашқы сабақ болғандықтан өзін-өзі тануды алдымен өзінен бастау керектігін оқушылардың есіне түсіру мақсатында «Мен қандай боламын?» ойыны ұйымдастырылады

Шығармашылық жұмыс

Оқушылардың сабақта алған білімдерін бекіту үшін шығармашылық жұмыс беріледі. Шығармашылық жұмыс бойынша балалар суреттерге қарап және берілген сұрақтарды қолдана отырып, «Біз осылай өсеміз» тақырыбына әңгіме құрастырады.

Дәптермен жұмыс

Мұғалім оқушыларға дәптермен жұмысты орындау жолдарын түсіндіреді

Тапсырма:

«Менің жазғы демалысым» тақырыбына әңгіме жазындар.

Қорытындылау

Мұғалім оқушылардың 1- сыныпта алған білімдерін еске түсіру мақсатында төмендегі бағытта өрбітуі мүмкін.

Жүректен жүрекке

Балалар мұғаліммен бірге шеңбер құрып , ән айтады.