БҚО. Қаратөбе ауданы, Сәуле ауылы Жақсыбай негізі орта мектебінің психологі Гүлмира Нығметова

Тақырыбы: «Біз стреске бой бермейміз» тренингі

Мақсаты: Оқушылардың бойындағы стресті, жағымсыз эмоцияларды жою.

Көрнекілігі: карточкалар,доп, жүрекше

Жоспары:
«Сәлемдесу » флештренинг
«Эксперимент» жаттығуы
«Табиғат мінезі» жаттығуы
«Сілкіп таста» жаттығуы
«Майшам» қорытынды жаттығуы

«Мені ата» жаттығуы. 
Мақсаты: Топ мүшесі сезімін дамыту,бір-бірімен жақындастыру
Уақыт: 10 минут
Нұсқау: Әр қатысушы өз есімдерін атайды және әр түрлі қимылмен сәлемдеседі. Қатысушылар сол кісінің есімін және қимылын қайталайды. Осылай тренинг жалғасады. Барлық қатысушы сәлемдесіп болғаннан кейін барлық қатысушының есімімен юқимылын есте сақтай отырып, қайталанады.

Эксперимент.

Мақсаты: Стрестік жағдайда өзін-өзі ұстауды үйрету.

Уақыты: 10 минут.

Өткізу техникасы: әрбір қатысушыға карточкалар беріледі, осы карточкаларда әріптер ретсіз жазылған. Берілген мәтінді оқу керек.

Нұсқау: Сіз 30 секунд ішінде 3 жалғанбалы үзінділерді оқып шығуыңыз керек:

ШАРЛЬЛЮСИДЫАРҚАСЫНАКӨТЕРІПАЙТТЫМЕНІҢМОЙНЫМЫМНА

НҰСТАДаБІРАҚҚорқыпТұрҒанбаЛАНықалаЙҚАУІПсізЖЕРгеапарУҒАБОЛАДы,БІРУАқыттажҮГРІПКЕТіпбараЖАТҚанаяҚТАРДЫңдыбыСЫеСТІЛді

Талдау:

Сіз тапсырманы лезде орындадыңыз ба?

Оны тез орындауға не қажет болды?

Сіздің ойыңызша бақылау нені білдіреді?

Өз- өзіңізді бақылауды қалай дамыту керек?

«Сенімділік»
Мақсаты: өзіне сенімділігін арттыру.
«Мен өзіме сенемін, өйткені....» сөйлемін аяқтау.

« Аутотренинг»

Көзімізді жұмып отырамыз, жай әуенмен оқылған сөзді мұқият тыңдай отырып, ой елегінен өткіземіз. Әуен тақтағаннан кейін көзімізді ашып «Қандай сезімде болдыңыз?» ойларын ортаға салу.

Сергіту сәті. “ Сілкіп таста”

Мақсаты: Жағымсыз, қажет емес, кедергі жақтардан құтылу, сенімділікті орнату

Нұсқау: Мен сіздерге жағымсыз, сенімсіз сезімдерден арылып, өзіңізді қалыпқа келтірудің  жолын көрсетемін. Кейде біз көп күшімізді алатын ауырлықтарды көтереміз.

Мысалы: Ойымызға! Тағы да жолым болмай қалды. “Жақсы тапсыра алмаймын, көп қате жіберіп, екі аламын” деген  сияқты.

Айналамызға орын қалдырып, еркін тұрып, алақаныңызды сілкіңіздер, білегіңізді сілкіңіздер, иығыңызды сілкіңіздер. Әр оқушы бойындағы бір жағымсыз қасиеттерді айтып шықсын
Осы сәтте өзіңізді жағымсыз жағдайлардан арылғандай сезініңіздер. Аяқтарыңызды саннан тобыққа дейін сілкіңіздер, бастарыңызды сілкіңіздер, беттеріңізді сілкіңіздер. Сезініңіздер, сіздің бойыңыздан ауыр жағымсыз, жүктің түскенін. Сіз біртіндеп сергек, көңілді болудасыз немесе көңілді - күй жағдайдасыз. Енді сеніммен мына сөздерді қайталаңыз:

•Мен ақылдымын.

•Менің жаным тыныш

•Мен қиындықтан қорықпаймын.

•Мен жаспын, қандай әдемімін.

•Менің қолымнан, көптеген жақсылық келеді, бәрі келеді.

•Маған сенімділік күш береді.

•Мен бәріне де дайынмын.

«Майшам» жаттығуы. 
Қазір мен майшамды жағамын. Барлығымыз бір-бірімізбен бірігіп, жұмыс жасағанымыз үшін бір-бір жылы сөз айтып, майшамды беріп отырамыз. Қоштасуға майшамды алғанымыз, жарық деген жақсы нәрсе, сондықтан да алдарыңыз ашық, жарқын болсын деген тілекпен, бүгінгі тренингімізді аяқтаймыз. Рахмет!