Біздің ауыл Ұйымдастырылған оқу қызметі

Тақырыбы: « Біздің ауыл »

ОІӘ түрі: Ашық ұйымдастырылған оқу іс әрекеті

Білім саласы: «Қатынас»

Білім бөлімі: «Тіл дамыту»

Мақсаты: балаларға ауыл тіршілігі жайлы айту, ондағы үй жануарлары туралы түсініктерді қалыптастыру.

Дамытушылығы: Балалардың үй жануар туралы білімдерін толықтыру, тақпақ, мақал-мәтелдерді қайталап отырып, сұрақ-жауап арқылы тіл байлығын дамыту.

Тәрбиелілігі: Үй жануарларына қамқорлық жасауға тәрбиелеу.

Көрнекілігі: Үй жануарларының макеті, суреттері, асық .

Бірімділігі: Балалардың үй жануарлары туралы білімдерін бекіту

Оқу іс-әрекетінің барысы:

Балалар шаттық шеңберіне тұрады

Армысың, балабақша, дос жараным,

Армысың, ардақты ауылым менің

Армысың, асқар тауым, көлім менің,

Армысыңдар қонақтар!

Тәрбиеші: Балалар, қараңдаршы, дала қандай тамаша. Бүгін бәрің сондай әдемісіңдер! Көңіл күйлерің қалай?

Балалар: Көңіл күйіміз жақсы.

Тәрбиеші: Олай болса, жақсы көңіл-күймен оқу іс-әрекетімізді бастаймыз.

Шуақ шаша ,

Алтын таңда,

Мөлдір , таза ауада .

Табиғатта бәрі оянды,

Оян сен де, бар бала.

Бүгін гі оқу іс- әрекетіміз қызықты болатын секілді.

Балалар , сендер ауыл дегенді білесіңдер ме ? Ол жақта кімдер тұрады?

Балалар: Иә, ауылда ата-әжеміз тұрады.

Тәрбиеші: Олай болса, бүгін сол ата мен әженің үйіне қонаққа барамыз. (Барлығы жиналып жолға шығады.)

-Балалар қараңдаршы, тоғайда малдар жайылып жүр.

Қане, кім маған төрт түлікті атап береді?

Нұрбол: -Түйе,

Тоғжан: Сиыр

Ақерке: Қой

Нұрасыл: Ешкі.

Тәрбиеші: Олардың төлдерін атайық?

Эльдар: Түйе төлі – бота.

Үміт: Сиыр төлі – бұзау.

Гүлсезім: Қойдың төлі – қозы.

Аңсар: Ешкі төлі – лақ.

Тәрбиеші: Ата-апамыздың үйіне жақындап келеміз.

Балалар: Қане, қане! – деп қуанып кетеді.

Тәрбиеші: Міне, келіп жеттік.

Балаларды ата мен әже қарсы алады.

Ата мен әже: Амансындар ма боталарым!

Балалар: Сәлеметсізде ме.

Ата мен әже: Әй, балалар, жолда малдардың жайылып жүргенін көрдіңдер ме?

Балалар: Көрдік.

Ата мен әже: Келіңдер боталарым сендерге сақтап қойған құрт майдан дәм татындар.

Міне, мына дастархандағы тағамдардың барлығы сол төрт түлік малдан алынған өнімдер.Сендер қайсы малдан қандай өнім алатынын білесіңдерме?

Толғанай: Сиырдан сүт аламыз.

Н.Нұрасыл: Жылқыдан қымыз.

Гүлнұр: Түйеден шұбат аламыз.

Назерке: Сүттен айран, қаймақ, ірімшік, құрт жасалады.

Ата мен әже: Жарайсыңдар.

Балалар ,сендерүй жануарларын қалай шақыратынын білесіңдерме?
Балалар: Ия, білеміз.

Қойды «пүшәйт-пүшәйт»,

Сиырды «ахау-ахау»,

Ешкіні «шөре-шөре»,

Атты «құрау-құрау»,

Түйені «көс-көс» деп шақырады.

Ата: Балаларым, мен сендерге асық жинап қойып едім. Қалай, ойнауға даынсыңдар ма?

Балалар: Ия дайынбыз

«Ханталапай» ойнау

Тәрбиеші: Қане балалар ата – әжемізге тақпақтар айтып берейік.

Ата мен әже: Ия боталарым, тақпақтарымен бізді бір қуантындар.

Ерсұлтан: Біздің ауыл көктемде

Көл жағалай қонады

Айдын шалқар көк көлге

Аққу – қаздар толады

Ақерке: Қатар – қатар шалғында

Ақ боз үйлер тұрады

Ақ боз үйлер алдында

Аппақ түтін шығады

Тоғжан: Ауыл деген кең дала

Жап – жасыл ғой айнала

Ауасы қандай тамаша

Ой салады оңаша

Сондай ақ біздің балалар тақпақты ғана емес мақал-мәтелдер де біледі.

Ернұр: «Даланың көркі-мал».

Фелиз: «Мал өсірсең, қой өсір, өнімі оның көл-көсір».

Тәрбиеші: Қане балалар жолға шығатын уақытта келді.

Ата: Әжелерің сендерге өздеріңмен алып бауырсақ дайындап қойған едім. Өздеріңмен бірге ала кетіндер.

Тәрбиеші: Балалар атамыз бен әжемізге рахмет айтайық.

Балалар: Рахмет сіздерге. Сау болыңыздар!

Тәрбиеші: Ал балалар енді өз тобымызға да келіп жеттік. Ауылда көрген

төрт түлігімізді мүсіндеп, бейнелейік.

Балалар екі топқа бөлініп, ермексаздан , бір топ – төрт түлік малдың бейнесін жасайды, тағы бір топ-төрт түлік малды түрлі-түсті қаламмен бояйды.

Балалар өз жұмыстарын белсене отырып жасайды, жасаған жұмыстарын аяқтап болған соң ауылға атасымен әжесіне жібереді.

Тәрбиеші: Жарайсындар балалар. Аталарын мен әжелерін сендерге рақме айтып жатқан шығар. Жарайсындар . Осымен оқу іс-әрекетіміз аяқтайық. Сау болындар.

.