Біздің сынып …..
Осы
сөзді естісек бірден класс,сыныптастар,класс жетекші секілді сөздер
есімізге түседі.
Біздің сыныпта 30 оқушы
оқиды.Оның 16-сы сұлу да,инабатты қыздар,ал 14-і қазақтың қайсар
батырлары.Біздің сынып жетекшіміз - Жайсұлу Итемгеновна.Біздің
сыныпта мерекелерге байланысты іс-шаралар болып тұрады.Оның бірі -
туған күн.Әр адам өз туған күнін асыға күтеді,сол себепті біз әр
туған күн иесін тортпен құттықтап тойлаймыз.Бұл біздің сыныптың
ерекшелігі деп айтсақ та болады.
Сыныбымызда күнбірлеген
домбыраның құлағында ойнайтын Алдияр,бұлбұл құстай сайрап ән
айтатын Ақлен секілді өнерлі сыныптастарымыз бар.Яғни біздің сынып
озат , өнерлі оқушыларға толы.
Барлық балалар өте мейірімді
және ұйымшыл. Олар бір-бірін ренжітпей,тату-тәтті болуға
тырысады.Егер үй тапсырмасы немесе басқа да мәселелер қиындық
туғызса, сыныптастарым әрқашан көмекке келуге дайын
тұрады,сондықтан бір-бірімізді ренжітпеуіне немесе басқалардың
ренжітуіне, мазақ етуіне жол бермейміз.
Барлық сыныптастарымды жақын дос ретінде
қабылдаймын. Сабақтар аяқталған соң, далада серуендеуді және
кинотеатрға баруды ұнатамыз. Кейбір кезде арамызда
түсінішпеушіліктер туындағанымен, аз уақыттан кейін қайта достасып
кетеміз.
Менің сынып жетекшім өте жақсы мұғалім. Ол кісіге
айтатын алғысым шексіз, себебі кез-келген жағдайда дұрыс жолға
бағыттап, ақ
жолды көрсете біледі. Жетекшіміз әрбір оқушының
бабын тауып, сыныптың бірлігін сақтап тұрған біз үлгі тұтар
тұлға.
Жаңа айтып өткендей сыныбымыз
ұйымшыл, жарыстарға белсене қатысып,жүлделі орындарды алуға
тырысады.Біз мұғалімдердің барлығын сыйлаймыз, әсіресе өзіміздің
сынып жетекшімізді. Сынып жетекшіміз біздің екінші анамыз секілді
болып кетті. Мен тоқсан аяғындағы демалыстарда, жаз айларының
демалыстарында, сыныптағы достарымды өте қатты сағынамын!Сыныбым
менің екінші үйімдей болып кеткен,сол себепті мектеп бітіргеннен
кейін, сыныптастарымның арасында қарым-қатынас үзілмей, жиі
кездесіп тұрамыз деген ойдамын.
