Біздің таңдауымыз -заңды мемлекет

Мектеп

№36 орта мектеп

Сабақтың тақырыбы

«Біздің таңдауымыз-заңды мемлекет»

Күні:18.01.2019ж

Мұғалімнің аты-жөні: Аптабекова Н.Е

Мақсаты:

Оқушылардың құқықтық сауаттылығын арттыру.Ата-заңымызға деген сүйіспеншілік сезімін қалыптастырып, шыншыл да әділетті тұлғаны қалыптастыру.Оқушыларды өз міндеттерімен мен құқықтарын білуге үйретуӨзіндік шешімқабылдай алу әрекеттерін дамыту.

Міндеттері:

-Заңдық сауатты адам ретінде заңды үнемі орындайды;

-Жауапкершілік принципін бойына қалыптастырады;

-Заңды мемлекеттің мақсаты мен міндеттерін біледі.

Бағалау критерийлері:

1.Тақырыпқа байланысты мәліметтерді жинақтайды.

2.Құндылықтарға нақты көзқарасты іс жүзінде іске асыруды меңгереді.

Сабақтың ресурстары:

Рәсімдеу: Плакаттар, суреттер,стикерлер

Сабақ түрі:

Танымдық сабақ

Қолданылатын әдіс-тәсілдер:

«Серпілген сауал» ,« Жағдаяттарды талдау», «Екі жұлдыз,бір-тілек» әдісі, «БББ» кестесі

Жоспар

Жоспарланған уақыт

Жоспарланған жаттығулар (төменде жоспарланған жаттығулармен қатар, ескертпелерді жазыңыз)

Ресурстар

Басталуы

Ортасы

Аяқталуы

• Топқа бөлу. қима қағаздары арқылы 3 топқа бөліп отырғызу.

• І топ: Жарқын болашақ

• ІІ топ: Дарынды ұрпақ

• ІІІ топ :Кемел келешек

Мұғалім: Бүгінгі сабағымызды  Б.Момышұлының «Тәртіпке бас иген құл болмайды, тәртіпсіз ел болмайды» деген мына қанатты сөздермен бастасақ деймін..  Мемлекетіміздің Ата-Заңының 1-бабында «ҚазақстанРеспубликасы құқықтық және әлеуметтік мемлекет, оның ең қымбат қазынасы – адам және адамның өмірі, құқықтары мен бостандықтары» деген қастерлі сөздерді айта отырып,бүгіндері құқықтық мемлекет құрамыз деген заманда әрбір адамның өз құқықтарын жете біліп, жалпы заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді. Сондықтан, заңды білу – заман талабы дей отырып « Біздің таңдауымыз –заңды мемлекет» атты сабағымызды бастаймыз.                                                                                          

«Серпілген сауал» әдісі арқылы топқа сұрақтар беру.

1. Бала дегеніміз кім?
2. Қазақстанның тәуелсіздігі қашан жарияланды? (1991 жыл 16 желтоқсан)
3. Республикалық басқару нешеге бөлінеді? (2 -ге парламенттік және президенттік)
4. Құқық дегеніміз не? (Мемлекет тағайындаған және мемлекетте әрекет ететін құқық нормаларының жүйесі)
5.«Қасым ханның қасқа жолы» неше бөлімнен тұрады? (5 бөлім)
6. Қосарлы азаматтығы бар адам? (бипатрид)
7. Конституциялық Кеңес неше адамнан тұрады? (7 адамнан)
8. Баланың азаматтық құқығы қайкезден басталады? (Бала туған кезден)
9. Заң бұзушылық деген не? (Конституцияда бекітілген заңға қайшы әрекет)

Конституциялық құқық туралы не түсінесіңдер?                                                        

Біз құқылы мемлекеттің азаматтарымыз, сондықтан әрбір ұжымның, оқу орнының, ішкі міндеттері мен құқықтары, ережелері бар. 
а)  Оқушы неге құқылы? 
Білім алуға, емделуге, демалуға
ә) Оқушылардың міндеттері қандай?
1. Мектептің ішкі тәртіп — ережелері мен жарғысын сақтауға міндетті. 
2. Ұстаздар мен әкімшіліктің талаптарын орындауға. 
3. Оқу бөлмелерінде тазалық пен реттілік сақтауға, мектеп мүлкіне ұқыпты қарауға, егер бүлдірсе оны қалпына келтіру, шығынын өтеуге міндетті. 
4. Өзінен кішіге қамқорлық көрсетуге. 
5. Сабаққа қажетті құрал — жабдықтарының толық болуына. 
6. Сабаққа 15 минут ерте келуге. 
7. Кезекшіліктің міндеттерін ұқыпты орындауға.

8. Сабақ кезінде тәртіп пен тыныштық сақтауға міндетті. 

І топ: Жарқын болашақ

жағдаяттарды талдау әдісін қолдана отырып ,топқа ситуациялық жағдай беріледі.Топ мүшелері ақылдаса отырып,сұрақтарға жауап береді. 

• Ситуациялық жағдай 
  Азаматша Бейсенкүл өзінің терезесінен бірнешекүн бойына екі жасөспірімді қадағалады. Екі жасөспірім көрші қабаттағы үйде тұрады. Қанат пен Жомарт бірнеше күн қатарын ана замат Есеновтың машинасын түртіп айналып қарап жүрді. Бір күні таңертең Есенов есігінің алдына шықса машинасының екі доңғалағы жоқ екен . Бұны естіген Бейсенкүл есіктің алдына шығып, сенің машинаңның доңғалағын ұрлағанҚанат пен Жомарт - деді. Өйткені олар сенің машинаңды бірнеше күн бойы айналшақтап жүрген. 
  1. Азаматша Бейсенкүл дұрыс жасадыма? 
  2. Мұндай жағдайда Бейсенкүл не істеуі керекеді? 
  3. Бейсенкүл біреуге жала жапқан сөзі үшін жауапбереме? 
  Дұрыс жауабы: 
  1. Бейсенкүл дұрыс жасаған жоқ. Әділділікті тек сот шешеді. 
  2. Бейсенкүл ол балаларды көзбен қадағалағанын бөлімше инспектор полициясына айту керек еді, сөз расталған жағдайда ғана сотқа өтуі керек, яғни Қ.Р. кұкық бұзушылықкодекісінің №129 статьясы бойынша біреудің сыртынан жала әңгіме айтуға болмайды.

ІІ топ: Дарынды ұрпақ

«Заңсыз арал» деп аталатын тақырып беріледі(Оқушылар ойларынан әңгіме құрастырып айтады.)
Біз ешқандай заңы жоқ аралда өмір сүрсек, не болар еді? ( Оқушылар пікірі тыңдалады.)

Мұғалім:Заңсыз елде әркім өз білгенін істейді, тәртіп сақталмайды. Сондықтан адамдар қалыпты жағдайда өмір сүре алмайды, ал тәртіп пен заң біздің қалыпты тіршілігіміз үшін қажет.»Тәртіпсіз ел болмайды, тәртіпке бас иген құл болмайды» деген Б. Момышұлының сөзін естен шығармайық.

ІІІ топ: Кемел келешек

Топқа екі сурет көрсетіледі: Біріншісі тіп - тік әдемі салынған үйдің суреті.Екіншісі - фундаментінен бастап кірпіші дұрыс қаланбаған, төбесі жарылып кеткен үйдің суреті. Бұл тек үйдің суреті ғана емес, көріп отырып бала тәрбиесі туралы не айтуға болады?( Сурет жайлы оқушылардың ойы тыңдалады.) Бұдан соң бірінші сурет тәрбиесі дұрыс бала екендігін, екінші сурет тәрбиесі дұрыс болмаған бала жайында екендігі айтылады. Бала тәрбиесі үйдің фундаменті сияқты жас күнінен басталатынына ата - ананың назарын аудару керек.

Топтар бірін-бірі екі жұлдыз, бір тілек  арқылы бағалайды.

«Жалғасын тап» әдісін пайдаланып,оқушылар мақал-мәтелдерді аяқтайды.

1. Заңның құрығы ... (бәрінен ұзын) 
2. Өш алғаннан гөрі ... (кешірген жөн) 
3. Ақырын жүріп .... (анық бас) 
4. Асыл-тастан ... (өнер-жастан) 
5. Тура биде... (туған жоқ) 

6.Хан болсын, ханға лайық ... (Заң болсын )
7. Батыр болсын, жорық жолы... ( мақұл болсын )
1. Ұрлық түбі ... (қорлық) 
2. Жазасын тартпайтын ... (жамандық жоқ) 
3. Әдепті бала ... (арлы бала) 
4. Тәрбие ... (отбасынан басталады) 
5. Әділ істің...(арты игі)                                                                                                    

6. Абыз болсын, абыз сайлау... ( парыз болсын)
7.  Би болсын, би түсетін... ( үй болсын )

Топтар бірін-бірі екі жұлдыз, бір ұсыныс  арқылы бағалайды.

«БББ» кестесі бойынша рефлексия (стикерге жазады)

Білемін	Білдім	Білгім келеді

Мұғалім: Азаматтың міндеті — заң талаптарын бұзбау, екінші жағынан, өзіне жүктелген міндетін орындау. Өйткені заң-дегеніміз — өмірдің нәрі. Заңның мықтылығы-атында емес, адалдығы мен әділдігінде. Заңның ең басты мақсаттарының бірі- қоғамдағы алуан мінезді адамдарды салауатты өмір салтына тәрбиелеу. 

Бүгінгі сабағымызды Н.Ә.Назарбаевтың:  «Ата- заң әркімнің бойтұмары болып, оның әрбір қағидасы мүлтіксіз орындалғанда ғана ортақ мақсатқа қолжеткіземіз» деген сөзімен аяқтаймыз.

Қима қағаздар

Постер, маркер

Топ бірін-бірі бағалайды.

Постер, маркер

Постер, маркер

«екі жұлдыз, бір тілек» әдісі арқылыкері байланыс береді.

екі жақсы жағы,бір тілегі  

Стикер