«Болашағымыз өз қолымызда» дөңгелек үстел

«Болашағымыз өз қолымызда»

«Бұлақ көрсең көзін аш» дегендей, жасөспірімді білімге бағыттау, рухани-мәдени құндылықтарға, еңбексүйгіштікке, жауапкершілікке, патриотизмге тәрбиелеу мақсатында Ә.Боранбаев атындағы жалпы білім беретін орта мектебінде 2019 жылдың 10 қазан күні 8-9 сынып оқушыларына «Болашағымыз – өз қолымызда» атты дөңгелек үстел өтті.

Дөнгелек үстелге ауданынымыздың құрметті азаматшасы,аяулы ана,өз мамандығының шебері,медицина саласының майталманы Төлеутай Құтжанқызы, Ұлағатты ұстаз,ұстаздардың ұстазы,аяулы ана Ғалия Абдрахманқызы, Аудандық маслихат депутаты Гүлжәмила Ермекбайқызы, Аудандық ішкі саясат бөлімінің бас маманы Қанат Тұрғынұлы келіп оқушылармен ой бөлісті. Кездесуді Төлеутай Құтжанқызы : - Сіздер тәуелсіз Қазақстанда өмірге келдіңіздер және сонда ержетіп келесіздер. Сіздердің жастық шақтарыңыздың уақыты – біздің еліміздің көтерілу және гүлдену уақыты. Сіздер осы жетістіктер рухын және табысқа деген ұмтылушылықты бойларыңызға сіңіріп келесіздер, - деген сөзбен бастады. Ал Ұлағатты ұстаз Ғалия Абдрахманқызы оқушылардың қазіргі таңда балдай-тәтті өмірде жүргендерін ескеріп,болашақта әлі түрлі сынақ күтіп тұрғанын,сол сынақтан мүдірмей өтулерін, болашаққа бағдар жасап ,оқушылармен ой бөлісті. Кездесуді қорытқан Гүлжәмила Ермекбайқызы бүгінде тәлімді тәрбиенің шырақшысы болып жүрген аға буынның бойындағы терең жауапкершілік, уәдеге беріктік, кей жасөспірімнің өзінің бойынан табыла бермейтін сергектік, саналылық қасиеттерді жас буын тал бойына сіңірсе ғанибет деген ойын айтып тұжырымдады.Кездесу соңында Төлеутай Құтжанқызы мектебімізге «Ақын ана жырлары» атты кітабын сыйға тартты.Мектеп әкімшілігі бұл кісілерге алтын уақыттарын бөліп келгендері үшін,оқушыларымызға түрлі ақыл-кеңестерімен бөліскендері үшін, шын жүректен алғыс айтып,отбастарыңа береке бірлік тілей отырып кездесуді тәмәмдады.

Ә.Боранбаев атындағы жалпы білім

беретін орта мектебінің әлеуметтік

педагогы Әбдікова Әсем Серікқызы