Болашақ заңгерлерді адалдық пен әділдікке тәрбиелеу – уақыт талабы

Болашақ заңгерлерді адалдық пен әділдікке тәрбиелеу – уақыт талабы

Қоғамның дамуы мен құқықтық мемлекеттің нығаюы білікті әрі адамгершілігі жоғары заңгер мамандарға тікелей байланысты. Бүгінгі студент – ертеңгі құқық қорғаушы, заң кеңесшісі, мемлекеттік қызметкер немесе судья. Сондықтан құқықтану мамандығы студенттерін кәсіби біліммен қатар, жоғары моральдық құндылықтарға тәрбиелеу маңызды міндеттердің бірі болып табылады.

Заң саласында қызмет ететін маман үшін адалдық басты қасиеттердің бірі саналады. Адалдық қағидаты заңгердің кәсіби беделін қалыптастырып қана қоймай, қоғамның құқықтық жүйеге деген сенімін арттырады. Осыған байланысты студенттердің академиялық адалдықты сақтауы, өз еңбегіне жауапкершілікпен қарауы және заң талаптарын құрметтеуі маңызды.

Колледж қабырғасында өткізілетін тәрбиелік іс-шаралар студенттердің бойында адал еңбекке деген құрметті қалыптастыруға ықпал етеді. Әсіресе кураторлық сағаттарда сыбайлас жемқорлықтың зияны, заң бұзушылықтың салдары және әділ қоғам құрудың маңызы туралы әңгімелер ұйымдастырылуы қажет.

Әділдік – құқықтық қоғамның басты қағидаларының бірі. Болашақ заңгер кез келген жағдайда заң талаптарын басшылыққа алып, объективті шешім қабылдай білуі тиіс. Сондықтан студенттердің сыни ойлау қабілетін дамыту, пікірталас мәдениетін қалыптастыру және құқықтық мәселелерді талдау дағдыларын жетілдіру тәрбиелік жұмыстың маңызды бағыты болып табылады.

Түрлі құқықтық дебаттар, жағдайлық тапсырмалар мен рөлдік ойындар студенттердің әділ шешім қабылдау қабілетін дамытуға мүмкіндік береді.

Куратор – студенттердің кәсіби және тұлғалық дамуына бағыт беретін тәлімгер. Оның басты мақсаты – білім алушылардың жан-жақты дамуына жағдай жасау және олардың азаматтық ұстанымын қалыптастыру.

Куратор жұмысының нәтижесінде студенттер:

• заңға құрметпен қарауды;

• жауапкершілік алуды;

• кәсіби этиканы сақтауды;

• қоғамдық белсенділік танытуды;

• адам құқықтарын құрметтеуді үйренеді.

Осындай қасиеттер болашақ заңгердің кәсіби келбетін қалыптастырады.

Құқықтану мамандығы студенттерін адалдық пен әділдік рухында тәрбиелеу – сапалы маман даярлаудың маңызды шарты. Тәрбие жұмысының жүйелі ұйымдастырылуы студенттердің құқықтық мәдениетін арттырып, кәсіби жауапкершілігін қалыптастырады. Жоғары адамгершілік құндылықтарды бойына сіңірген болашақ заңгерлер қоғамның тұрақты дамуына және заң үстемдігін қамтамасыз етуге өз үлесін қоса алады.