Болашаққа- білімді, өнерлі , дені сау ұрпақ!

Тақырыбы: Болашаққа- білімді, өнерлі , дені сау ұрпақ!

Мақсаты: Оқушыларды Отанды сүюге, өз елін, тарихын, салт-дәстүрін білуге, жалпыадамзаттық құндылықтар мен терең көзқарастарды сіңіру арқылы таным белсенділіктерін арттыруға бағыттау. Білімді, өнерлі, намысшыл, парасатты, еңбекқор ұрпақ қалыптастыру.

Түрі: Саптық жиын

Көрнекіліктері: суреттер, шарлар, қолөнер көрмесі, қанатты сөздер.

Барысы:

І. Ұйымдастыру кезеңі:
Оқушыларды салтанатты кешке дайындау.

1-Жүргізуші: Армысыздар, құрметті ұстаздар мен оқушылар!Елбасымыз Н.Ә.Назарбаевтың «Болашаққа бағдар: Рухани жаңғыру» бағдарламалық мақаласына орай ұйымдастырылған «Болашаққа-дені сау, білімді, өнерлі ұрпақ!» атты мектепалды даярлық, ұзартылған күн топтары және эстетикалық пәндер әдістеме бірлестігінің апталығының ашылуына байланысты ұйымдастырылған салтанатты жиынды ашық деп жариялауға рұқсат етіңіздер!

2-жүргізуші Назарларыңызды экранға аударуларыңызды сұраймын, слайдта апталықтағы Өткізілген іс- шаралардан түсірілген суреттерді көріп тамашалаңыздар.

1-Жүргізуші: Мектеп қой еліміздің қаны, жаны.

Мектептен басталады бәрі –бәрі,

Жабылу салтанатты жиынында

Елбасымыз Н.Ә.Назарбаевтың «Болашаққа бағдар: Рухани жаңғыру» бағдарламасында туған жерін, өз отанын сүйуді басты назарға ұстаған, еліне жеріне деген махаббат әр қазақтың бойынан табыла білу керек

Ән Дінмұхаммет «Бағдалам»

1-жүргізуші:

Абзал жан бар биік тұлға, байсалды.

Құшақ жая шәкірттерді қарсы алды.

Бүгінгідей салтанатты шақта бір

Құтықтайды мектеп басшысы баршаңды

Құтықтау сөз мектебіміздің директорына беріледі.

Күй «Тепеңкөк»

1-жүргізуші: Білімнің салтанат құруы. Білімді, көзі ашық, көкірегі ояу болуға ұмтылу – біздің қанымызда бар қасиет. Табысты болудың ең іргелі, басты факторы білім екенін әркім терең түсінуі керек.Сондықтан да балалар онкүндікке белсенді ат салысып, білімді жастар екенімізді көрсетейік!

2-жүргізуші:Онкүндігіміз көктемнің алғашқы айында еліміздің барлық жерінде тойланатын 8 - наурыз әжелер, аналар, қыздар мерекесімен қатар келіп отыр. Ендеше барлық өнеріміз аналар, арулар сіздер үшін!

Ән « Ана » Сералі Аида

1-жүргізуші: Ұлттық бірегейлікті сақтау Ұлттық жаңғыру деген ұғымның өзі ұлттық сананың кемелденуін білдіреді. Ұлттық салт - дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс. 

2-жүргізуші:Онкүндік барысында халқымыздың салт-дәстүріне негізінде эстетикалық пәндер бірлестігі мұғалімдері тарапынан «Рухани-құндылығым-салт -дәстүрім»тақырыбында көрме ұйымдастырылған , көріп тамашалаңыздар.

1-жүргізуші: Халқымыз әйелдерге ұрпақ тәрбиесінде жүктелетін міндетті барынша сезінген. Бар жақсылық ана сүтімен берілетіні дәлелденген дүние. Сондықтан да халқымыздың рухани жаңғыруы жолында

әйел-аналарымыздың маңызы өте зор.

2 - жүргізуші:
Ана ол біздің елде ардақты адам,
Кішісі де, үлкені де ардақтаған.
Өзінің аяулысы Отанын да,
«Ана» деп біздің халық текке айтпаған, – деп кезекті МАД топтары бүлдіршіндерінің «Анашым » биіне бергелі отырмыз қабыл алыңыздар!
2-жүргізуші:Барлықтарыңызды пәндер апталық ашылуымен құттықтаймыз! Апталықта бәрі бар – ашық сабақтар, жарыстар, конкурстар... Тамашалап, белсенді ат салысып, білімді жастар екенімізді көрсетейік!

2 - оқушы:
Шабыт тасып шалқысып,
Есеппенен ән салысып.
Көңілді апта жасайық
Жұмбақ шерді шашайық
Ат салысып аянбай
Бар өнерге басайық
3 – оқушы:
Асып әсте саспайық
Батыл қадам бастайық
Еркіңді билеп барынша
Жарыста сірә, қалыспа
Кеш қызығын ей, достар.
Осылайша шабытпен
Кәне енді бастайық.

1-жүргізуші Мықты болсаң – бөгеттерді бұзып өт.
Мықты болсаң – заманыңды көктеп өт - дей отырып, өнерлі , мықтыларға арналған пән апталығында оқушыларға үлкен жеңістерді, мұғалімдерге табыс тілейміз!