Сөйлеу әрекетінің түрлері

Тыңдалым және айтылым

Оқу мақсаты

3.1.2.1 Мәтіннің тақырыбы мен берілген суреттер/

фото/диаграмма бойынша мәтіннің мазмұнын

болжау

3.1.4.1 Тірек сөздер мен жоспарды пайдалана отырып,

берілген тақырып бойынша әңгіме құрау

3.2.1.1 Тірек сөздер/көмекші сөздер арқылы мәтін түрлерін

(әңгімелеу, сипаттау, пайымдау) және оның

құрылымдық бөліктерін анықтау

3.2.3.1 Мәтін мазмұны бойынша пікір білдіруге

бағытталған сұрақтар құрастыру және жауап беру

Бағалау критерийі

Білім алушы

• Суреттердің негізінде мәтіннің мазмұнын

болжайды

• Тірек сөздер мен жоспарға сүйеніп, берілген

тақырыпқа әңгіме құрастырады

• Мәтіннің түрлерін ажыратады

• Көмекші сөздер арқылы пайымдау мәтінін

құрастырады

Ойлау дағдыларының деңгейі

Қолдану

Орындау уақыты

20 минут

1-тапсырма

Суретке мұқият қара. Суреттегі оқиғаға дейін не болды деп ойлайсың? Ары қарай не болуы мүмкін?

2-тапсырма

Берілген тірек сөздерді мұқият тыңда. Тірек сөздер мен суретті пайдаланып, «Араша» тақырыбына мәтін құрап айт.

Тірек сөздер: бақ іші, құстың ұясы, балапанның даусы, мысық, қуып жіберу, балапанды аяу, бас киім, ұяға салу, құстардың алғысы, өз ісіне риза болу.

3-тапсырма

Мәтінді оқы. Тапсырмаларды орында.

Назым секіргіш жібін алып, аулаға шықты. Секіріп ойнай бастады. Жанына досы Шынар келіп, біраз қызықтап тұрды да:

• Назым, екеуіміз кезек секіріп ойнайық, - деді.

• Бұл менікі, керек болса өзіңдікін әкел де, секіре бер,- деді Назым.

Шынар ренжіп, кетіп қалды. Назым жалғыз өзі ойнап, жалықты. Ол қабағын түйіп, үйіне кірді.

• Қызым, саған не болды? - деді анасы.

• Ойын қызық емес, - деді Назым.

• Шынар екеуің бірігіп ойнағанда қызық болар еді,- деді, манадан бері қызын терезеден бақылып тұрған анасы.

• Назымға ойын неліктен қызықсыз болды? Белгіле ()

Ол қатты шаршады. Ол жалғыз өзі ойнады. Оған секіргіш жіп ұнамады.

• Мәтіннің түрін анықта.

4-тапсырма

Оқыған мәтіннен қандай ой түйдің? Көмекші сөздерді пайдаланып, ойыңды жаз.

Көмекші сөздер: менің ойымша, себебі, өйткені, сондықтан.