2-ТОҚСАН БОЙЫНША ЖИЫНТЫҚ БАҒАЛАУҒА АРНАЛҒАН ТАПСЫРМАЛАР

«Мұхит –тіршілік мекені» бөлімі бойынша жиынтық бағалау тапсырмалары 2-тоқсан

10-сынып

Сабақ мақсаты:

10.3.5.1 Мәтін тақырыбына байланысты қосымша ақпараттарды энциоклопедиялардан тауып, ортақ қорытынды жасау

10.4.4.1 тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап ұсыну (тірек-схема, менталды карта, презентация)

Бағалау критерийі: Білім алушы

• Мәтін тақырыбын анықтайды, қосымша ақпараттармен байланыстырып, қорытынды жасайды.

• Тақырып бойынша мәліметтерді жинақтап, тірек-схема, ментальды карта, презентация түрінде ұсынады

Ойлау дағдыларының деңгейі: Жоғары ойлау деңгейі

Оқылым тапсырмасы

Біздің жер шарының үстіңгі қабатының 70%-дан астам көлемін мұхиттар мен теңіздер алып жатыр, олар атмосфераға әсер етеді және пайдалы қазбалар мен тағам көздері болып табылады. Олар Жер жүйесінің ең өнімді экологиялық жүйесі болып табылады да бүкіләлемдік балық аулау кәсібінің 80%-ын қамтамасыз етеді. Мұхит планетадағы өмірдің бесігі және оның экологиялық негізі. Планетаның бір тұрғынына орта есеппен алғанда 311 млн. тонна шамасында су мөлшерінен келеді.

Атмосфераның газдық балансындағы әлемдік мұхит фитопланктондарының рөлі жоғары. Ол – оттегінің негізгі көзі. Заманымыздың аса ірі проблемаларының бірі — антропогендік әсердің салдарынан көміртегі циклінің қалыптан тыс ғаламдық бұзылуының орын алуы. Биосфераға антропогендік іс-әрекеттер барысында түсетін С02-ні мұхиттағы тірі ағзалар сіңіреді. Әлемдік мұхиттың адамзат өміріндегі рөлі сан алуан. Ол орта түзуші, кәсіпштік, шикізаттық, рекреациялық, көлік және т.б. қызметтерді атқарады.

Әлемдік мұхиттың маңызын қарастыра отырып, балық аулау және теңіз кәсіптерінің маңызды рөл атқаратынын көреміз, олардан түсетін жылдық табыстың көлемі 55 млрд. доллардан асады.

Кеме көліктері атқаратын халықаралық сауда қызметтерінің жылдық мөлшері жылына 150 млрд. доллардан асады. Ол теңіз көлік қызметі динамикасының жоғары деңгейімен және салыстырмалы түрде төмен құнымен ерекшеленеді.

Теңіздер мен мұхиттар — бүкіл адамзаттың игілігі, бұл игілікті сақтау көбіне табысты халықаралық ынтымақтастыққа тәуелді. Бір өкініштісі, бірнеше елдерден ағып өтетін ірі өзендер мен теңіздерді қорғау жөніндегі халықаралық келісімдерді ратификациялау және бақылау жұмыстарында кездесетін қиындықтар аз емес. Тұщы су қорларының азаюы да маңызды мәселе.

Бұл мәселелер ЮНЕСКО-да қарастырылады.

Тапсырма Сұрақтарға өз ойыңызбен жауап жазыңыз

1.Мәтін не туралы?

2.Мәтінде көтерілген өзекті мәселе қандай?

3.Мәтіндегі мәселе бойынша, өз ойыңызды қорытындылап 3 сөйлем арқылы беріңіз

2.Мәтін мазмұнын ашатын жоспар құраңыз

1.

2.

3.

4.

3.Жазылым

«Мұхит-игіліктің көзі» тақырыбы бойынша негізгі ақпараттарды жинақтаңыз, жинаған ақпаратты схема , тірек сызба, презентация арқылы беріңіз.

Талаптары:

1.Ақпарат тақырыпқа сай болу керек

2. Мәліметтерді сызба, схема, презентация түрінде көрсету

3.Мәліметтерді беруде жүйелілік сақталу керек