Бөлме өсімдіктері

Тақырыбы: «Бөлме өсімдіктері».

Мақсаты: бөлме өсімдіктері туралы түсінік беру.

Білімділік мақсаты: өсімдік құрылысымен таныстыру, күту ережелерімен таныстыру, кеңістікті бағдарлау, түстерді ажырата білу қабілеттерін арттыру.

Дамытушылық мақсаты: сөздік қорын дамыту; гүл, жапырақ, сабағы сөздерін айтқызу, қарапайым нұсқауларды түсініп орындауды дамыту, тыныс алу жаттығуларын дұрыс орындауға, үлкен-кіші үғымдарын түсіне білу қабілеттерін, ұсақ моторикасын дамыту.

Тәрбиелік мақсаты: еңбекке баулу, эстетикалық сезімдерін тәрбиелеу.

Көрнекіліктер: сары шар, бөлме өсімдіктері, дымқыл сүлгілер, су шашқыш, су құйғыш, су, үстел, шүперек.

І. Кіріспе бөлімі:

Психологиялық жаттығу «Көңілді шар».

Көңілді әуен қосылып тұрады.

-Балалар, мынау не? (Шар.)

-Ия, шар. Оның түсі сары, ол бізге күлімдеп тұр, бізде оған күлкімізді сыйлайықшы. (Балалар жымияды.) Енді осы шарды бір-бірімізге лақтырып ойнайық.

ІІ. Негізгі бөлімі:

1. «Гүлдердің орналасқан орнын табу».

-Балалар, бізде гүлдер қай жерде орналасқан, көрсетіндерші?

-Сендердің алдарында тұрған бөлме өсімдіктері. Олар бізге жақсы көңіл күй сыйлайды. Олар күнді жақсы көреді. Олардың сабағы, жапырағы және гүлдері бар. Қызыл, ақ түсті гүлдер бар екен.

2. «Үлкен - кіші жапырақтарды ажырату».

-Балалар, біздің гүлдеріміздің жапырақтары үлкен және кіші жапырақтары бар екен. Үлкен жапырақтарын көрсетіндерші? Енді кіші жапырақтарды көрсетіндерші?

3. Дидактикалық ойын: «Артық заты тап».

Үстелдің үстінде тұрған заттарды атап шығу. Сол заттардың ішінен гүл күтіміне қажет емес затты тапқызып алып қою.

4. Бөлме өсімдігінің күтімі:

1. Құраған жапырақтарын жинап аламыз.

2. Шанды сүртеміз.

3. Топырағын қопсытамыз

4. Суғарамыз.

5. Қолдарымызды тазалаймыз.

-Балалар, дұрыстап қарандаршы, құрап қалған жапырақтары бар мекен?

Балалар құраған жапырақтарды тауып жинап алады.

-Балалар, үлкен жапырақтарымен гүлдерді көрсетіндерші?

-Ал кішкентай жапырақтарымен қайсы?

Балалар көрсетеді.

-Енді тегенемізге су құямыз, шүперектерімізді алып, сулап, сығып үлкен жапырақтарымыздың шанын сүртеміз.

-Жапырақтары кішкентай гүлімізге суды шашып жуамыз.

Аружан суды су шашқышпен шашып жуады.

-Енді топырақты таяқшамен қопсытамыз.

-Суды жапырақтарына тигізбей топырағына құямыз.

Қырмызы суқұйғышпен су құяды.

-Енді қолдарымызды сүртейік, майлықтарымызды қораптың ішіне тастаймыз, жұмыс орнымызды жинап қоямыз.

Тегененін ішіндегі шүперектерді сыққызып құбырдын үстіне жайғызу.

5. Тыныс алу жаттығулары:

-Балалар, біз гүлдерді иіскеп көрейікші. Ол үшін біз танауымызды, қане, қайда бізде танау, гүлімізге жақындатып терен дем аламызда ауызымыздан шығарамыз.(балаларға бірнеше рет қайталап жасату). Гүлдеріміз хош иісті екен.

ІІІ. Қорытынды бөлімі:

-Балалар, сендерге бүгінгі жұмысымыз ұнады ма?

-Ия.

-Балалар, біз бүгін не туралы әңгімелестік?

-Гүлдер.

-Мына гүлдердің түстері қандай екен?

-Қызыл, ақ, жапырақтары жасыл.

-Гүлдерді лақтыруға, сындыруға, ойнауға болмайды.

-Жарайсындар, балалар, онда біз ортаға шығып «Гүлдер» биін билейік.