Болу – болып көріну емес

Сабақ мақсаты: Оқушыларға адамның ойы, сөзі, ісі бірлікте болуы керектігін түсіндіре отырып, Дұрыс әрекет құндылығының мәнін ашу.

Міндеттері: 

1. Білімділік: оқушыларға уәдеге берік болудың мәнін ұғындыра отырып, жауапкершілік қасиеті туралы түсінік беру;

2. Дамытушылық: оқушылардың ойының, сөзінің, іс-әрекетінің таза және бір болуын түсіндіру арқылы адалдық қасиетін арттыру;

3. Тәрбиелік: оқушыларды ізгілікке тәрбиелеу.

Ресурстар:(құрал дар, мәлiметтер, оқулықтар,

интерактивный тақта т.б

Сабақ барысы:

1.Ұйымдастыру кезеңi.

5Т ережесін еске түсіру

Тәртіп

Талап

Тыныштық

Тазалық

Татулық

Топқа бөлу: топтың түсіне байланысты жүрекшелер арқылы 4 топқа бөлу. «Татулық», «Мейірімділік», «Қамқорлық», «Жауапкершілік»

Жағымды көңіл-күйге ену. (баяу әуен). «Ойша су асты патшалығына саяхат жасау»

Ойша суасты патшалығына саяхат жасау. (Оқушыларды түзу отырып, қолдарын тізесіне қойсын, аяқты айқастыруға болмайды. Жайлы, баяу музыканы қою).

Мұғалім: Көздеріңді жұмып, бірнеше рет демалып, дем шығарыңыздар. Денені бос ұстаңдар. Біз теңіз жағалауында жүрміз деп ойлаңыз. Теңіз толқындары мен шағалалардың баяу дауыстарын естіп тұрсыз ба? Жалаң аяқ астында жұп-жұмсақ құмды сезесіз бе, теңіз үстінде алыстан бір қара нүктені байқадыңыз, ол не екен? ... ол дельфин, дельфин жүзіп сізді теңіз түбіне саяхатқа алып бару үшін келіп тұр. Жайлап оның арқасына отырып алыңыз да саяхатқа шығыңыз. Теңіз түбіне сүңгіп кеткен дельфин досыңыз сізге бар ыңғайды жасап келеді. Мөп-мөлдір суастында сіз өмірі көрмеген түрлі-түсті өсімдіктер мен балықтың бірнеше түріне тап болдыңыз. Алдыңызда үлкен балықтар өтіп жатыр, ал анау алыстағы Сегіз аяқ болады. Керемет, неткен тыныштық пен сұлулық десеңізші... Кәдімгі көк экрандағыдай көрініс. Осы жағдайда сәл бола тұрыңыз. (мұғалім бірнеше секунд үнсіз тұрады). Ал енді жоғарыдағы өз әлемімізге қайту үшін дайындалыңыздар. Жан-жағыңызға мұқият қарап алыңыз. Неткен тыныштық, неткен сұлулық, осы тыныштықтың сізге қалай әсер ететіндігін есте сақтаңыз. Дельфин жер бетіне қайтпақшы, сіз жағалауға келдіңіз. Дельфиннен түсіп, оны маңдайынан сипап, саяхат үшін оған ризашылығыңызды білдіріңіз. Бөлмеге келіп, өз орныңызға да жеттіңіз. Бірнеше секундтан соң көзіңізді ашасыз, бірақ осы тыныштық сезіміңізді сақтап қалуға тырысыңыз.

Түрлі түсті жүрекшелер

2. Үй тапсырмасын тексеру.

Әбен Нұрманов «Уәде туралы» мәтіні

Үй тапсырмасын қалам арқылы анықтап сұрау

Сұрақтар:

• Әкесі мен анасы Әбенге уәде беру дегенді қалай түсіндірді?

• Уәдесінде тұратын адамдарның іс-әрекеті қандай құндылыққа жатады?

• Уәдесіне берік адамның бойында қандай қасиеттер болады?

• Уәде бермес бұрын неліктен ойлану қажет?

• Өзің берген уәдеңді қалай орындап жүрсің?

Оқушылар сұрақтарға

жауап береді.

Мәтін бойынша түсінік айтуға оқушылардың жеке қаламдары

3.Дәйексөз.

Адамды айтқан сөзінен емес, істеген ісінен таниды

Халық нақылы

• Ұлдарға хормен қайталату

• Қыздарға хормен қайталату

• Хормен қайталату

• Дәптерлеріңе жазып алыңдар

• Осы дәйексөзден қандай ой түйдіңдер?

Оқушылар дәйек сөзді қайталап, өз ойымен бөліседі.

Дәйексөзді табу мақсатында табиғат туралы сурет

4. Әңгімелеу. Мұғалім сыйы. Барлығымыз бейнероликке назар аударайық. «Етікші»

Сұрақтар:

1. Видеороликтен не түсіндіңдер?

• Етікші адамның ойы қандай болған?

• Шәкірті адамдарға қандай қамқорлық жасады?

• Өзің берілген жұмысты қалай атқарасың?

Бейнеролик

5.Шығармашылық жұмыс:

Топтық жұмыс:

1. Табиғатқа қамқорлық туралы постер қорғау

2. Мектептегі жауапкершілікті сипаттайтын 4 жолды өлең шығару

3. «Тату доспыз бәріміз» тақырыбын суреттеу

4. Отбасы мүшелерінің бір-біріне мейірімділік суреттейтін дәстүрлерді жазыңдар

«Жағдаятты шеш»

І-топ: Айгүл мен Гаухар екеуі дос. Бір күні қоңырау кезінде
Айгүл байқамай Гаухардың аяғын басып кетті. Гаухар оған
қатты ашуланып бірден Айгүлдің де аяғын басты. Екі дос бір-біріне ренжіп, сол күні мүлдем сөйлеспеді...
Осындай жағдай да сенің әрекетің қандай?

ІІ-топ: Үйде ешкім жоқ. Сіз жаңа сатып алған волейбол добымен ойнап жүріп, қымбат құмыраны сындырып алдыңыз… Ата - анаңыздың реакциясын көз алдыңызға елестетіңіз. Қандай жағдай болуы мүмкін. Ата - анаңыз не дер еді? Сіз олардың орнында болсаңыз не дер едіңіз?

ІІІ топ:

Арман мен Асан көрші. Бір күні Асан Арманның велосипедін тебуге сұрады.
Арман:
- Бір сағат теуіп, алып кел, мен апамның үйіне сүт апарып беруім керек, – деді.
Асан:
- Мен уақытында әкелемін, уәдемде тұра аламын, деді. Сөйтіп Асан велосипедін теуіп кетті. Бір сағат өтті Асан көрінбеді. Бір сағат отыз минут болды, Асан жоқ. Арман не болды екен деп, Асанның үйіне барса, оның анасы Асанның көрші ауылдағы досының үйіне кеткенін айтты. Арман көңілсіз үйіне келді. Ары жүрді, бері жүрді Асанның сөзінде тұрмағанын, айтқанын орындамағанын түсінбеді.
•Сен қалай ойлайсың?​

IV топ:

Сен досың Әсетке жексенбі күні отын жаруға көмектесемін деп уәде бердің. Сол күні сен Әсетке баруды ұмытып кеттің.

Сенің әрекетің қандай?

Тапсырма:

1. Ойы, сөзі, ісі бірлікте болатын адамға сипаттама жазыңдар.

2. Еңбекқор адамның бойында қандай қасиеттер болады?

3. Уәдесіне берік адамға тән қасиеттерді тізбелеп жазыңдар.

4. Жаны сұлу адамның іс-әрекеттерін сипаттап жазыңдар.

Жұптық жұмыс:

Мақал-мәтелдердің жалғасын табу.

1. Көз қорқақ
   Қол батыр

2. Күшіңе сенбе,
   Ісіңе сен

3. Жұмыла істеген іс жеңіл.

4. Досы жоқ адам – тұзы жоқ тағам

5. Досы көппен сыйлас,
   Досы азбен сырлас.

6. Жолдасы көптің – олжасы көп

7. Жақсының аты өлмейді,
   Ақынның хаты өлмейді.

8. Жақсы туса – ел ырысы,
   Жауын жауса – жер ырысы

9. Жақсылық қылсаң жасыр,
   Жақсылық көрсең асыр.

10. Жақсы адам елдің ырысы,
    Жақсы сөз жанның тынысы

11. Жүзден - жүйрік,
    Мыңнан – тұлпар

12. Жақсы ата – орман,
    Жақсы бала қорған.

Шығармашылық жұмысқа берілген тапсырманы орындайды.

Интерактивті тақта

6 .Топпен ән айту.

«Мен қазақпын»

Қазақ болып тумағанда нетер ем?
Бұл жалғаннан бақыт таппай өтер ем
Желдей жүйрік жылқы мінбей жалғанда
Аламанда ат оздырмай кетерем

Қазақ болып тумағанда нетер ем
Өкінішпен өртенер ем өте мен
Қасиетті домбыраны қолға алмай
Қоңыр үнді әуелетпей кетер ем

Мен қазақпын
Бойымдағы қан қазақ
Мен қазақпын
Мен шырқайтын ән қазақ
Бір қазақтың
Бақыты мен бағына
Барша үнімен
Қуанса екен бар қазақ

Қазақ болып тумағанда нетер ем?
Қалай басқа байрақтарды көтерем
Жеті бірдей қазынамнан айрылып
Жеті атамды жаттай алмай кетер ем

Қазақ болып тумағанда нетер ем?
Қонақ жайлық жайын білмей өтер ем
Қымыз шұбат қазы-қарта құрт майсыз
Қадір қашып қарным ашып өтер ем
Мен қазақпын
Бойымдағы қан қазақ
Мен қазақпын
Мен шырқайтын ән қазақ
Бір қазақтың
Бақыты мен бағына
Барша үнімен
Қуанса екен бар қазақ

Қайырмасы

Оқушылар ән айтады.

Ән тексті жазылған қағаздар

7.Үй тапсырмасы.

№49-бет. Құрманбай Толыбаев «Отты жүрек» мәтінін оқып келу.

Кері байланыс. Оқушылар бүгінгі сабақтан алған әсерін айтады және өздерінің шығармашылық тапсырмаларына арнап уәде беріп, жабыстырады

Үйге берілген тапсырманы күнделікке жазып алады.

8. Соңғы тыныштық сәтi.

Оқушылар бүгінгі сабақтан алған жақсы әсерлерімізді бойымызда сақтаймыз!

Оқушылар сабақтан алған әсерімен бөліседі.