BOOPPPS құрылымына негізделген CLIL тәсілі: М. Тынышбаев тұлғасын таныту

Аннотация

Мақалада ағылшын тілі сабағында тарихи тұлғаны оқытуда BOOPPPS құрылымы мен CLIL (Content and Language Integrated Learning) тәсілін тиімді қолдану жолдары қарастырылады. Сабақ үлгісі М. Тынышбаевтың өмірі мен қызметін таныту негізінде құрылып, білім алушылардың тілдік және пәндік құзыреттіліктерін қатар дамытуға бағытталған. Student-centered және коммуникативтік тәсілдер арқылы білім алушылардың сыни ойлау, талдау және пікір білдіру дағдыларын қалыптастыру мүмкіндіктері көрсетіледі.

Түйін сөздер: BOOPPPS, CLIL, ағылшын тілі, тарихи тұлға, student-centered, коммуникативтік тәсіл, М. Тынышбаев.

Кіріспе

Қазіргі білім беру жүйесінде шет тілін оқыту тек тілдік білім берумен шектелмей, мазмұн арқылы тілді меңгертуді көздейді. Осы тұрғыда CLIL тәсілі білім алушылардың пәндік білімін шет тілімен кіріктіре отырып дамытуға мүмкіндік береді. Ал BOOPPPS құрылымы сабақтың логикалық, жүйелі және нәтижеге бағытталған өтуін қамтамасыз ететін тиімді модель болып табылады.

Қазақстан тарихындағы көрнекті тұлғаларды ағылшын тілінде оқыту білім алушылардың ұлттық құндылықтарға деген қызығушылығын арттырып, тіл үйренуге деген уәжін күшейтеді. Солардың бірі – алғашқы қазақ инженері, қоғам қайраткері М. Тынышбаевтың тұлғасы.

Зерттеу мақсаты мен міндеттері

Зерттеудің мақсаты – BOOPPPS құрылымына негізделген CLIL тәсілі арқылы М. Тынышбаевтың тұлғасын ағылшын тілі сабағында тиімді таныту жолдарын көрсету.

Міндеттері:

BOOPPPS құрылымының кезеңдерін сабақта қолдану ерекшеліктерін сипаттау;

CLIL тәсілінің тілдік және пәндік интеграциядағы рөлін айқындау;

Білім алушылардың коммуникативтік дағдыларын дамытуға бағытталған тапсырмалар үлгілерін ұсыну.

Зерттеу әдістері

Мақалада сипаттау, талдау, педагогикалық бақылау және сабақ моделін жобалау әдістері қолданылды. Сабақ student-centered, коммуникативтік және CLIL тәсілдеріне негізделіп жоспарланды.

Сабақты ұйымдастырудың BOOPPPS құрылымы

Bridge-in кезеңі
Сабақ басында білім алушылардың қызығушылығын арттыру мақсатында Қазақстандағы алғашқы теміржолдар мен инженер мамандығына қатысты визуалды материалдар ұсынылды. Жетекші сұрақтар арқылы студенттердің алдыңғы білімдері еске түсіріліп, жаңа тақырыппен байланыс орнатылды.

Objective кезеңі
Сабақтың мақсаттары нақты әрі түсінікті түрде ұсынылды. Сабақ соңында білім алушылар М. Тынышбаевтың өмірі мен қызметін сипаттап, оның алғашқы қазақ инженері ретіндегі рөлін ағылшын тілінде түсіндіре алуы тиіс екені айқындалды.

Pre-assessment кезеңі
Білім алушылардың тақырып бойынша бастапқы білімін анықтау үшін қысқа сұрақтар мен болжам жасау тапсырмалары қолданылды.

Participatory Learning кезеңі
Бұл кезеңде CLIL тәсілі толық жүзеге асырылды. Білім алушылар мәтінмен жұмыс жасап, негізгі ақпаратты анықтады, жұптық және топтық тапсырмалар арқылы талдау жүргізді. Тарихи деректерді ағылшын тілінде талқылау білім алушылардың сөздік қорын кеңейтіп, пәндік мазмұнды терең түсінуіне ықпал етті.

Post-assessment кезеңі
Білім алушылардың оқу мақсаттарына жету деңгейі қысқа ауызша жауаптар, шағын презентациялар және кері байланыс арқылы бағаланды.

Summary кезеңі
Сабақ соңында негізгі ұғымдар қайталанып, М. Тынышбаевтың қазақ тарихындағы орны қорытындыланды.

Нәтижелер мен талқылау

Сабақ нәтижесінде білім алушылар тарихи тұлға туралы ақпаратты ағылшын тілінде еркін жеткізе алды, өз ойларын дәлелдеуге дағдыланды. BOOPPPS құрылымы сабақтың логикалық бірізділігін қамтамасыз етсе, CLIL тәсілі тіл мен мазмұнды тиімді кіріктіруге мүмкіндік берд

Қорытынды

BOOPPPS құрылымына негізделген CLIL тәсілі ағылшын тілі сабағында тарихи тұлғаларды оқытудың тиімді жолы болып табылады. М. Тынышбаев тұлғасын таныту арқылы білім алушылардың тілдік құзыреттілігімен қатар ұлттық сана-сезімі де қалыптасады. Бұл тәсіл заманауи білім беру талаптарына толық сәйкес келеді және тәжірибеде қолдануға ұсынылады.