Бұлбұлдың әні

Сабақтың тақырыбы: Бұлбұлдың әні
Сабақтың мақсаты: 1) білімділігі: Мәтіннің мазмұнын меңгертіп, бұлбұл

құсы туралы түсініктерін тереңдету.
2) дамытушылығы: тіл байлығын, сөздік қорын, көркем

сөйлеу дағдысын дамыту. Көз алдында елестету

арқылы еске сақтау, еске түсіру қабілеттерін дамыту.
3) тәрбиелігі:Табиғатты аялауға, құстарды қорғауға,

жауапкершілікті сезінуге тәрбиелеу.
Сабақтың әдісі: топтастыру. Сұрақ-жауап, әңгімелеу.
Сабақтың көрнекілігі: суреттер, портреттер, үнтаспа, интерактивті тақта.
Сабақтың типі: Жаңа білімді меңгерту
Пәнаралық байланыс: дүниетану, музыка.

Сабақтың барысы: I Ұйымдастыру.

1) Оқушылармен амандасып, түгендеу.

2) Қызығушылықтарын ояту.
(Мұғалімнің қысқаша мәтін оқып беруінен басталады).
«Масатыдай құлпырып, бақыт пен қуанышын қатар арқалап көптен күткен көктем де келіп жетті. Өлкенің кең - байтақ төсі жасыл желек шөптерге, хош иісі аңқыған гүлдерге толыпты. Күн жерге мейірлене қарайды. Алыстан қаңқыл - қаңқыл қаздардың даусы естіледі».
Сұрақтар: - Осы мәтінді тыңдап отырып қандай сезімге бөлендіңдер?
- қай жыл мезгілі туралы айтылған?
- көктем туралы не білеміз?

құстар келеді

К үн жылынады ағаштар гүлдейді

Көктем

ш өптер шығады күн ұзарады

гүлдер өседі мал төлдейді тіршілік басы

- Көз алдарыңа не елестейді?
- Егер көктемді «тіршілік басы» десек, осы тіршілікке, өлкенің, жер әлемнің құлпыруына үлкен әсер ететін не?

- Жаңбыр.
- Жаңбыр — тіршілік көзі.
II Үй жұмысы.
1.Үйге берілген Б. Майлиннің «Жаңбыр» өлеңін жатқа
айту.

2.Сұрақтар:

- Жаңбырдың қандай түрлерін білесіңдер?
- Нөсер жаңбыр, ақ жаңбыр, өткінші және соқыр жаңбыр.
- Жаңбырдан бізді не қорғайды?(Қолшатыр, плащ)

- Жаңбыр жауып басылған соң нелердің даусын
естуге болады, аспанда не пайда болады? -(Құстардың, шегірткенің шырылын, бақаның даусын, кемпірқосақ).
- Жаңбыр жауған кездегі көк шөптің, гүлдің сезімін
бейнелеп бер?
- Өте жақсы балалар, көктем сәні жаңбыр мен де кіреді екен,
сонымен бірге құстардың әсем дауыстарымен де
ерекшеленеді екен.
- Қандай құстарды білесіңдер?
- Оларды қандай топтарға бөлуге болады?

3.Құстар
Үй құстары: (тауық, қаз, үйрек)
Дала құстары: (бұлбұл, сауысқан, қарға, торғай, кептер аққу)
Жыртқыш құстар: (бүркіт, жапалақ)
4.Ойын: Құстар қалай дыбыстайды?
Сәйкестік тестін алу
Қаз ------------------- шырылдайды
Бозторғай ---------- қаңқылдайды
Сауысқан ----------- шақырады
Әтеш ----------------- саңқылдайды
Қарға ---------------- тыраулайды
Тырна --------------- сайрайды
Бұлбұл -------------- қарқылдайды
- Балалар, олай болса бәріміз, үнтаспаны тыңдап көрейікші?
- Қандай құстың үні ерекше естіледі?
- Бұлбұлдың даусы. Бұлбұл әнші құс екен. Бұлбұл-кішкентай құс. Ол таңертең ағашқа қонып алып сайрайды. Бұлбұлдың үні құлаққа жағымды. Беті ашық, тостағанша тәрізді ұясын бұта бұтақтарына салады.

III Жаңа сабақ.

1.Ендеше, бүгінгі сабақта М. Төрежановтың „Бұлбұлдың әні"
атты мәтінімен танысамыз.
Автордың өмірбаянына тоқталып өту, таныстыру.

2. Дәптермен жұмыс. Күннің жады, тақырыбы, автордың өмірі.

Төрежанов Мәдіхат Сейітхожаұлы (1921-1996ж) бұрынғы Целиноград облысы Ақкөл ауданы Еңбек ауылында дүниеге келген жазушы. КСРО жазушылар одағының мүшесі болған.

IV.Оқулықпен жұмыс, мәтінмен жұмыс.
а) Мәтінді мәнерлеп, түсінікті, дауыстап оқып беру.
ә) Мәтіндегі негізгі кейіпкерлерді анықтату.
- Негізгі кейіпкерлер - Әбдеш пен оның досы.

б) Мәтінді оқулықтағы берілген сұрақтар бойынша талдау, мәтіннің негізгі ойын, жасырын ойын анықтау.
(бұл жерде сұрақтарды оқушылар өздері бір - біріне қояды)
в) Мәтінді оқушыларға рольге бөліп оқыту.
г) Мәтінді бөліктерге бөліп, әр бөлікке ат қою. 1. Тоғай ішінде

2.Бұлбұлдың ұясын қоруы.

3. Бұлбұлдың сайрауы.

V. Шығармашылық жұмыс.
1. Әбдеш қандай бала, мінездеме бер? (дәптерге орындау)
2. Жаңылтпашты жаңылмай айт.

Үшкір тұмсық Көк тырна,

Сұр шымшық Көп тырна,

Сордан ұшты Тыраулап тек

Құрт шымшып. Көп тұрма.

Қарлығаш ұшқанына мәз,

Қарындас үш алғанына мәз.

VI. Қорытынды.
Тәрбиелік ой толғаныс.
- Табиғатты аялау дегеніміз не?
- Сендер табиғат пен құстарды қорғауға қандай үлес қосар едіңдер?
1. Табиғаттағы әрбір тіршілік иесін қорғау керек.
2. Гүлдерді жұлмау керек.
3. Құстарды атпау керек, жұмыртқасын алып, ұясын бұзуға болмайды.
4. Құстарға қолдан ұя жасап, жемшашар әзірлеп қою керек.

VII. Үйге тапсырма:
1) Мәтінді түсініп оқу.
2) Бұлбұл құсы туралы мәлімет жазу.

VIII. Бағалау.

М.Атымов атындағы №6 орта мектеп.

Ана тілі 3-сынып

Тақырыбы: Бұлбұлдың әні.

Өткізген: Бекембаева Р.

2013-2014 оқу жылы