Бүтін жəне фигуралардың бөліктері

Ұйымдастырылған іс-əрекеті: Математика негіздері.

Міндеттері: пішіннің бір формасынан екіншісін қалай жасау керектігі; қағаз парағын тең және тең емес бөліктерге бөлу, бүтін мен бөлікті салыстыру, 8-10 бөліктерден пішіндерді жинап, құрастыру туралы ұғымдарды қалыптастыру. Зейінді, есте сақтауды, сөйлеуді, қолдың

ұсақ моторикасын дамыту. Ұйымшылдық пен еңбекқорлыққа тәрбиелеу.

Құрал-жабдықтар мен материалдар: №1 жұмыс дәптері, санау материалы, үлестірмелі

материалдар (№ 1, 33 парақ), әр балаға арналған геометриялық фигуралар жиынтығы (бөлінген

шеңберлер, шаршылар, тіктөртбұрыштар, әртүрлі мөлшердегі және пішіндегі үшбұрыштар)

Сөздікпен жұмыс: фигура, жарты, үштен бірі, төрттен бірі

Ұйымдастырылған іс-əрекетінің мазмұны:

Ойындық жағдаят. Əлия мен Сырым (№ 1 парақ) ойнауға шақырады, №33

парақтағы фигуралардың бөліктерінен құрастырылған суреттерді ұсынады.

Шеңбердің бөліктерін таратады, бүкіл фигураны бүктеуді сұрайды. Шеңбердің қанша бөлікке қиылғанын сұрайды, әр бөлікті қалай атауға болатынын анықтайды.

«Пішінді жина» ойыны: қағаз парағына төртбұрыш немесе шеңбер сияқты тұтас пішінді салыңыз, содан кейін оны бірнеше бөлікке бөліп, араластырыңыз. Балалардан фигураны оның бөліктерін дұрыс біріктіру арқылы жинауды сұраңыз. Бұл ойын балаларға бүкіл фигураның бөліктерден тұратынын түсінуге және оларды дұрыс байланыстыруды үйренуге көмектеседі.

«Фигураны тап» ойыны: қағаз парағына үшбұрыш, тіктөртбұрыш және шеңбер сияқты әртүрлі пішіндердің бірнеше бөлігі салынады. Балалардан осы бөліктерді біріктіргенде қандай фигура пайда болатынын сұрайды. Бұл ойын балаларға әр фигураның қандай бөліктерден құралатынын білуге және оларды тануды үйренуге көмектеседі.

Дəптермен жұмыс.

1-тапсырма. Фигуралардың бір бөлігін боя. Оларды қалай атауға болады? Ойлан.

(Жартысы, үштен бірі, төрттен бірі.)

Сергіту сəті: «Геометриялық би». Əртүрлі геометриялық фигураларды ата, содан

кейін балалардан әр фигураға ұқсайтын қимылдарды қолданып билеуін сұра. Мысалы, шаршы үшін шаршы тәрізді қимыл-қозғалыстарды, ал үшбұрыш үшін үшбұрыш тәрізді қозғалыстарды қолдануға болады.

Суретті жинау ойыны: қағазға үй, көлік және ағаш сияқты бірнеше заттардың суретін

сал. Содан кейін әр затты бірнеше бөлікке қиып, оларды араластыр. Балалардан әр суретті

оның бөліктерін дұрыс біріктіру арқылы жинауды сұра. Бұл ойын балаларға тұтас суретті алу үшін бөліктерді дұрыс тануды және байланыстыруды үйренуге көмектеседі.

2-тапсырма. Сурет қандай фигуралардан құралған? Көрсетілген түстермен боя.

Педагог фигураларды – мәшинелердің бөліктерін атауды және оларды бояуды сұрайды.

3-тапсырма. Фигураларды тауып, боя.

Құрақ көрпені «жөндеу» керек. Балалар қажетті фигураны тауып, көрсетілген түспен бояйды.

4-тапсырма. Осы фигураларды бір-біріне беттестірсе, қандай сурет шығады?

Егер фигураларды бір-біріне беттестірсе, қандай сурет шығатынын айтады.

Топтық жұмыс. №33 парақтағы фигуралардың бөліктерінен құрастырылған

суреттерді ұсынады (шеңбер немесе шаршы).

Балаларға арналған тапсырмалар:

1-нұсқа. Педагог құрастырған өрнек үлгісіне қарап, дәл сондай өрнек салуы керек.

2-нұсқа. Фигуралардың бөліктерінен өз өрнек үлгісін жасайды.

Педагог қорытынды жасайды, балаларды мадақтайды. Балалар іс-әрекетінде не ұнағаны туралы айтады.

Іс-әрекетінде балалардың өз жұмыстарын «Бағдаршам» арқылы бағалауға ұсынады.

Егер тапсырмаларды дұрыс орындасаң, жасыл дөңгелекті боя. Егер тапсырмаларды жартылай

орындасаң, сары дөңгелекті боя. Егер тапсырма қиын, түсініксіз болса, қызыл дөңгелекті боя.