Буллинг және кибербуллингке біздің оқу орнында жол бермейміз!

Қазақстан Республикасы Оқу-ағарту министрлігі

«Жетісу облысының Білім басқармасы» мемлекеттік мекемесінің

«Талдықорған агро-техникалық колледжі» МКҚК

«Буллинг және кибербуллингке

біздің оқу орнында жол бермейміз!» атты

тәрбие сағатының

ӘДІСТЕМЕЛІК НҰСҚАУЫ

Талдықорған қ.2023

Іс шараның түрі: құқық бұзушылықтың алдын алу профилактикасы.

1.Жалпы мәліметтер

Күні: 19 сәуір 2023ж. Курс: II, ІІІ Тобы: Б-31, Э-31, А-31

2. Іс шараның мақсаты: «Буллинг», «Кибербуллинг» сөздерінің мағынасын ашып   таныстыру. Жасөспірімдер арасындағы қорлау, мазақтау, намысқа тию жағдайларының алдын алу.

3. Міндеттері:

? Буллинг және кибербуллинг жайында ақпаратпен таныстыру;
?Балалардың өз ойларын еркін айтуға жаттықтыру;
?Адамдармен жақсы қарым-қатынас жасауға үйрету.

4. Күтілетін нәтижелер: Колледж студенттерін сыйластыққа, бір-біріне қолдау көрсете білуге тәрбиелеу.
5. Қажетті ресурстар: Интербелсенді тақта, компьютер, бейне жазбалар.

6.Іс шараның барысы:

(Сахнада бірден көрініс көрсетіледі)

1-жүргізуші: Сәлеметсіздер ме, құрметті қонақтар мен студенттер!

2-жүргізуші: Көріністен не түсіндіңіздер? Көрініс не жайлы екен? Бүгінгі біздің тәрбие сағатымыздың тақырыбы қандай деп ойлайсыздар?

1-жүргізуші: Иә, балалар бүгін біз сіздерге «Буллинг», «Кибербуллинг» сөздерінің мағынасын ашып   таныстырамыз және ол қандай қылмыстың түрі екенін мамандардың көмегімен анықтайтын боламыз.

2-жүргізуші: Олай болса, «Буллинг және кибербуллингке біздің оқу орнында жол бермейміз» атты тәрбие сағатымызды бастауға рұқсат етіңіздер!

1-жүргізуші: Құрметті қонақтар, студенттер бүгінгі тәрбие сағатымыздың берері мол, тәрбиелік мәні зор болмақ.

2-жүргізуші: Ендеше, бүгінгі тәрбие сағатымызға келген қонақтарымызбен таныстырып өтейік.

1-жүргізуші: Аялы алақан ҚҚ (қоғамдық қорының) директоры- Байденов Жансерік Маратұлы.

2-жүргізуші: Әйелдерді қолдау орталығының заңгері Алатау Қарлыгаш Тоқтарқызы

1-жүргізуші: Талдықорған қаласының учаскелік полиция инспекторы, полиция майоры Дастан Алтайұлы және колледжіміздің психологі Жания Жанғазықызы

2-жүргізуші: Келесі кезекте экранға назар аударсаңыздар!!!

1-жүргізуші: Ал енді келесі сұрақтарымызға қонақтарымыз маман ретінде жауап берсе? (Экраннан бірнеше буллинг және кибербуллинг жайлы видеолар көрсетіледі)

1.Буллинг және Кибербуллингтен қысым көрген балалардың айрықша белгілерін атап өтсеңіздер?

2.Күресу жолы қандай?

3.Ұстаздарға арналған қандай нұсқаулық айтар едіңіздер?

4.Ата-аналар білуі тиіс сақтық шаралары қандай?

2-жүргізуші: Осымен, «Буллинг және кибербуллингке біздің оқу орнында жол бермейміз» атты тәрбие сағатымызды қорыта келе,

Өмірің болсын десең сенің сәнді
Ойланып, айналаңа қара мәнді.
Адам бол! Білімі тасқан, өнері асқан
Өзіңе сүйсіндірер басқа жанды.
Салауатты мақсатың - өмір сүру,
Өмірдің мағынасын керек білу.
Ішімдік, нашақорлық сенің жауың
Пайдасы сол – бұл жолдан аулақ жүру.

1-жүргізуші:

Мен жігіт 15-30 арасында,

Бұл шақта көп бересі, аласымда.

Жан жағым толған мақсат, толған таңдау,

Алайын анасын ба, мынасын ба?

 - деп арқалы ақын Сұлтанмахмұт Торайғыров  жырлағандай болашақта шалыс қадам баспай, өз өмірлеріне жауап беретін ата-анасының емес, бүкіл алаштың азаматтары болады деген сеніммен бүгінгі тәрбие сағатымызды аяқтаймыз.

Бірге: Қош, сау болыңыздар!

Іс-шараға жауапты оқытушы(лар)___________Сыртаева Л.И.

___________Ахметсапа О.М.

____________Джумабекова Ж.Ж.