Тәрбие сағаты

Буллингтен қорған!

Күні

20-24.01.2025ж

Сынып жетекші:

Аты-жөніңіз

Сынып

Қатысушылар саны:

Қатыспағандар саны:

Сабақтың мақсаты:

Буллингтің анықтамасын, түрлерін түсіндіру.

Буллингтен қорғану тәсілдерін таныстыру.

Оқушыларға өз құқықтары мен міндеттерін түсіндіру.

Оқушыларға өзара қолдау көрсету, шынайы достықтың маңызын ұғындыру.

Құндылықтарды дарыту

Оқушыларға буллингтің не екенін түсіндіру, оның түрлерін, зиянды әсерлерін ашып көрсету.Оқушыларды бір-біріне құрметпен қарауға, жақсылық жасауға тәрбиелеу, қауіпті жағдайлардан қорғануға үйрету.Оқушылардың әлеуметтік қарым-қатынас дағдыларын дамыту, психологиялық қауіпсіздік қалыптастыру.

Апта дәйексөзі

Қаңтар – заң және тәртіп айы.

Тәртіп-тәрбие бастауы

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі (15 мин)

Оқушылармен амандасу.

Сабаққа қатысуын тексеру.

Оқушылардың көңіл күйін сұрау.

Сабақтың мақсатымен таныстыру.

Буллинг деген не?

Сабақтың тақырыбын түсіндіру. Буллингтің не екенін, оның түрлерін және зиянды әсерлерін анықтау.

Сұрақ: «Буллингті қай кезде немесе қандай жағдайда байқадыңыз?»

Оқушылардың пікірін тыңдау.

Буллингтің психологиялық, физикалық және әлеуметтік әсерлерін түсіндіру.

Сабақтың басталуына дайын болу, мұғаліммен сәлемдеседі.

Мұғалімнің сұрақтарына жауап бере отырып, көңіл-күйлерін білдіреді.

Психологиялық тренинг

«Мен кіммін?» тренингін жүргізу.

Оқушылар бір-біріне қолдау көрсетіп, әрқайсысы өзіне деген жағымды қасиеттерді атап өту керек.

Мысалы: «Мен ақпын, мен мейірімдімін, мен адал адаммын» деп әркім өзіне жақсы қасиеттерді айтып отырады.

Жағдаяттық тапсырма

Оқушыларға келесі жағдаяттарды талқылауды ұсынамын.

Сыныпта оқушы үнемі басқа балаларды қорлайды. Оған қарсы қалай әрекет етер едіңіз?

Егер сіз өзіңізді буллингтің құрбаны ретінде сезінсеңіз, не істейсіз?

Өзінің досы буллингке ұшыраған кезде не істер едіңіз?

Оқушылар топтарға бөлініп, әрбір жағдаятты талқылап, шешімдер ұсынады. Оқушылар пікірлері мен ұсыныстарын ортаға салып, талқылайды.

Компьютер, проектор (слайдтар көрсету үшін)

Плакаттар, маркерлер

Психологиялық тесттер мен тапсырмалар

Сабақ ортасы (10 мин)

Қауіпсіздік сабақ

Шынайы достық пен жалған достықты ажырату

Сабақтың мақсаты: оқушыларға достың адам өміріндегі маңызы, достықтың шынайы белгісі туралы түсіндіру.

Негізгі міндеттері:

-достық, сыйластық туралы пікірлесе отырып оқушылар арасында сыйластық қалыптастыру;

-оқушыларды әдеби тілмен сөйлеуге дағдыландыру, олардың өзін қоршаған ортасын дұрыс түсінулеріне, өмірге деген көзқарастарының қалыптасуына, өз ойын, пікірін баяндай жеткізе білулеріне көмектесу;

-оқушыларды достыққа адал болуға, имандылыққа, сыйластыққа тәрбиелеу.

Сабақтың барысы

1.Кіріспе (2 мин). «Ой қозғау» әдісі

Ертеректе ел ішінде Әйтімбет деген сөзге шешен кісі болыпты. Бірде замандастары шешеннен:

–Достық нешеу? - деп сұрапты.

Әйтімбет:

–Достықтың 2 түрі болады. Бірі – адал достық, екіншісі – амал достық, - дейді. Дұрыс-ақ енді оларды қалай ажырата аламыз?

Шешен:

–Адал достық – өмірлік нұсқа, амал достықтың өрісі қысқа, – деп жауап беріпті. Осыны қалай түсінесіңдер?

3.Қорытынды (2 мин): сабақты қорытындылау, кеңес беру.

Достықты қадірлей біліңдер. Досыңның кемшілігін кешіре біл. Достық сезім нұр құяды сезімге, досым үшін тойым дағы, төрім де. Қуаныштың ақ құсы боп самғаған, дос көңілдер шырқай берсін өмірде! Адам бойындағы барлық жақсы қасиеттер, адамгершілік нормалары, әлемнің татулығы – бәрі де осы достықтан бастау алады. Сол бастау сендердің бойларыңда қаланды деп сенемін!

Пайдалы сілтеме:

https://youtu.be/gH3zqZPR4EQ?si=BqIN4gX0HtWlpK6T

2. Негізгі бөлім (6 мин)

Рольдік ойын.

Екі дос арасындағы сүйіспеншілікті бейнелеу

Жағдаяттан шығу:

-Саған досың өкпелі. Неге екенін білмейсің. 2күн болды сенікөрсе қашқақтайды. Сен не істейсің?

-Досың сенің жақсы көретін киіміңді күйдіріп алды. Қандай шешім қабылдар едің?

-Сенің жаңа досың бұрынғы досыңмен араласпауыңды өтінді. Өзімен ғана дос болғаныңды қалайды. Не істейсің?

-Досың сенің қимас ағаң сыйлаған сувениріңді ұнатып қалды. Қайта-қайта оны

қызықтаумен болды. Қимас досың сұраса берер ме едің?

Сабақ ортасы 15мин

Мұғалім:

Bullying сөзі ағылшын тілінен аударғанда «қорқыту», «кемсіту», «мұқату» дегенді білдіреді. Буллинг – агрессия немесе күш көрсету арқылы адамның өзгені қорлауы, үстем екенін көрсетуі. Буллинг жасаушы мұны күшпен де, сөзбен кемсіту арқылы да жасайды әрі бұл әрекетін жиі қайталауы мүмкін. Қоғамда «буллинг мектеп оқушылары арасында ғана болады» деген түсінік қалыптасқан. Шын мәнінде, кез келген жастағы адам үйде, көшеде, жұмыста, оқу орнында, қысқасы, барлық жерде буллингпен ұшырасуы мүмкін. Буллинг деп көп жағдайда бір адамның бір адамды қорқытып-үркіткенін, қудалауын атайды. Ал құрбанға топ болып әлімжеттік жасауды моббинг дейді. Қазір қорқытудың кибербуллинг деп аталатын түрі жиі ұшырасады. Мамандар да кибербуллингтің әсіресе пандемия кезінде өршіп тұрғанын айтып жүр. Кибербуллинг — интернет, әлеуметтік желі, түрлі сайт арқылы қоқан-лоқы көрсету. Жәбірлеуші телефонмен хабарласып немесе әлеуметтік желіде жазып, адамды қорқыта алады. Кибербуллинг жасаушы ауызша немесе белгілі бір фото, видео жариялап, қорлауы мүмкін. Сонымен қатар құрбанға зиян тигізу мақсатында ойластырылған арнайы тапсырыс аясында кибербуллинг белгілері байқалуы мүмкін.

Топтық жұмыс

Оқушыларды 3-4 топқа бөлу және әр топқа «Буллингтен қорғану» тақырыбында шағын постер жасау тапсырмасын беру. Топтар өздеріне берілген тақырып бойынша постер жасап, қорғану жолдары мен кеңестерін жазып, оны сыныптастарына таныстырады.

Компьютер, проектор (слайдтар көрсету үшін)

Плакаттар, маркерлер

Психологиялық тесттер мен тапсырмалар

Соңы

5 мин

Қорытынды

Сабақта айтылған негізгі ойларды қорыту.

Оқушыларға буллингтің зияны туралы тағы бір рет ескерту.

Буллингке қарсы күресудің маңызды жолдары мен әдістерін атап өту.

Оқушылардың өз пікірлері мен сұрақтарын тыңдау.

Үй тапсырмасы

Оқушыларға «Буллинг және оның салдары» тақырыбында эссе жазу тапсырмасы беріледі.

Бағалау:

Топтық жұмыс пен постерге баға қою.

Тренингке қатысу мен белсенділікке назар аудару.

Сабақтағы сұрақ-жауап арқылы оқушылардың сабаққа қатысуын бағалау.

Компьютер, проектор (слайдтар көрсету үшін)

Плакаттар, маркерлер

Психологиялық тесттер мен тапсырмалар