Тәрбие сағаты

Буллингтен қорған!

Күні

10-14.02.25ж.

Сынып жетекші:

Аты-жөні

Сынып

Қатысушылар саны:

Қатыспағандар саны:

Сабақтың мақсаты:

Оқушыларға буллингтің (қорқытушылық, зомбылық) қауіптілігін түсіндіру;

Оқушылар арасында құрмет, достық, түсіністік, бір-біріне көмек көрсету қағидаларын қалыптастыру;

Оқушылардың өзін-өзі қорғау дағдыларын дамыту.

Құндылықтарды дарыту

Буллингке қарсы күрес және ұлттық құндылықтар арасында тығыз байланыс бар. Ұлттық құндылықтар, қоғамды біріктіріп, тәрбиенің негізі болып табылады. Бұл құндылықтар буллингке қарсы күресте маңызды рөл атқарады, өйткені олар адамгершілік, өзара құрмет, жауапкершілік және бірлік сияқты қасиеттерді насихаттайды.

Апта дәйексөзі

Ақпан – жасампаздық және жаңашылдық

Шығармашыл бала – ойлы бала

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі (17 мин)

Оқушылармен сәлемдесіп, сабақтың мақсатын және құрылымын таныстырады.

Оқушыларға буллинг туралы қысқаша түсінік береді.

Сабаққа қызығушылықтарын арттыру үшін олардың мектептегі ұжымдық қарым-қатынастарын сұрайды.

Мұғалім:

Бүгінгі сабағымыздың тақырыбы — «Буллингтен қорған!» Біз, өзімізді құрметтей отырып, бір-бірімізге құрмет көрсетуіміз керек екенін түсінуіміз қажет. Буллинг — бұл тек физикалық зорлық-зомбылық емес, ол адамның психологиясына да теріс әсер етеді. Буллинг — бұл бір адамды немесе топты қорқыту, кемсіту, жәбірлеу. Буллингтің түрлері әртүрлі болуы мүмкін: сөзбен қорлау, әлеуметтік желілерде бопсалау, физикалық күш көрсету немесе психологиялық қысым көрсету.

Әрбір адам — бұл өз құндылықтары мен қадір-қасиеттері бар жеке тұлға. Біз бір-біріміздің ар-ұжданымызды, сезімдерімізді, ойларымызды бағалап, құрметтеуіміз керек. Мектеп — бұл тек білім алып қана қоймай, өзара құрмет, достық, адамгершілік қатынастарын қалыптастыруға арналған орын. Сондықтан, біз бір-бірімізге ізетпен қарауға міндеттіміз. Егер біз біреуді қинайтын болсақ, оның жанына, сезімдеріне әсер етеміз, оның болашағына теріс әсер етуі мүмкін.

Мұғалімге сәлем береді.

Қызығушылықтары мен күткендері туралы қысқаша айтады.

Мұғалімнің сөзіне назар аударып, өз пікірлерін айтады.

Буллингке тап болған адамдарды түсіну туралы әңгіме жүргізеді.

Сабақ ортасы (10 мин)

Қауіпсіздік сабағы.

Жедел жәрдем нөмірлері және сенім телефондары

Сабақтың мақсаты: қажет болған жағдайда жедел қызмет нөмірлері мен сенім телефондарын қалай дұрыс пайдалану керектігін үйрету.

Негізгі міндеттер: төтенше жағдайларды шақыру ережелерін бекіту қарапайым және төтенше жағдай арасындағы айырмашылық ұғымын бекіту.

Материалдар мен ресурстар:

Сынып сағаты тақырыбындағы видео; Шұғыл қызмет нөмірлері бар карточкалар; Рольдік ойынға арналған телефондар.

Сабақтың барысы

1. Кіріспе (2 минутқа дейін)

Бейне ролик қарау:

https://youtu.be/qfY3NzKvrnw?si=Ie_ekiYUXRV_qDPC

Естеріңізге сала кетейік, оператор оқиға туралы хабарды қабылдағанда, бұл ақпаратты тиісті шұғыл қызметтерге жеткізу керек. Қызметтердің жұмыс уақыты: ТӘУЛІК БОЙЫ. Телефон шотында ақша болмаса да, барлық ұялы байланыс операторларына қоңырау шалу ТЕГІН.

2. Негізгі бөлім (6 минутқа дейін)

Маңызды! Шұғыл қоңыраулар ұшу және қуат үнемдеу режимдерінде жұмыс істемейді.

1. Телефондағы «Баптаулар» қолданбасын ашыңыз.

2. «Қауіпсіздік және төтенше жағдайлар» түймесін басыңыз.

3. Экранның төменгі оң жақ бұрышында «Орнатуды бастау» тармағын таңдаңыз.

4. Жергілікті жедел жәрдем нөмірін өзгерту қажет болса, «Нөмірдіөзгерту»

түймесін басыңыз. Нөмірді енгізіп, «Келесіні» таңдаңыз.

5. Төтенше жағдай контактілеріне геодеректер мен жаңартуларды жіберу үшін «Контакты қосу» түймесін басып, төтенше жағдайда ақпаратты кіммен бөлісетініңізді таңдаңыз. Шұғыл қоңырау шалу мүмкіндігі төтенше жағдай контактісіне қандай мәліметтерді жіберетінін көрсетіңіз. «Келесі» түймесін басыңыз.

3. Қорытынды (2 минутқа дейін)

- Сабақты қорытындылау.

- Қорытындылау, жедел жәрдем телефондары бар карточкаларды тарату.

Пайдалы сілтеме: https://drive.google.com/file/d/1idryjxl07j4TqE8wwixxInqe_1WxqHsI/view

https://drive.google.com/file/d/1xdSM-qHslvaEDkx6mFG-xVdi75O63EbU/view

Өрт күзеті 101

Полиция 102

Жедел жәрдем 103

Төтенше газ қызметі 104,112

Бірыңғай құтқару қызметі 112

«111 жедел қызметі» байланыс орталығы балалар мен ересектер өздеріне көмек қажет екендігі туралы, тұрмыстық зорлық-зомбылық, балалардың құқықтарының бұзылуы туралы, баланың көшеде, үйде, көлікте жалғыз қалғаны туралы, өміріне және денсаулығына қауіп төнгенде хабарласу үшін ашылған.

- «111» нөмірі – 24/7 байланыста

- «111» нөмірі – құпиялылықты сақтайды

- «111» нөмірі – тәулік бойы ІІД және өңірлердің жедел топтарымен байланыста. 111

Кез келген ұялы байланыс операторынан және қалалық нөмірлерден шұғыл қызметтерді шақыру Қазақстанда тегін жүргізіледі.

Рольдік ойын:

- Оқушыларды жұпқа бөліңіз. Бір оқушы қоңырау шалушы, екіншісі оператор ролін атқарады;

- Әртүрлі жағдайлары бар карталарды таратыңыз (өрт, террористік қауіп және

т.б.);

Оқушыларды топтарға бөліп, қарапайым және тиімді бірлестіктер құру үшін

Жедел жәрдемнің нөмірін таратыңыз.

Нұсқаулық

- Қажетті нөмірді теріңіз.

- Анық және байсалды сөйлеңіз.

- Өз атыңды қай жерде, не болғанын айтыңыз.

Ортасы (15 мин)

Өзара құрмет, достық және түсіністік қағидаларын түсіндіреді.

Мұғалім:

Егер сізді немесе біреуді буллингке ұшырағанын байқасаңыз, сіздер үнсіз қалмауларыңыз керек. Әрқашан әділдік пен шындық үшін күресіңіздер. Әрбір адам өзін жақсы сезінуге лайықты, оны кімде-кім қорламауы керек. Егер сіз буллингтің құрбаны болып жатсаңыз, ата-аналарыңызбен, мұғалімдермен немесе сенімді адаммен бөлісіңіз. Буллингке қарсы тұру — баршамыздың міндетіміз.

Мектепте және қоғамда бейбітшілік, құрмет, достық болу үшін әрқайсымыз өз үлесімізді қосуымыз керек. Біз әрқашан бір-бірімізге көмек көрсетуге дайын болуымыз, қиын сәтте қолдауға ұмтылуымыз керек.

Ең бастысы, ұмытпаңыздар: «Өзіңе қаламағанды басқаға да жасама!» деген қағиданы ұстанайық. Жақсы қоғам тек қана құрмет пен өзара түсіністік негізінде құрылады.

Тек жақсы істермен айналысайық!

«Құрмет көрсетудің» маңыздылығын айтқан соң, оқушыларға өзара құрмет танытудың әртүрлі жолдары туралы талқылау жүргізеді.

Топтық жұмыс ұйымдастырады, онда оқушылар бір-біріне көмек көрсету туралы пікір алмасады.

Топтарға бөлініп, өзара құрмет көрсету тәсілдері мен оның тиімділігін талқылайды.

Буллингтің алдын алу үшін өздері ұстанатын қағидалармен бөліседі.

Мұнда бірнеше маңызды қағидалар келтірілген:

1. Құрмет көрсету

Әр адамның жеке тұлғасын құрметтеу керек. Кез келген адам қандай да бір кемшілігіне қарамастан құрметке лайық.

Басқа адамдарды қорламау, олардың сезімдерін ескеру.

Үлкендерге және қатарластарға құрметпен қарау — бұл біздің мәдениетіміз бен ұлттық құндылықтарымызға сәйкес келеді.

2. Әділ болу

Әрқашан әділ болуға ұмтылыңыз. Егер біреуге әділетсіздік жасалып жатса, оған қарсы тұрып, шындықты қорғаңыз.

Оңды, әділ және ашық ойлай отырып, өз пікіріңізді айтуға болады.

3. Көмек көрсету

Қиын жағдайда қалған адамға көмек көрсету — бұл өте маңызды қағида. Буллингтің құрбаны болған адамға қолдау көрсету, оған моральдық көмек беру қажет.

Бір-бірімізге көмек көрсеткенде, біз қоғамда достық, түсіністік орнатамыз.

Соңы

3 мин

Оқушыларға өздерінің құқығын қорғау, буллингтің алдын алу шаралары туралы түсіндіреді.

Қандай жағдайда көмек сұрау қажет екендігін, құрбандарға қолдау көрсету жолдарын айтады.

Сабақтың соңында, буллингтің алдын алудың маңызды екендігін атап өтіп, әр оқушының бір-біріне құрмет көрсетуі керектігін қорытындылайды.

Қорытынды сұрақтарға жауап береді.

Өздеріне қолайлы әдістер арқылы буллингке қарсы әрекет ету жолдарын анықтайды.