Дата:

17.01.2026ж.

Сыныбы : 2а, 2б, 2в

Қатысушылар саны: 35

Қатыспағандардың саны: 15

Ата – аналар жиналысының тақырыбы:

«Цифрлық қауіпсіздік және баланы онлайн ортада қорғау».

Ұлттық құндылық

Заң және тәртіп. «Тәртіп — тәрбие бастауы,тәртіпсіздік – өміріңнің қас жауы»

Мақсаты

Ата-аналардың балалардың интернеттегі қауіпсіздігін қамтамасыз етуге қатысты сауаттылығын арттыру, онлайн ортада кездесетін қауіп-қатерлерді түсіндіру және баланы цифрлық кеңістікте дұрыс бағытта тәрбиелеу жолдарын көрсету.

Жиналыстың кезеңі

Мұғалімнің іс - әрекеті

Ата – анананың іс - әрекеті

Бағалау

Ресурстар

Жиналыстың басы

Ұйымдастыру кезеңі
І.Негізгі бөлім
Бастауыш тәрбие ісі жөніндегі орынбасары Л.Т.Қоңырбаеваның сөзі.
Күн тәртібі:
1.Кіріспе сөз. Мектеп директоры Ә.П.Әбдіғапарова.
2.Сыныптардың тоқсан қорытындысы. Оқу ісі орынбасары Л.Ж.Дәрменқұлова.
3.Практикалық бөлім «Цифрлық қауіпсіздік және баланы онлайн ортада қорғау».
4. Оқушылардың денсаулық және өмір қауіпсіздігі. Тәрбие орынбасары Ж.К.Нурмашева.
5. ІI тоқсан қорытындысы бойынша сынып тынысы:
қосымша білім беру ұйымына қатысым, басылым беттеріне жазылым. Сынып жетекшілер.
6.Қорытынды қаулы.
№5 мектеп – лицейінің директоры Ә.П.Әбдіғапарованың сөзі.

Ата – аналардың жауаптары.

Ата – аналардың сұрақтары.

Шапалақ

Интерактивті тақта

Жиналыстың ортасы

ІІ. Практикалық бөлім

Құрметті ата-аналар, бүгін біз маңызды тақырыпты талқылаймыз: «Цифрлық қауіпсіздік және баланы онлайн ортада қорғау».

Біздің мақсатымыз – балаларымыздың интернетте қауіпсіз болуын қамтамасыз ету.
Жиналысымыздың практикалық бөлімін бастамас бұрын, осы жерде жағымды психологиялық ахуал қалыптастырайық.
Ата – аналармен тренинг
Ол үшін ортаға 15 ата – ана 3 топқа бірігіп отырады. Ортаға темір тор қойылады. Ата-аналар ішіндегі кішкентай допты барлығы бірігіп тордың ішінен шығару керек. Ол үшін олар қарындаш, фломастерлерді қолдана отырып, допты жылжытып шығарады.

Мақсаты: Бұл тренингтің негізгі мақсаты – ата-аналарға бірлік пен өзара ынтымақтастықтың маңызын тәжірибе арқылы сезіндіру, ортақ мақсатқа жетуде келісім мен жауапкершіліктің қажет екенін ұғындыру.

4. Ата – аналармен топтық жұмыс. Ал енді практикалық кезеңге кезек берейік. Қазір 3 топтың ата-аналары 3 түрлі сұрақ бойынша постер қорғайды.

1 топ: «Жасанды интеллектінің, интернеттің пайдасы»

2 топ: «Интернеттің зияны »

3 топ: «Баланы онлайн ортада қалай қорғаймыз?»

Цифрлық қауіпсіздік – бұл интернетте қауіпсіздікті сақтауға бағытталған шаралар жиынтығы. Балаларымыздың жеке ақпараттарын қорғау және интернеттегі қауіптіліктерден сақтандыру өте маңызды

Бейнеролик: «Интернеттің пайдасы»

Балаңызды онлайн ортада қорғау

Балаларға интернет қолдану ережелерін үйретіңіз. Мысалы, бөтен адамдармен жеке ақпараттармен бөліспеу, тек сенімді сайттарды пайдалану. Ата-аналар балалардың интернет қолдануын бақылап, қауіпсіздік бағдарламаларын орнатуы қажет.

аланы қорғаудың негізгі жолдары

1. Ата-аналық бақылау

Баланың қолданатын сайттары мен қосымшаларын қадағалау

Parental control бағдарламаларын пайдалану

Жас ерекшелігіне сай контентті ғана көруін қамтамасыз ету

2. Экран уақытын реттеу

Күнделікті интернет қолдану уақытын белгілеу

Оқу мен демалыс арасындағы тепе-теңдікті сақтау

3. Жеке деректерді қорғау

Парольді ешкімге бермеуді үйрету

Жеке суреттер мен мәліметтерді жарияламау

Бейтаныс адамдармен хат алмасудан сақтандыру

4. Онлайн әдеп пен қауіпсіз мінез-құлық

Дөрекі пікір жазбау, өзгелерді ренжітпеу

Күмәнді сілтемелерді ашпау

Қауіп төнген жағдайда ата-анаға немесе мұғалімге айту

5. Сенімді қарым-қатынас

Баламен жиі сөйлесу, интернетте не көріп жүргенін сұрау

Қорқытпай, тыйым салмай, түсіндіру арқылы бағыт беру

Ата-аналарға пайдалы кеңестер

Баланың телефоны мен компьютері ортақ бөлмеде тұрғаны дұрыс

Үлгі болыңыз: өзіңіз де интернетті орнымен пайдаланыңыз

Баламен бірге қауіпсіз интернет ережелерін құрастырыңыз

Бейнеролик «Интернеттің зияны»

Қорытынды

Құрметті ата-аналар!

Бүгінгі жиналыста біз баланың онлайн ортадағы қауіпсіздігі – қазіргі қоғамдағы ең өзекті мәселелердің бірі екеніне көз жеткіздік. Интернет баланың білімін кеңейтетін пайдалы құрал болғанымен, бақылаусыз жағдайда оның қауіп-қатері де аз емес.

Баланы онлайн ортада қорғау тек мектептің немесе тек ата-ананың міндеті емес. Бұл – ортақ жауапкершілік. Ең бастысы, балаға тыйым салудан бұрын, онымен ашық әрі сенімді қарым-қатынас орнатып, интернетті дұрыс әрі қауіпсіз пайдалануды үйретуіміз қажет.

Әр бала өзін түсінетін, қорғайтын ересек адамның бар екенін сезінуі тиіс. Сол кезде ғана ол кез келген онлайн қауіпке тап болғанда жалғыз қалмай, көмек сұрай алады.

Бүгінгі жиналыстан алған мәліметтер күнделікті өмірде баланың қауіпсіздігін қамтамасыз етуге өз септігін тигізеді деп сенеміз. Балаларымыздың саналы, мәдениетті және қауіпсіз интернет қолданушы болып қалыптасуы үшін барлығымыз бірлесе әрекет етейік.

Назарларыңызға рахмет! ?

Ата – аналардың тренингке қатысуы.

Ата – ананың іс – тәжірибеге қатысуы.

Тәрбиелік мәні:

Бұл тренинг ата-аналарға баланы тәрбиелеу мен қорғау ісінде (соның ішінде онлайн қауіпсіздік мәселесінде де) бірігіп, үйлесімді әрекет ету қаншалықты маңызды екенін бейнелейді. Тордағы доп – бала, ал қарындаштар – ата-ана мен мектептің қолдауы. Егер әркім өз бетінше әрекет етсе, нәтиже болмайды, ал бірлік болса – мақсатқа жетуге болады.

Интернеттің пайдасы

• ? Білім алу (онлайн сабақтар, қашықтан оқу)

• ? Қарым-қатынас (бейнеқоңыраулар, әлеммен байланыс)

• ? Ақпарат пен идеялар (жаңа білім, шығармашылық)

• ? Даму және мүмкіндіктер (технология, инновация)

• ?‍?‍?‍? Балалар мен ересектерге пайдалы қолдану

Интернеттің зияны

? Экранға тәуелділік (ұзақ уақыт телефон/компьютерде отыру)

? Психологиялық әсері (жалғыздық, күйзеліс)

?️ Денсаулыққа зиян (көздің шаршауы, ұйқының бұзылуы)

? Кибербуллинг (онлайн қорлау)

⚠️ Жалған ақпарат

? Ойын мен әлеуметтік желіге тәуелділік

? Ата-ана бақылауының жоқтығы

Балаларды қорғайтын бағдарламалар:

Google Family Link, Apple Screen Time, Microsoft Family Safety, YouTube Kids — ресми сайттарды іздеп, телефонда көрсету.

Ата – аналардың сұрақтары.

Шапалақ

Шапалақ

Шапалақ

Шапалақ

Шапалақ

Интерактивті тақта

Жиналыстың соңы

ІІІ.Қорытынды бөлім.
Қаулы.

-Ата-аналарға баланың интернетті пайдалануын үнемі бақылауда ұстау ұсынылсын.

-Балалардың жеке мәліметтерін қорғау және қауіпсіз онлайн мінез-құлық дағдыларын қалыптастыру ата-ананың міндеті ретінде белгіленсін.

-Интернетке тәуелділіктің алдын алу үшін экран алдында өткізетін уақытты шектеу ұсынылсын.

-Мектеп пен ата-аналар арасында цифрлық қауіпсіздік бойынша бірлескен жұмыс жалғастырылсын.

-Ата-аналар баламен ашық әңгіме жүргізіп, онлайн қауіптер туралы түсіндіру жұмыстарын жүйелі түрде жүргізсін.

Интерактивті тақта