cұрақ-жауап сайысы «Денсаулық өз қолында»

«ДЕНСАУЛЫҒЫҢ ӨЗ ҚОЛЫҢДА»

cұрақ-жауап сайысы

Мақсаты: Денсаулық сақтау әдістерін білу, балаларды өзінің ден-саулығын қадағалауға; түрлі жағдайларда қауіпсіздік ережелерін қолдануға үйрету.

Қажетті құрал-жабдықтар: «Күлкі» және «Апельсин» топтары үшін эмблема; күн тәртібі бейнеленген карточкалар.

Пайдалы азық-түліктер (жемістер, көгөністер, сүт өнімдері, жарма, балық, жұмыртқа, кептірілген жемістер, жаңғақтар, кеспе, нан);

Зиянды азық-түліктер (кепкен нан, қуырылған картоп, кәмпит, балмұздақ, су-сындар, гамбургер);

Сабын, тарақ, тіс щеткасы, беторамал, орамал, жөке, киім щеткасы; Умаждалған газеттер, сыпыртқы, қалақ, шелек. Мақтау қағазы, медаль.

Ойынға қажетті атрибуттар: белгілері бар және сұрақтары мен кар-точкалар.

Ойын барысы

Көңілді әуен ырғағымен екі топ бір-біріне қарама-қарсы келіп тұрады. Жүргізуші (педагог-психолог): Бүгін біз «Денсаулығың өз қолыңда»

атты сайыс өткізгелі отырмыз. Сайысқа екі топ қатысады. Топ басшылары-на сөз беріледі.

«Қуаныш» тобының басшысы: Біздің топ...

Балалар: «Қуаныш!»

Басшы: Біздің ұран...

Балалар: Әрқашанда күлімдеп жүру – денсаулық үшін керемет!

«Апельсин» тобының басшысы: Біздің топ...

Балалар: «Апельсин!»

Басшы: Біздің ұран...

Балалар: Біз апельсиннің бөліктері сияқтымыз. Біз татумыз, бірлігіміз жарасқан!

Жүргізуші: «Апельсин» тобы «Қуаныш» тобының барлық қатысушыларымен амандасады! Сендер бір-бірлеріңмен амандасып қана қоймай, бір-біріңе денсаулық сыйладыңдар, өйткені сендер «Сәлеметсіңдер ме!» – деп бір-біріңе денсаулық тіледіңдер.

Балалар орындықтарына отырады.

Педагог «Денсаулығың өз қолыңда» атты сұрақ-жауап сайысын өткізуді ұсынады.

Жүргізуші әділқазы алқасымен, келген қонақтар және жанкүйерлермен таныстырады. Қонақтар ойынға қатысушыларды қошемет білдіріп қарсы алады.

Сайыс төрт кезеңнен тұрады, әр кезең соңында қорытынды шығарылады. І кезең – Бәйге

Ойынға барлық балалар қатысады, олар 2-3 топқа бөлінеді. Педагог балаларға сұрақтың жауабын білетін болса, белгі карточкасын көтеруді ұсынады. Әділқазы алқасы карточканы алғаш кім көтергенін анықтап, сол топқа жауап беруіне рұқсат етеді.

Қойылатын сұрақтар үлгісі:

• Сымбат дегеніміз не? Сымбатты қалай сақтауға болады?

• Бұлшық еттің дамуы үшін не жасау керек?

• Тазалық дегеніміз не?

• Құлақты күту ережелерін айт.

• Көзді қалай сақтау керек?

• Тері қандай қызмет атқарады? Теріні күту жолдарын айт.

• Ауыз қуысын қалай күту керек?

• Күн тәртібі дегеніміз не?

• Ұйқы және адам үшін ұйқының маңызы.

• Шынығу түрлерін ата.

Тапсырма – «Мейірімді көмекшілер»

• Ненің көмегімен біз шөп сары, қызанақ қызыл екенін білеміз? (Көздің көмегімен )

• Қандай дене мүшесі арқылы анамыз шақырып жатқанын білеміз? (Құлақтың көмегімен)

• Қай дене мүшесі арқылы қант тәтті, лимон қышқыл екенін, шетен жидегінің ащы екенін, тұздың дәмін білеміз? (Тілдің көмегімен)

• Қандай дене мүшесі арқылы тыныс аламыз, иісті сеземіз? (Мұрынның көмегімен)

Жүргізуші: Үстел үстінде нысан бейнеленген карточкалар жатыр. Ды-быс шығаратын нысанды дөңгелекпен белгіле. Шаршымен иісі бар нысанды, үшбұрышпен дәмі бар нысанды белгіле. (Тапсырма әр балаға жеке беріледі.)

ІІ кезең – Тамаша жетілік

Топ басшылары сұрақтары бар екі-үш карточканы суырып алады. Жүргізуші сұрақты оқуға көмектеседі. Топ басшылары топқа қайтып, сұрақтың жауабын талқылап, жауап беретін қатысушыны белгілейді. Жеті сұраққа жауап берілсе, барлық топ ұпайға ие болады.

Қойылатын сұрақтар үлгісі:

• Тамақтану тәртібі не үшін қажет?

• Неліктен жемістер мен көгөністерді көп жеу керек?

• «С» дәрумені бар жемістер мен көгөністерді ата.

• «А» дәрумені бар жемістер мен көгөністерді ата.

• Қандай азық-түліктер денсаулыққа пайдалы?

• Үстел басындағы өзін-өзі ұстау ережелерін ата.

• Тамақтанар алдында қолды не үшін жуу керек?

«Пайдалы және зиянды азық-түліктер»

Жүргізуші: Егер сендерді аналарың дүкенге жіберсе, пайдалы азық-түліктерді таңдай алар ма едіңдер? Қане, ойын арқылы соны тексеріп көрейік.

Эстафета

Бірінші қатысушы қолында себетімен пайдалы және зиянды азық-түліктер бар үстелге жүгіріп барып, ондағы пайдалы азық-түлікті таңдап алып, себетіне сала-ды, келесі қатысушыға себетін ұсынады, әрі қарай ойын осылай жалғасады.

Жүргізуші ойынды қорытындылап, әділқазы алқасы ұпай санын есептейді.

ІІІ кезең – Тікелей сұрақтар

Сұрақты әділқазылар алқасы, ата-аналар, шақырылған қонақтар қояды.

Қойылатын сұрақтар үлгісі:

• Төтенше жағдайлар қызметінің нөмірін ата.

• Үйдегі қандай қауіпсіздік ережелерін білесің?

• Жолда жүру ережелерін ата.

• Бейтаныс адам өзімен бірге жүруді ұсынса, не істейсің?

• Үйдің мекенжайын, ата-анаңның телефон нөмірін неліктен білу керек?

• Жер сілкінісі кезінде не істеу керек?

• Өрт кезінде не істеу керек?

• Далада кездескен жануарлар қандай қауіп төндіруі мүмкін?

• Табиғатта қандай қауіп төнуі мүмкін?

• Улы өсімдіктерді ата.

«Көмек тізбегі» ойыны

Педагог балаларға кез келген жағдай түрін хабарлайды:

• Үйде өрт.

• Адам суға батып бара жатыр.

• Қыз бала адасып қалды.

• Адам аяғы тайып құлап, жарақаттанып қалды және т.б.

Балалар бір-екі минут ішінде осы жағдайларда қандай әрекет жасайтын-дарын атап шығуы керек.

Осыдан кейін әр топ мүшелері қатармен тұрып көмек тізбегін жасап, қандай сөздер айтқандарын естеріне түсіреді.

Мысалы, өрт жағдайында:

– бірінші бала «өрт сөндіруші» сөзін атайды

– екінші бала «өрт сөндіру көлігі»,

– үшіншісі «өрт құбыршегі» сөзін және т.б.

Қай топтың тізбегі ұзын болса, сол топ жеңіске жетеді.

V кезең – Шешен (қорытынды)

Топ басшылары 1 минут көлемінде «Неліктен мен өз денсаулығымды сақтағым келеді?» атты тақырыпта ойымен бөліседі.

Көрермендермен ойын

Тақырыбы: Аурудың алдын алу

• Тұмау ауруы

• Жалпақтабандылық

• Омыртқаның қисаюы

• Фитотерапия (шөппен, дәрілік өсімдіктермен емделу) Жанкүйерлер өз командасына қосымша ұпай алып беруіне болады.

Әділқазылар алқасы жеңімпаздарды анықтап, мақтау қағазы, ме-

дальдармен марапаттайды.