400 000+ дайын материалды
1 жыл бойы шексіз жүктеңіз

ҚМЖ, БЖБ, ТЖБ, презентациялар және авторлық материалдар

4 990₸/ 1 жыл

🔥Арнайы баға ·10.12.2026 дейін

Одан кейін - 29 990 ₸

Бір рет төлейсіз · Автотөлем жоқ

Тақырып бойынша 31 материал табылды

Дайын ҚМЖ. 6-сынып ҚАЗАҚ ТІЛІ✔

Қазақ тілі Сабақ жоспары 6 сынып

Материал туралы қысқаша түсінік

26- сабақ. Наурыз мерекесі. Мөлшер үстеу. 6-сынып Қазақ тілі.

Материалдың қысқаша нұсқасы

Қысқа мерзімді жоспар

6-сынып, қазақ тілі Т1. 3-тоқсан.

Мұғалімнің аты-жөні

№86 мектеп-гиманзиясы, Оспанова Асемгул Амантаевна

Пән/сынып

6-сынып. Қазақ тілі

Қай аптаның нешінші сабағы

ІІІ тоқсан. 9-апта. 2-сабақ.

Тарау немесе бөлім атауы

8-бөлім. Қазақ халқының әдет-ғұрыптары мен салт-дәстүрлері

Сабақтың тақырыбы

2-сабақ. Наурыз мерекесі. Мөлшер үстеу

Оқу мақсаты

6.07. Энциклопедия, сөздік, балаларға арналған газет-журналдардан қажетті ақпараттарды алу, авторына сілтеме жасау;

ӘТН4. Үстеудің мағыналық түрлерін ажырату, синонимдік қатарларын түрлендіріп қолдану.

Сабақтың мақсаттары

мәтінді оқып, мазмұнын түсінеді;
энциклопедиядан қажетті ақпараттарды алады;
үстеудің мағыналық түрлерін ажыратады.

Бағалау критерийлері

мәтінді оқиды, мазмұнын түсіне алады;
тақырыпқа байланысты ақпараттарды саралайды;

мәтіннің жанры мен идеясын анықтайды;

үстеудің мағыналық түрлерін ажыратады алады.

Уақыты

Кезеңдері

Тапсырма

Ресурстар

1 минут

Ұйымдастыру кезеңі

Сәлеметсіз бе, жас дос?! Кезекті қазақ тілі пәні сабағына қош келдіңіз!

Бүгінгі сабағымыздың тақырыбы: Наурыз мерекесі. Мөлшер үстеу.

Бүгінгі сабақта білетініміз:

тақырыпқа байланысты ақпараттарды саралау;

мәтіннің жанры мен идеясын анықтау;
үстеудің мағыналық түрлерін ажырату.

Бағалау критерийлері:

мәтінді оқиды, мазмұнын түсіне алады;
тақырыпқа байланысты ақпараттарды саралай алады;
мәтіннің жанры мен идеясын анықтай алады;
үстеудің мағыналық түрлерін ажырата алады.

№1 слайд

№2 слайд

8 минут

Жаңа сабақ

Ой түрткі.

Құрметті оқушылар, сабағымызды бастамас бұрын ой түрткі ретінде мына суреттерге назар аударып, сұрақтарға жауап берсеңіздер.

1. Балалар, суретте не бейнеленген?

2. Бүгін сабағымызда біз не туралы айтатын боламыз?

3. Ортақ тақырыпқа арналған суреттер бар ма?

4. Салт-дәстүр дегенді қалай түсінесіздер?

5. Біздің тақырыпқа қатысы жоқ суреттер бар ма?

1 2 3

4 5 6

7 8

Дұрыс айтасыздар, берілген кейбір суреттерде әдет-ғұрыпқа байланысты суреттер берілген (1). Иә, балалар, бүгінгі сабағымызда Наурыз мерекесі туралы айтпақпыз (2). Ортақ тақырыпқа арналған бірінші, төртінші, алтыншы суреттерді айтуға болады (3). Салт-дәстүр — әр ұлттың, халықтың діні мен сеніміне, тұрмыс-тіршілігіне, ұлттық құрылым ерекшелігіне сәйкес ғасырлар бойы жинақталып, өмірдің өзі туғызған ғұрыптардың жиынтығы (4). Біздің сабаққа қатысы жоқ суреттер бесінші және сегізінші суреттер болып табылады.

1-тапсырма. Берілген екі мәтінді мұқият оқыңыз. «Қос жазба күнделігі» әдісі арқылы мәтіннен қажетті ақпараттарды алып, жанры мен идеясын анықтаңыз.

Тапсырманың дескрипторы:

мәтін мазмұнын түсінеді;
тақырыпқа байланысты ақпараттарды саралайды;
жанры мен идеясын анықтайды.

Наурыз мейрамы

«Нұр себеле, Ұлыстың ұлы күні»

Наурыз мейрамы — ежелгі заманнан қалыптасқан жыл бастау мейрамы. Қазіргі күнтізбе бойынша (наурыздың 22) күн мен түннің теңесуі кезіне келеді. Көне парсы тілінде нава=жаңа + рәзаңһ=күн, «жаңа күн» мағынасында, қазіргі парсы тілінде де сол мағынамен қалған (но=жаңа + роуз=күн; мағынасы «жаңа күн»), яғни «жаңа жылды» (күн өсуін белгілеуі) білдіреді. 2010 жылдың 10 мамырынан бастап Біріккен Ұлттар Ұйымының Бас ассамблеясының 64-қарарына сәйкес 21 наурыз "Халықаралық Наурыз күні" болып аталып келеді.Бас ассамблея өзінің берген түсініктемесінде "Наурызды көктем мерекесі ретінде 3000 жылдан бері Балқан түбегінде, Қара теңіз аймағында, Кавказда, Орта Азияда және Таяу Шығыста 300 миллион адам тойлап келе жатқандығын" мәлімдеді. Ал UNESCO болса, 2009 жылдың 30 қыркүйегінде Наурыз мейрамын адамзаттың материалдық емес мәдени мұра тізіміне кіргізді. Қазақстанда Наурыз мейрамы үш күн: 21-23 наурыз аралығында аталып өтіледі (2010 жылдан бастап). Жалпы, Наурыз парсы, кавказ және түрік халықтарының арасында көктем мейрамы және жаңа жылдың басталуы ретінде тойланады. Ол Иранда 21 наурызда, Орталық Азия елдерінде және Әзірбайжанда, мемлекеттік мереке ретінде Тәжікстанда және Қазақстанда - 22 наурызда, Өзбекстан мен Түркияда 21 наурыз күні аталып өтіледі.

Қазақ энциклопедиясы, 7-том.

Жер бетіндегі тіршілікке жан бітіріп, қайта түлететін төл жаңа жылымыз Наурыз да келіп жетті. Ұлтымыздың Ұлық меркесінде Жер Ананың тоңы жібіп, күннің көзі күлімдеп, айнала нұрланып адамзатты ерекше бір күйге бөлейді. Адамзаттың аузы аққа, малдың аузы көкке тиетін табиғаттың ең көркем мерекесі. Наурызда қыс бойы сақтаған сүрін қазанға тоғытып, жеті түрлі дәмнен тіл үйірер көже пісіретін. Наурыз мерекесі арғы тегіне баратын болсақ, рауаят бойынша Нұх пайғамбардан қалған деп айтылады. Адам ата мен Хауа анадан кейінгі адамдарды топан судан аман алып қалған Нұх пайғамбардың кемесі бір деректерде Қазығұрттың, тағы бір деректерде Жуда тауының басына тоқтаған деседі. Кемеде аман қалған тіршілік иелерінің жаңа өмірі осы күн мен түннің теңелген Ұлыстың ұлы күні басталады. Нұх пайғамбардың кемесінде топан судан аман қалған адамзат кемеде қалған жеті дәннен тілек көже жасап, айналаны балшықтан тазартып, бұлақ көзін ашып, қисайып қалған ағаштарды түзеп, бұтақтарын көбейтіп, бір-бірімен құшақтасып көріскен деседі. Бұл барша түркі халықтарына, жалпы мұсылман халықтарына ортақ үлкен мереке, біздің төл жаңа жылымыз. Ата-бабаларымыз Наурызды уыз мереке деп атаған. Наурыз сөзі көп ғалымдардың айтуынша парсы тілінен аударғанда «жаңа күн», «жаңа жыл» деген мағынаны білдіреді

Автор: Айнұр Сенбаева.

«Алаш айнасы» газеті, сенбі, 22.03.2015 ж.

Өзіңді тексер!

Наурыз мейрамы

«Нұр себеле, Ұлыстың ұлы күні»

Жанр түрі - ақпарат (мәлімет).
Идеясы: Ұлыстың ұлы күні - Наурыз мерекесі туралы.
Наурыз сөзі парсы тілден енген.
Күнтізбеге Наурыз мерекесі ретінде енгізілуі туралы айтылған.
Наурыз мерекесі туралы мәлімет энциклопедиядан алынған.

Жанр түрі - мақала.
Идеясы: Наурыз мерекесі туралы өзіндік көзқарас білдірілген.
Наурыз мерекесінің шығу тарихы айтылды.
Жеті түрлі дәмнен тіл үйірер Наурыз көженің дайындалуы жайлы айтылып өтті.
Бұл мәтінде белгілі бір автордың мақала ретінде жазғандығы белгілі.

№3 слайд

№4 слайд

№5 слайд

Материалды Word форматында жүктеп аласыз

Тарифке кіреді

9 ұстаз жүктеп алған

26 ақпан

830

Бұл материалды қолданушы жариялаған. UstazTilegi материалдың мазмұны мен авторлық құқықтарына жауап бермейді. Авторлық құқық бұзылған жағдайда шағым қалдыра аласыз

"Ұстаз" платформасында тіркелген пәндік олимпиадалар

Аттестацияға жарамды екенін көру үшін "Ұстаз" платформасында "Жарыстар, олимпиадалар тізімінен "Ustaz tilegi" деп іздесеңіз шығады

Ұстаздарға арналған олимпиадалар

Оқушыларға арналған олимпиадалар

Тәрбиешілерге арналған олимпиадалар

Қазақстандағы ең үлкен материалдар базасынан іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде керек материалды іздеп, жүктеп алып сабағыңызға қолдана аласыз

Осы тақырыпта
көрнекілік керек па?

10 000 астам көрнекіліктерді жинап қойдық.

Көрнекілік бөліміне өтіп тақырыбын жазып жүктеп алыңыз!