Дара және күрделі сан есім

Тақырыбы: Дара және күрделі сан есім

Мақсаты: а) Сан есімнің дара, күрделі түрлерімен таныстыру; күрделі сан есімнің емлесін меңгерту,

сөйлем ішіндегі дара, күрделі сан есімдерді ажырата білу.

ә) Сан есім туралы алған білімдерін дамыту; сауатты жазу дағдыларын арттыру.

б) Табиғатты сүюге тәрбиелеу.

Сабақтың түрі: аралас сабақ

Сабақтың әдісі: сұрақ-жауап, түсіндіру, салыстыру

Пәнаралық байланыс: математика, дүниетану

Сабақтың барысы:

І Ұйымдастыру.

Психологиялық дайындық.

ІІ Үй тапсырмасын тексеру.

6-жаттығу. Суретпен жұмыс. Қарама-қарсы мағынасы бойынша жұптап жаз.

ІІІ Ой қозғау.

Сан есім туралы білімдеріне ассоциация.

Сан есім

Реттік және есептік сан есімді ажырату. Мысалдар келтіру.

Реттік сан есімдердің жұрнақтарын ата.

Тұлғасына қарай Құрамына қарай Мағынасына қарай

негізгі туынды дара күрделі есептік реттік

ІҮ Мағынаны тану.

Тақтаға екі бағанға сан есімдер жазылады.

бес жүз тоқсан тоғыз

алтыншы он бес

тоғыз бір мың тоғыз жүз он алтыншы

Салыстыру.

• Не байқадыңдар?

Оқулықпен жұмыс.

1-жаттығу. Сөйлемдерді оқы. Сан есімдерді теріп жазып, олардың неше сөзден құралғанына көңіл бөл.

Сан есім неше сөзден құралған? Ол қандай сан есім? Неге?

Ережені оқу.

2-жаттығу. Сөйлемдерді көшіріп жаз. Дара, күрделі сан есімдерді тап. Олардың жазылу емлесіне назар аудару.

3-жаттығу. Сөйлемдерді оқы. Дара, күрделі сан есімдерді теріп жаз.

Дара сан есімдер: жүз,

Күрделі сан есімдер: мың алты жүз тоқсан жеті, он екі мың, бес жүзжетпіс.

4-жаттығу. Төмендегі сан есімдерді дара, күрделі түрлеріне топтап, сөзбен жаз. Тақтада орындалады.

9, 588, 45, 797, 25, 10, 888, 5.

5-жаттығу. Шығармашылық тапсырма. Өрнектерді оқы, олардың мәнін тауып, сөйлем түрінде жаз. Олардың қандай сан есім екенін айт.

20 – 5 = … 50 + 18 = … 9 • 9 = …

10 • 5 = … 90 – 20 = … 200 : 4 = …

Қосымша жұмыс. Өз бетімен жұмыс дәптеріндегі тапсырмаларды орындау.

ІҮ Қорытынды.

Сан есім туралы не білдіңдер? Дара және күрделі сан есімді салыстыру.

Ү Үйге тапсырма.

Құрамында сан есімі бар 3 мақал жаз. Ережені жатта.

Бағалау.