"Дәрумендер"

Білім беру саласы: "Коммуникация"

Ұйымдастырылған оқу қызметі: Сөйлеуді дамыту,Қоршаған ортамен таныстыру

Тақырыбы: «Дәрумендер әлемі»

Мақсаты: Балаларға жемістер туралы түсінік беру,жемістер туралы білімдерін бекіту. Денсаулыққа пайдасы туралы мағлұматтар беру. Жемістерді ажырата білуге үйрету.Қабылдауын есте сақтау қабілеттерін дамыту.

Ұйымдастыру кезеңі:

Тәрбиеші: Балалар мен сендерге мына өлең шумағын оқып берейін.

Тоңазып атырап,

Көп жеміс піседі.

Сарғайып жапырақ,

Судырап түседі.

"Күз жомарт"- дейміз біз

Жемісін жейміз біз.

(балалар орындарында отырады.)

-Балалар , біздің осы айтылған өлең шумағында не туралы, не жайлы айтылған?

-Күзге берер қандай сыйы бар?

- Қандай жемістердің түрлерін білесіңдер?

Балалар: Алма, алмұрт, өрік, ише, шабдалы т.б жемістер. (аталған жемістердің атрибуттарын кигізу.)

Тәрбиеші: Жемістер қайда өседі?

Балалар: Ағашта

Тәрбиеші: Өте дұрыс айтасыңдар.Балалар ,жемістерді көбірек жеп тұру керек.Жемістердің құрамында көптеген дәрумендер болады,ол адамның денсаулығына өте пайдалы.Сонымен қатар жемістерді жуып жеу керек.

Ғажайып сәт:

Тәрбиеші: Тыңдаңдаршы есікті біреу қағатын сияқты.(осы кезде есікті қағып ,қонақ келеді.)

Қонаққа Кенжегүл апай келді.(қолында себетке салынған жемістер бар.)

Кенжегүл апай сәлеметсіз бе!Төрлетіңіз.

Балалар: Кенжегүл апай амандасады.

Кенжегүл: Сәлеметсіңдер ме ,балалар? Мен сендерге жемісте және жемістердің суреттерін әкелдім.Сендер суреттегі жемістерді атай аласыңдар ма?

Балалар: иә, ілеміз

Тәрбиеші: Кенжегүл апай біздің балалар жеміс жидектердің суретін атай біледі. Кәне, балалар тақтадағы жеміс-жидектердің атауын атап берейікші.

Балалар: алма, алмұрт, банана, жүзім (т. б жемістерді атайды.)

Тәрбиеші:Сонымен қатар біздің балалар тақпақтарда біледі.

Қарақат

Өрік, алма, шие,алша

Жеміс-жидек піседі.

Қауын,қарбыз,қияр,сәбіз,

Дүкендерге түседі.

Темірбек:

Іші толған шәрбат

Дәмі қандай әйбат

Үзсең бірден жүзін

Оның аты -Жүзім

Алтынбек:

Дөп-дөңгелек сап-сары,

Ішінде бар дәні

Қызығасың көріп

Оның аты - Өрік

Әсел:

Жапырақта тасалап,

Өскен жері бақша-бақ,

Күрең қызыл шіркін-ай,

Оның аты - құлпынай.

Тәрбиеші: Балалар жемістер туралы тамаша тақпақтар айттыңдар,кәне, енді ойын ойнап көрейікші.

Ойын:"Дәмін татып, не екенін тауып көр"

Ойын шарты: Тәрбиеші жемістерді жуып бөліктерге бөліп , балаларға көздерін жұмуды ұсынып, кезекпен жемістердің бөліктерін ауыздарына салады. (балалар салынған жемістердің аттарын атайды.)

-Сенің аузыңдағы не?Алма ма,әлде алмұрт па?

Балалар: алмұрт.(ойын сұрақ-жауап арқылы жалғасады.)

Тәрбиеші: Жарайсыңдар, балалар! Ойынды жақсы ойнадыңдар.Енді бойымызды сергітіп алайық

Сергіту сәті: (қимыл қозғалыспен орнындайды)

Алма ,алма көп алама,

Қызыл,жасыл, көк алма

Теріп, теріп алайық,

Қалтамызға салайық

Кенжегүл апай: Балалар, мен сендерге арнайы бау-бақшадан жемістер жинап әкелдім,дәмін татыңдар.Ал, балалар, мен енді қайтайын.Тамаша жемістер туралы тақпақтар білетін екенсіңдер,қызықты ойын ойнадыңдар сендерге рахмет. Сендерге көп-көп рахмет.

-Сау болыңдар, балалар.

Балалар: Апаймен қоштасады.

Тәрбиеші: Жарайсыңдар, балалар. Біз бүгін немен таныстық?

Балалар: Жемістермен.

Тәрбиеші: Қандай жемістерді білесіңдер?

Балалар: алма, алмұрт, ише, т.б жемістерді атайды.

Тәрбиеші: Жарайсыңдар, балалар, бүгінгі ұйымдастырылған оқу қызметінде сендер жақсы қатыстыңдар.Келген қонақтармен қоштасайық.