Дарынды баламен жұмыс

Алматы облысы

Еңбекшіқазақ ауданы

Таутүрген негізгі орта мектебі

қазақ тілі мен әдебиеті пәні мұғалімі

Тургумбекова Акмарал

«Дарынды бала қанатты құстай,

Құмары қанбас алысқа ұшпай» деген даналық ой дарындылықтың табиғаты шексіз болатындығының айқын дәлелі. Жеке шығармашылық қабілеті дамыған ұлттық сана сезімі жетілген және ішкі жан дүниесін тануға, өзін өзгелермен салыстыра алатын, іс-әрекетке талдау жасай білетін, жоспарлау мүмкіндігі қалыптасқан тұлға тәрбиелеу мұғалімдер қауымына үлкен жауапкершілікті жүктейтіні мәлім. Ішкі сезімі жағынан өзгеше өте сезімтал, ықылас қойған нәрсесіне тындырымды, қызығушылығы басым балаға дұрыс бағыт беру әрине мұғалімнің басты міндеті. Сонымени қатар оқыту үрдісінде жеке тұлғаның өзіндік дамуына ықпал етуші тәрбие мен білім беруді ұштастыру керек.

Жас жеткіншектің бойындағы табиғат берген ерекше қабілетті, дарындылықты тани білу, оның одан әрі дамуына бағыт-бағдар бере білу ерекше қиын іс.

Оқушының дарындылығының астарында «білімге деген өте жоғары құлшыныс», «сезімталдық» және «шығармашылық» қасиеттер сезіліп тұрады. Дарынды балалар қабілетін дамыту маңызды. Сөзімді түйіндей келе дарынды шәкіртті, талантты ұстаз тәрбиелесе дұрыс болар еді дер едім. Өйткені оқушы дарынды болса, мұғалімге екі есе қабілеттілік қажет. Ақылы кемел, зерек балалар – болашақтың жарқын кепілі. Ж. Айтауытовтың пікірінше, адам өмірге өзіндік табиғи қасиеттерімен келеді. Ал баланың бойындағы ерекше қасиеттерді дамытатын – оқыту мен тәрбие.