Дәуірлерді жалғастырушы желі

Сабақ мақсаты: Өзін -өзі тану мен өзін – өзі тәрбиелеудің адамның тұлғалық және кәсіби қалыптасуындағы орнын анықтау арқылы сүйіспеншілік құндылығының мәнін ашу.

Міндеті:

Білімділік: мәдени мұрамыздың маңызы туралы түсініктерін кеңейту;

Дамытушылық:әр оқушының өз мүмкіндігін танып,дамытуына ықпал ету:

Тәрбиелік: мәдени мұрамызды қастерлеуге, бағалауға тәрбиелеу

Сабақ барысы:

1.Ұйымдастыру кезеңi. 2 мин.

Сәлемдесу, оқушылардың көңіл-күйін сұрау, сабаққа қатысуды тексеру.

2.Тыныштық сәтi. 3 мин.

«Арманымның суреті». Барлығымыз көзімізді жұмып, қандайда бір арманымызды көз алдымызға елестетеміз. Ең маңызды армандарыңды таңдаңыздар. Енді көзімізді ашып өздеріңнің армандарыңның суретін саламыз. Соңында суреттері бойынша өз ойларын сұрап шығамын.

3.Үй тапсырмасын тексеру. 5 мин.

«Түркістан» әңгімесі бойынша сұрақтар:

1. Рухани астанамыз Түркістан қаласы туралы қандай ой түйдіңдер?

2. Түркістан қаласының адамзат өміріндегі алатын орны мен қасиеті туралы не ойлайсыңдар?

3. Мағжан ақынның «Түркістан – ер түріктің бесігі ғой» деген өлең жолдарын қалай түсінесіңдер?

4. Түркістан қаласының басқа қалалардан ерекшелігі оның тарихыныңы терең де қасиетті қала болғанынан ба? Мысал келтір.

5. «Түркістанды рухани астанаға айналдыру» идеясына көзқарастарың қалай? Әңгімелеп бер.

Сабақ барысын талқылау:

4.Дәйексөз.

Бүгінгі күнді түсініп – түйсіну үшін де, болашақтың дидарын көзге елестету үшін де кешегі кезеңге көз жіберуіміз керек.

Н.Ә. Назарбаев

5.Әңгiмелеу (сұхбат). 3мин.

Оқушыларға сұрақтар қойылып,жауаптары тыңдалады

6.Шығармашылық жұмыс, топтық жұмыс. 12 мин.

Оқулықта берілген отандық және әлемдік мәдени мұраларға салыстырмалы түрде сипаттама беру үшін сұрақтар қойылады.

7.Топпен ән айту. 3 мин.

«Отырардағы той»

8.Үй тапсырмасы. 2 мин. «Өнер сатып ем» ертегісін оқу

10.Қорытындылау,соңғы тыныштық сәтi. 3 мин.

• Балалар, енді бір сәт тынышталайық.

. Балалар денелерін түзу ұстап, бастарын жоғары көтеріп, ыңғайланып отырады. Ауаны терең жұтып, еркін тыныстайды, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Бүгінгі сабақтан алған әсерлерің мен жақсы ойларыңды естеріңе түсіріп көріңдерші... Оны өздеріңмен бірге қалу үшін жүректеріңе салып, бір-бірлеріңе жылы лебіздеріңді білдіріңдер.Аңсаған армандарларыңа жетулеріңізге тілектеспін. Бүгін сендер өте көп жақсы істер жасадыңдар, ойларыңды жеткізе білдіңдер. жақсы ойлар айттыңдар сол үшін сендерге рахмет айтамын!