Delphi – дің Additional парағының компоненттері. BitBtn батырмасы.

Сабақтың тақырыбы: Delphi – дің Additional парағының компоненттері. BitBtn

батырмасы.

Сабақтың мақсаты:

Білімділік: Жаңа сабақты үйрету арқылы жоба құруды үйрету..

Дамытушылық: Шығармашылық қасиетін дамыту.

Тәрбиелілік: Сабырлылыққа тәрбиелеу.

Сабақтың түрі: Аралас.

Сабақтың әдісі: Теориялық және практикалық.

Көрнекілік құрал: Компьютер және интерактивтік тақта.

Сабақтың барысы:

Ұйымдастыру бөлімі:

- Сәлемдесу.

- Оқушыларды түгелдеу.

- Үй тапсырмасын сұрау.

- Жаңа сабақты түсіндіру.

- Практикалық жұмыс.

- Үйге тапсырма.

- Бағалау.

- Қорытынды.

І бөлім: Жаңа сабақты түсіндіру.

Additional парағының құрамына сұхбаттасу терезелерін орнату үшін қолданылатын келесі компоненттер кіреді.

1 – сурет. Additional парағы.

BitBtn – бетінде суреті және жазуы бар нұсқаулық батырма.

Standart парағында орналасқан батырмасы стандарт батырма болып табылады да, қосымша жасауда жиі қолданылады. Ал Additional парағында батырманың ерекше түрі – BitBtn қолданылады. Бұл батырманың қарапайым батырмадан айырмашылығы – оның бетіне сурет орналастыруға болады. Батырма бетіндегі жазу Caption қасиеті арқылы қойылады.

BitBtn батырмасының Kind қасиеті батырма түрін анықтайды. Бұл қасиеттің қалыпты жағдайдағы мәні – BkCustom. Одан басқа да мәндері: BkOk, BkCancel, BkHelp, BkYes, BkNo, BkClose,BkAbort, BkRetly, BkIgnore, BkAll. Бұл батырмаларда сәйкес жазу мен пиктограмма орнатылған.

Батырма бетіне сурет Glyph қасиеті арқылы қойылады. Обьект бақылаушысы терезесіндегі Glyph қасиетінің жанындағы көп нүктелі жолды шерткен кезде шағын терезе ашылады. Одан Load батырмасын шертіп, қажетті bmp типті файлды таңдау керек. Дельфиде батырмалар үшін суреттердің мол жиынтығы бар. Олар әдетте \program files\ common files\ Borland shared\ Images\ Buttons бумасында орналасады.

Кез – келген батырманың негізгі оқиғасы – OnClick. Ол батырманы шерткен кезде пайда болады.

Мысалы: Сәйкес батырмаларды шерткенде экранға ағымдық уақыт, ағымдық дата шығатын edit компонентіне мәтінді алмастыру буферіне қиятын, көшіретін және қоятын және форманы жабатын код жаз.

Ағымдық уақыт программасы:

procedure TForm1.BitBtn1Click(Sender: TObject);

begin

edit1.Text:=timetostr(time);

end;

Ағымдық дата программасы:

procedure TForm1.BitBtn2Click(Sender: TObject);

begin

edit2.Text:=datetostr(date);

end;

Алмастыру буферіне қиятын программасы:

procedure TForm1.BitBtn3Click(Sender: TObject);

begin

edit3.CutToClipboard;

end;

Алмастыру буферіне көшіретін программасы:

procedure TForm1.BitBtn6Click(Sender: TObject);

begin

edit3.CopyToClipboard;

end;

Алмастыру буферіне қоятын программасы:

procedure TForm1.BitBtn5Click(Sender: TObject);

begin

edit3.PasteFromClipboard;

end;

Форманы жабу программасы:

procedure TForm1.BitBtn4Click(Sender: TObject);

begin

form1.Close;

end;

end.

Суреттегідей етіп компоненттерді орналастырыңдар. Нәтижесінде төмендегідей етіп шығады.

ІІ бөлім: Практикалық жұмыс.

Жоғарыдағы мысалды орыңдаңдар.

ІІІ бөлім: Үйге тапсырма.

Бүгінгі өткен жаңа сабақты оқып, түсінгенін айту, келесі сабақта жұмыс дәптерлерін тексеру.

IV бөлім: Бағалау.

V бөлім: Қорытынды.

Сабағымыз аяқталды.Сау болыңыздар!

Жалпы білім беретін Сырым орта мектеп – балабақша кешенінің информатика пәнінің мұғалімі Давлетчарова Фарида Алімқызы