Әл-Фараби атындағы №21 мамандандырылған гимназияның

4"Ә"сынып оқушысы Серік Ернар

"Демалыс күндері ауылға саяхат"

Өткен демалыс күндері мен отбасыммен бірге ауылға бардым. Ауылда менің атам мен әжем тұрады. Біз таңертең ерте жолға шықтық. Көлікпен жүру өте қызықты болды – жол бойы әкем әзіл айтып, анам ән қосып отырды.

Ауылға жеткен соң, мен бірден аулаға жүгіріп шықтым. Таза ауа, жайылып жүрген малдар, құстардың дауысы – бәрі маған қатты ұнады. Әжем маған сиыр саууды, ал атам бау-бақша суаруды көрсетті. Кешке қарай біз от жағып, кәуап пісірдік. Әжем дәмді бауырсақ пен қаймақ берді.

Ертеңінде мен көрші балалармен доп ойнадым, сосын өзенге барып шомылдық. Табиғаттың әсемдігі менің есімде ұзақ сақталады.

Бұл демалыс мен үшін өте қызықты және қуанышты өтті. Ауылдағы күндер маған ұмытылмас естелік болды!