Деңгейлік курс бойынша 2018-2019 оқу жылының есебі

2018-2019 оқу жылындағы деңгейлік курс бойынша атқарылған жұмыстардың қорытынды есебі.

Илешова Дана Шораевна, тарих және география пәндері мұғалімі.

Білімі: 2001-2006 жылдары, Тараз қаласы, «Тараз» институты, «Тарих және география» факультеті.
Іс-тәжірибесі: 2004-2018 жж. Қаратау қаласы, М.Әуезов атындағы орта мектеп, 2018 ж. қыркүйек айынан бастап Тараз қаласы, №13 орта мектеп
Санаты: I

Еңбек өтілі: 14 жыл

Шығармашылық тақырыбы: Тарих сабағында сын тұрғысынан ойлау стратегияларын пайдаланудың тиімділігі.

Сабақ беретін сыныптары: 5,6,7,8,9

Білім беру шеберлік орталығы мен Н.Назарбаевтың зияткерлік мектебі және Кембридж университетінің білім беру факультетінің бағдарламасы бойынша үшінші деңгейлік курсын 2012 жылы желтоқсан айында аяқтадым. 2018-2019 оқу жылының қазан айында мектебімізде деңгейлік курс бітірген мұғалімдердің іс-тәжірибесін тарату мақсатында ұйымдастырылған семинарда 6 А сыныбында «Қыпшақ хандығы» тақырыбында ашық сабақ өткіздім. Сабақ сын тұрғысынан ойлау стратегиясы негізінде құрылды. Сабақ ұйымдастыру кезеңімен басталды. Сыныпты 3 топқа бөлдім. Әр топ басшысын сайлады. Бағалау парақтарын таратып бердім. Кезекші мәлімет жасап, үй тапсырмасын айтты. Оқушылардың үй тапсырмасын түсіну деңгейін бақылау үшін әр топқа тапсырмалар жазылған үлестірмелер таратып бердім. Сұрақтарға жауап берілді. Жаңа сабақтың тақырыбын анықтау үшін Қыпшақ хандығы туралы бейнебаян көрсеттім. Сабақтың тақырыбын анықтап, дәптерлеріне жазды. Осы орайда сабақтың тақырыбын, зерттеу сұрағын, мақсаттарын айтып өттім. Жаңа тақырып мұғалімнің кіріспе сөзімен басталды. Қыпшақ хандығының құрылу процессін түсііндіріп, картадан территориясын көрсеттім. Тақырыпты аша түсу үшін «Құмырсқаның илеуі» стратегиясын пайдаландым. Әр топтан 2 оқушыдан шығып, тақтаға ілінген мәтіндерді оқып, өз топтарына баяндап отырды. Отырған топ мүшелері түсінгендерін параққа түсіріп отырды. Әдіс сәтті өтті. Балалар мәтінді меңгеріп, талдап берді. Келесі қадамым постер құрастыру болды.

1 топ- Қыпшақ хандығы мен Хорезм хандығы арасындағы қатынас.

2 топ- Қыпшақ хандығы мен Киев Русі арасындағы қатынас.

3 топ- Қыпшақ хандығының әскери өнері.

Берілген мәтін бойынша әр топ өз постерлерін қорғап, тақырыпты аша түсті.Осы әдістен соң зерттеу сұрағы қойылды. Оқушылар зерттеу сұрағының мәнін ашып, жауап берді. Тақырыпты қорытындылау мақсатында «Половцы» тақырыбындағы деректі фильмнен үзінді көрсеттім. Сабақтың соңында бекіту үшін «Карта» ойынын ұйымдастырдым. Ойын қызықты және сәтті өтті. Сабаққа рефлексия жасау мақсатында «Мұғалімге хат» әдісін пайдаландым. Оқушылар сабақтан алған әсерлері мен келесі сабаққа ұсыныстарын стикерлерге жазып, хат қоржынына ілді. Сабақ соңында үй тапсырмасын бердім. Бағалау парақшаларын жинап, топ басшылардың мәліметі бойынша әр оқушының бағасын айттым. Сабақ мақсатына жетті.