«Денсаулық ең басты байлық» спорттық жарыс

Күні:

Білім беру саласы: Денсаулық

Ұйымдастырылған оқу қызметі: Дене шынықтыру

Тақырыбы: «Денсаулық ең басты байлық» спорттық жарыс

Мақсаты: Салауатты өмір салтын қалыптастыру, ата – аналар арасында спорт мәдениетін кең тарату. Спортқа деген сүйіспеншілігін арттыру. Төзімділігін, жылдамдығын, ептілігін, батылдығын дамыту. Балабақшамен ата-аналар қарым-қатынас нығайту.

Әдіс-тәсілдері: Көрсету, түсіндіру, сайыс.

Қажетті құрал-жабдық: секіртпелер,доптар,самакаттар,арқан

Өтілетін орыны: спорт алаңы,таза ауда

І-Ұйымдастыру

Жүргізуші:
Армысыздар, ағайын, ата - аналар!
Бармысыздар, жанкүйер, әз қауымдар!
Бүгінгі күн әуенін бастайық
Сайыста көңілменен қол соғайық!
Біздерде ойын - сауық басталады,
Тамаша ән шырқалады.
Қошеметтеп, қол соғып отыралық
Ұмытарсыз күн бойғы шаршағанды.

Жүргізуші:
Сәлеметсіздер ме құрметті ата - аналар, ұстаздар, балалар және жанкүйерлер! Бүгінгі «Денсаулық ең басты байлық» ата-аналар сайысымыздың ақтық мәресіне қош келдіңіздер!
Бұл – байқау емес, бұл – денсаулық мерекесі. Біздің мақсатымыз ата - аналарды балабақашамен, балабақша өміріне қатыстыру және ата - аналардың ақылдығын, білгіштігін, әртістік қабілеттерін, достығын көру болып табылады.

ІІ-Негізгі бөлім

Жүргізуші:
Спорттық күнге арналған,
Бүгінгі бәйге қандай – ды!
Кім келер екен алдында,
Жарыс тек жүйрікті таңдайды, - дей отырып, сайысты бастауға рұқсат етіңіздер. Сонымен ортаға сайысқа балабақша ата-аналардан құралған,екі топ қатысады.

1. Қарсы алыңыздар! «Қыран» тобын шақырамыз
2. Қарсы алыңыздар! «Сұңқар» тобын шақырамыз

Жүргізуші:

Өнерге биік сеніңіз
Думанға қызық келіңіз.
Әділқазы ел сенген
Өнерге баға беріңіз!

-Сайысты бастамас бұрын, сайысымызға әділ баға беретін әділқазылар алқасымен таныстырайық.

- Спорттық сайысымыз 5 балдық жүйемен бағаланады.

1. Меңгеруші:

2.Әдіскер:

3.Медбике:

Ән ұран қойылады

Сайыстың бағдарламасы 6 кезеңнен тұрады

1.Секіртпемен секіру

2. Допты жерге ұрып жүгіру.

3. Жұптасқан ұстаушылар

4. Эстафеталық ойындар

5.Самакат тебу

6.Арқан тарту

Жүргізуші:

-Жарысымызды бастамай тұрып денемізді қыздырайық.

-Командаларды ортаға жаттығуға шақырамыз

-Енді сайысымзды бастайық

1.Ойын: Секіртпемен секіру

Шарты: Топ Мүшелері төрешінің белгісі бойынша секіртпемен жүгіреді.Белгіленген жерге жүгіріп барып,кейін қайтады.Келесі ойыншыға береді.Ойынды бірінші аяқтаған топ жеңімпаз болады.

2.Ойын: Допты жерге ұрып жүгіру.

Шарты: Топ Мүшелері төрешінің белгісі бойынша допты жерге ұрғылап жүгіреді.Белгіленген жерге жүгіріп барып,кейін қайтады.Келесі ойыншыға береді.Ойынды бірінші аяқтаған топ жеңімпаз болады.

3. Ойын: Жұптасқан ұстаушылар

Шарты: Төрешінің белгісі арқылы топ мүшелері екеуден жұптасып қолын ұстап тұрады, белгіленген жерге жүгіріп барып,кейін қайтады.

4. Ойын: Эстафеталық ойындар

Төрешінің белгісі арқылы топ мүшелері эстафеталық кедергілерден өтіп белгіленген жерге жүгіріп барып,кейін қайтады.

Обручтан секіру,таяқшалардан өтү,кеглиды айналып орнына келу.

5.Ойын: Самакат тебу

Шарты: Самақаты белгіленген жерге дейін теуіп,қайтадан оралу,келесі ойыншыға беру.

6.Ойын: Арқан тарту

ІІІ-Қорытынды

Көрсетті міне өз өнерін ата-аналар,
Сайыстың да соңы келіп таянар.
Жеңімпазды анықтайық қанекей,
Әділқазы сайысты әділ бағалар,
- деп, сайысымыздың шарттары бойынша қорытынды шығарып жеңімпаздарды анықтап, марапаттау үшін сөз әділқазыларға беріледі.

Спорт – көркі өмірдің,
Спорт - досың, серігің.
Жаттықсаң шымыр боларсың,
Шынығып, өсіп, толарсың, - демекші салауатты өмір салтын ұстанып, спортты серік етейік!