«Тілдер әлеміне саяхат»

Ойын сабақтың мақсаты: Балалардың қазақ, орыс және ағылшын тілдеріндегі сөздік қорын дамыту;

– Үш тілде түстерді, қарапайым сөздерді ажырата білуге үйрету;

– Топпен жұмыс істеу, тілдік мәдениетке қызығушылығын арттыру.

Мұғалім: Құрметті балалар! Бүгін біз Тілдер күніне арналған ерекше «Тілдер достығы» атты ойын-сабақ өткіземіз. Әр халықтың тілі — оның байлығы. Тіл арқылы біз бір-бірімізбен түсінісеміз, достасамыз, білім аламыз. Біздің елімізде көптеген ұлт өкілдері тату-тәтті өмір сүреді. Сондықтан біз қазақ, орыс және ағылшын тілдерін де білуіміз керек. Бүгінгі сабақта біз осы үш тілде сөздер айтып, ойын ойнаймыз, ән тыңдап, тапсырмалар орындаймыз. Балалар бүгінгі сабаққа бәріміз бірге белсенді қатысып, тату дос болайық!

Олай болса балалар біз ойынымызды бастаймыз.

1. «Жартысын тап?» ойыны.

Мақсаты: Балаларға қазақ, орыс және ағылшын тілдерінде амандасуды үйрету, елдердің туларын тануға баулу.

Қажетті құралдар:

- Әр түрлі елдердің тулары (жартылай қиылған немесе екіге бөлінген)

- Тақта немесе магнитті бет .

Ойын шарты:

1. Тақтада әр елдің туларының жартысы ілініп тұрады.

2. Балалар сәйкес екінші жартысын тауып, толық туды құрастырады.

3. Құрастырған соң қай елдің туы екенін айтады.

4. Сол тілде амандасады.

«Сәлем», «Hello» «Привет»

2.«Асықтар-монополиясы» ойыны.

Мақсаты:

• Қазақтың ұлттық ойынын заманауи тәсілмен қызықты етіп ұсыну .

• Топпен жұмыс істеуге, тәртіп сақтауға, кезек күтуді үйрету.

• Түстерді 3 тілде айтуға үйрету.

Қажетті құралдар:

-Манополия стилінде қағаздан жасалған үлкен ойын алаңы.

- Түрлі түсті асықтар ( көк, сары, қызыл, жасыл әр бала біреуін таңдайды).

| | Көк Синий | Blue

| Сары | Жёлтый | Yellow

| Қызыл | Красный | Red

| Жасыл | Зелёный | Green

-Кубик (бетінде түрлі түсті асықтардың бейнесі).

Ойын шарты:

1. Әр бала өзіне ұнаған түстегі асықты таңдайды

→ Таңдаған түсін 3 тілде (қазақша, орысша, ағылшынша) айтады.

2. Кезекпен кубик лақтырады .

3. Кубиктен өз түсі түссе — бір қадам алға жылжиды.

4. Бірінші болып мәреге жеткен бала — жеңімпаз!

3. «Суретті сөздер» ойыны

Мақсаты:

• Балалардың қазақ, орыс және ағылшын тілдеріндегі сөздерді тануына көмектесу

• Көру арқылы есте сақтау, тілдік қорын дамыту

Қажетті құралдар:

• Суреттер (алма, ұшақ, қарындаш, доп, гүл, көлік)

• Сөздер жазылған карточкалар (қазақша, орысша, ағылшынша)

Ойын шарты:

1. Әр бала өзіне ұнаған суретті таңдайды.

2. Сол затты қазақ, орыс және ағылшын тілдерінде айтып береді.

3. Дұрыс жауап берген балаға шапалақ арқылы марапат көрсетіледі.

Тапсырмадағы сөздер:

Алма – Яблоко – Apple

Ұшақ – Самолёт – Plane

Қарындаш – Карандаш – Pencil

Доп – Мяч – Ball

Гүл – Цветок – Flower

Көлік – Машина – Car

4. «Әуенді тап!» ойыны.

Мақсаты:

Тілді естіп тану дағдысын дамыту.

Музыкалық қабілетін, тыңдау, есте сақтау дағдыларын жетілдіру.

Ойын шарты:

Қазақ, орыс, ағылшын тілдерінде қысқа әуендер қойылады. --- » сол кезде балалар әр тілге сай ұлттық қимылдармен би билеуі керек.

Әуен тоқтағанда — балалар орнында қимылсыз тұру керек.

Балалар әуен қай тілде екенін табады.

Күтілетін нәтиже:

– Балалар үш тілдегі (қазақша, орысша, ағылшынша) қарапайым сөздерді (түстер, сәлемдесу, зат атаулары) ажырата алады;

– Сөйлеу белсенділігі артады, ойын арқылы тілге қызығушылығы дамиды;

– Өз ойын еркін жеткізуге, бір-бірін тыңдауға және топпен ойнауға дағдыланады.

«Бэйби Бум» ЖШС-нің қарамағындағы «Аққу» балабақшасы

Тілдер күніне орай ұйымдастырылған

«Тілдер әлеміне саяхат» атты ойын сабақ.

Қазақ тілі мұғалімі:Шарипова А.К