Дифференциалдық және интегралдық есептеулер

Математика пәні бойынша ХІ сынып оқушыларына арналған қолданбалы курс бағдарламасы (аптасына 1 сағат , барлығы 34 сағат)

Тақырыбы: Дифференциалдық және интегралдық есептеулер

І.Кіріспе.

Білім туралы заңда және Қазақстан-2030 жылға дейінгі стратегиясын айқындаған жолдауда елдің дамуына негіз болатын ұрпақ тәрбиесіне баса назар аударылған. Олай болса әрбір пәннен дәріс беретін ұстаздар қауымының алдында үлкен міндеттер жүктелген. Біздің қоғамымызды дамытатын және ілгері апаратын ұрпақтың білімі де жан-жақты болуы тікелей ұстазға байланысты. Сондықтан әрбір мұғалім оқушы білімін тереңдетіп , оның ой-өрісі мен шығармашылық қабілеттерін дамыту мақсатында жүзеге асуына баса назар аударуға тиіс.

Сондықтан жаратылыстану-математикалық бағыттағы ХІ сынып оқушыларына аптасына 1 рет , жалпы барлығы 34 сағат мөлшеріндегі қолданбалы курста әртүрлі қосымша тапсырмалар беру арқылы олардың ой-өрістік деңгейін көтеру арқылы математиканың әртүрлі тақырыптық саласы бойынша қызығушылығын дамытуға болады деп есептеймін.

Курсты бірнеше тақырыптарға бөлу арқылы жүйелеп, өмірде, тұрмыста қолданылуын көрсету арқылы ой түйіндеуіне, теориялық білімдерінің нақтылануына жол ашады, сөйтіп таңдалған курстың «Дифференциалдық және интегралдық есептеулер» тарауы бойынша білік, дағды қалыптасады деп ойлаймын.

ІІ. Курстың мақсаты:

1. Дифференциалдық және интегралдық есептеулер негіздері бойынша оқушы белсенділігін дамыту.

2. Дифференциалдық және интегралдық есептеулерді физика мен геометрияда жуықтап есептелуде т.б. ғылымдар саласында қолданылуы туралы түсінік беру.

3. Тақырып негізінде оқушылардың ғылыми шығармашылық жұмысын ұйымдастырып өз бетімен іздену үрдісін қалыптастыру.

ІІІ. Курстың міндеттері :

1. Оқушыларды дифференциалдық және интегралдық есптеулер тарауын меңгерту арқылы пәнге деген қызығушылығы мен бейімділігін арттыру;

2. Шәкірт білімін жетілдіру арқылы мамандық таңдау жолында дұрыс шешім қабылдау жолында бағыт беру;

3. Дифференциал мен интегралдау амалымен әртүрлі ауданды, көлемді және ең үлкен , ең кіші мәндерді табу дағдыларын қалыптастыру;

4. Берілген дифференциалдың алғашқы функцияларын табу арқылы оның негізгі қасиеттерін қорытып, пайымдау.

ІV. Қолданбалы курс мазмұнына қойылатын талаптар:

1. Ғылымилығы: Тақырыптың мазмұнын ашу арқылы есептеу техникасын меңгеру дағдысы болуы.

2. Жүйелілігі: Білмегеннен – білгенге , жайдан күрделіге.

3. Түсініктілігі: Теориялық білімді нақты үйрету арқылы.

4. Сапалылық және белсенділік негізі: Пәнге деген оқушы қызығушылығын арттыру;

5. Көрнекілік ұстанымы: Оқушының жан-жақты дамуы.

6. Теориялық білім сарамандық жұмыстарда: Оқушылардың ғылым негізінен алған білімдерін практикада қолданылуын іс-әрекетте ұштастыру;

V. Өзектілігі: Қазақстан Республикасының Білім туралы заңында көрсетілгендей бүгінгі күн талабына сай жан-жақты дамыған оқушыларды ғылым негізінде тәрбиелеу үшін олардың шығармашылығы мен өз бетімен ізденіске жол ашу.

VІ. Жалпы теориялық мазмұны

І. Дифференциалдау амалы туралы жалпы түсінік.

Туындының анықтамасы , геометриялық мағынасы , жанама теңдеуі , дифференциалдау амалдары, формулалар. Күрделі функцияның дифференциалы. Функцияларды зерттеуге қолдану. Жуық есептеулерде қолдану.

ІІ. Интегралдық есептеулер

Алғашқы функцияларды табу. Интегралдық формулалар. Интегралдың қасиеттері. Ньютон-Лейбниц формуласына анықталған интегралдарды есептеу.

ІІІ. Есептеулерде қолданылуы

Интегралдың геометрияда және физикада қолданылуы. Жуықтап есептеулерге қолданылатын есептер. Функцияның ең үлкен , ең кіші мәндерін табуға арналған есептеулер. Дифференциалдың физикада қолданылуы.

VІІІ. Күнтізбе жоспар

Математика пәні мұғалімі: Қ.Рабай

Атырау облысы

Қызылқоға ауданы

Миялы орта мектебі

Математика пәнінен 11 сыныпта

жүргізілетін қолданбалы курс