Диктанттар

1 – синф Бойлигимиз

Ватанимиз бепаён. Далаларда пахта, буғдой ва бошқа экинлар экилади. Ер ости бойликларимиз ҳам кўп. Қимматбаҳо қазилмалар қазиб олинади. Булар бизнинг бойлигимиз. (22 сўз)

• Биринчи гапдаги унли ҳарфларни белгиланг.

2 – синф Муроджоннинг мақсади

Ёзги таътилни қишлоқда – тоғамларникида ўтказаман. Дала ишларида уларга кўмаклашаман. Тоғамнинг Шухрат деган ўғиллари бор. У билан памидор картошка тераман. Ўрик, олма териб қоқи соламиз. Қишда уларни қайнатиб ичамиз. Яна Шуҳратдан гул, майса номларини билиб оламан. Яйловда сигирбоқаман. Таътил мароқли ўтади. (43 сўз)

• Ҳаракатни билдирган сўзларни топинг.

3 – синф Таътил режаси

Яқинда ёзги таътилга чиқамиз. Ёзги таътил юз кун давом этади. Хаммамиз маслаҳатлашиб, ўқитувчимиз раҳбарлигида таътил режасини тузадиган бўлдик. Режага ёзда қиладиган ишларимизни ёзиб қўямиз. Қайси китобларни ўқишимизни ҳам белгилаймиз.

Ёзда оромгоҳларда дам оладиган ўқувчилар рўйхати тузилади. Шаҳар боғларига борадиганлар ҳам алоҳида ҳисобга олинади. Оромгоҳларга бормайдиган ўқувчилар ҳам бор. Улар мактаб соғломлаштириш гуруҳларига қатнайдилар. Ёз мароқли ўтади. Таътил хотираларини ёзиб борамиз. (62 сўз)

• Охирги уч гапнинг бош бўлакларини аниқланг.

4 – синф Анҳорда

Ёзнинг иссиқ кунлари эди. Собир, Салим ва Ғани анҳорга боришди.Собир ечиниб сувга тушди ва анҳорда балиқдек сузиб кетди.Салимнинг ҳаваси келди. Лекин сузишни билмасди. Собир сувдан чиқди. Салимнинг олдига келди. Иссиқ қумга ётиб олди.

Салимга жуда алам қилди. Кийимини ечиб, анҳорга сакради. Оғзига сув кириб, нафаси қайтиб кетди. Оёқ-қулларини чапиллатди. Шу пайт кимдир уни сувдан тортиб олди. Салим қараса, акаси Ғани экан. У акасига маҳкам ёпишиб олди. Йиғламоқчи бўлди-ю, аммо уялди. (73 сўз)

• 1, 2, 3 гаплардаги от ва сифатни аниқланг