Діни  экстремизмге жол  жоқ!

Мектебімізде "Діни-экстремизм және терроризмнің алдын-алу” онкүндігінің жоспары жасалып, мектеп директоры Р.С. Болысбаевамен бекітілді. Жоспар бойынша іс-шаралар толығымен ұйымдастырылды. Онкүндік аясында мектептің педагог-психологы А.Ибрай 8-11 сынып оқушыларымен «Дұрыс жолды таңдай біл?» тақырыбында тренинг өткізді. Мақсаты: Діни экстремизмнің алдын алу бойынша жастардың діни сауаттылықтарын ашу; Терроризм мен діни экстремизмнің алдын алу және онымен күресудің жолдары, елімізге келтіретін зардаптарын жан — жақты талдап, жастарға ой салу; Қатер төндіретін жат діни ағымдардан сақ болуға, жастарды Отан сүйгіштікке тәрбиелеу. 8-9 сынып оқушылары арасында «Дінсіз тәрбие— тамырсыз көшет» тақырыптарында мектептегі фракциялар арасында дебат ойыны өткізілді. Ойынның мақсаты: балалардың ойын ұшқыр, сөзін дәл нақты айтуға баулу. Ойын барысында оқушылар өз ойларымен бөлісіп, соңында бағалы сыйлықтармен марапатталды. Әділ-қазылар алқасының шешімімен “Ұшқырлар” фракциясы жеңіске жетті. "Адал ұрпақ" тобының жетекшісі М.Есенбаева «Діни экстремизм және фундаментализм» тақырыбында конференция ұйымдастырды. Мақсаты: Білім алушыларға діни экстремизм, экстремистік ұйымдармен күрестегі мемлекеттік саясат туралы түсінік беру. Терроризм мен діни экстремизмнің алдын алу және онымен күресудің жолдары, елімізге келтіретін зардаптарын жан - жақты талдап, жастарға ой салу. Бейбітшілік, тыныштық, ынтымақтастық деген ұғымдардың мән - мағынасын өмірмен байланыстыра отырып түсіндіру. Тарих пәнінің мұғалімі А.Кусманова 9 сыныптарда «Діни экстремизм әлемге төнген қауіп» тақырыбында дәріс оқыды. Мақсаты: оқушыларға экстремизм, терроризм туралы терең түсінік беру, оның түрлері, себептері мен зардаптарын ұғындыру; жасөспірімдерге бейбітшіліктің маңызын және мейірімділік пен ізгіліктің , адамдарға жақсылық жасай білудің өмірдегі басты ұстанымы екенін ұғындыру. «Діни экстремизмге жол жоқ!» тақырыбында 8-11 сыныптар арасында қабырға газеті шығарылды.

№47 орта мектеп

Тарих пәнінің мұғалімі

Кусманова А.С.