Дисскусивті эссе үлгісі.7 -сыныпқа арналған

Эссе

Қиял әлемі

Қиял адамға қанат бітіреді.Алланың адамзатқа берген ерекше сыйы.

Қиялдың арқасында адамдар үш ұйықтаса түсіне кірмейтін түрлі өнертабыстарды дамытты. Қазіргі заман қиялды тез арада қозғаушы күшке айналдырып,технологияны қарқынды дамытып,адамдардың ауыр жұмысын жеңілдетті. Мысалы, бұрын адамдар көз майын тауысып, қағаз басу үшін қаншама әріп терсе, ендігәрі оның барлығын электронды түрде көшірме жасап немесе сканерлеп алуға болады.Тіпті адамдардың ойламаған іс-әрекеті, тағы басқа да дүниелердің барлығы қиялдың арқасында дамып технологияның жаңа қырлары ашылып жатыр.

Кейде аса қиялшыл болуға да болмайды. «Қияли» деген сөз мақтауға қарағанда,даттауға, көп жағдайда келемеждеудің басым түсетінін байқаймыз.Қиялға берілеміз деп, жаныңдағы жақын адамдарды ұмытып,уақыттың да зырлап өтіп жатқанын байқамай,шынайы өмірдің күйбең тіршілігімен санаспай ,өзінің жұмыстары ел қатарлы алға баспай бос қиялдың жетегінде жүргенін көріп, ішің ашитын кездер де болады.

Жалпы алғанда,қиял бұл адамның өсуіне, алға қарай дамуына көп әсерін тигізеді. Шын мәнінде өмір арман мен мақсаттан, адамның қиялынан тұрады ғой.Сондықтан қиялдап , армандап өмір сүруден қорықпайық!