Докторантурадағы оқу

Білім алу – өзіңнен!

Әдетте, Қазақстан білім беру жүйесі әртүрлі сынға ұшырап жатады. Білім жүйесіне бір сәт сауатты сыни көзқараспен қарасақ, және соған үйренсек. Өйткені, білім үйрену, іздену - өзіңнен. Бағыт алу - жүйеден. Мен биыл Әл-Фараби атындағы Қазақ ұлттық университетінің докторанты атандым, білім беру бағдарламам "Шетел тілі: екі шетел тілі". Төртінші жыл дегенде докторантурада оқу бақыты бұйырды. Бірақ қазір ол туралы емес.

Айтпағым, интенсивті оқытылатын бір семестр аудиторлық дәрістерден алған әсерлерім. Мен күтпеген нағыз білім мен ғылым саяхаты басталды. Мүмкін, магистратурадан араға тоғыз жыл салып, қайтадан өзіңді дедлайн тәртібіне жаттықтырып, жаңа білімдерді тереңінен ұғудың ғажабы бөлек болды.

Иә, кез-келген аудиториядағы дәрістің мазмұнды әрі нәтижелі өтуі - оқытушының кәсіби біліктілігіне, педагогикалық шеберлігіне тікелей тәуелді. Сондықтан, осындай кәсіби талапшыл кадрлар жиналған өзім оқитын "Түркітану және тіл теориясы" кафедрасының профессор-оқытушылық құрамына мың алғыс: кафедра меңгерушісі, ф.ғ.д., Авакова Р.А., п.ғ.к., доцент Елубаева П.К., PhD докторы, доцент, Утемгалиева Н.А., РhD докторы, доцент, Жамбылқызы М., РhD докторы, а.о., Таубаев Ж.Т., РhD докторы а.о., Болатова Г.Ж., алған білім мен шеберлікті алған сайын алып, білген үстіне білгің келе түседі. Шабыт аласың, ізденесің, кәсіби пікірін естуге құмар боласың. Қайнаған талқылаулар. Нағыз академиялық қауымдастықты сезінесің.

Бұл lifelong learning әдемі көрінісі болып, менің 2024 жылы алған қымбат естеліктерім. Оқу бақыты деген осы болар, ешқашан да білім алу мен ғылымға көңіл қоюға кеш емес, құрметті оқырман.

Әл-Фараби атындағы ҚазҰУ, Филология факультетінің

1-курс докторанты

Бейсембаева Айгуль.