«Домбыра сабақтарында шығармашылық және инновациялық тәсілдерді қолдану»

(авторлық іс-тәжірибе)

Аннотация

Мақалада орта мектепте ұйымдастырылған домбыра үйірмесі сабақтарында қолданылған авторлық іс-тәжірибе сипатталады. Домбыра сабақтарында шығармашылық және инновациялық педагогикалық тәсілдерді жүйелі қолданудың оқушылардың орындаушылық дағдыларын дамытуға, ұлттық өнерге қызығушылығын арттыруға және рухани-патриоттық тәрбие беруге тигізетін әсері талданады.

Кіріспе

Қазіргі білім беру кеңістігінде ұлттық құндылықтарға негізделген тәрбие беру – басты басымдықтардың бірі. Осы орайда қазақ халқының дәстүрлі музыкалық аспабы – домбыраны оқыту оқушылардың рухани дүниетанымын, эстетикалық талғамын және патриоттық сезімін қалыптастыруда маңызды рөл атқарады.

«Домбыра» атты авторлық іс-тәжірибенің негізгі мақсаты – домбыра үйірмесі сабақтарын шығармашылық және инновациялық тәсілдер арқылы ұйымдастырып, оқушылардың ұлттық өнерге деген қызығушылығын арттыру, орындаушылық шеберлігін дамыту.

Іс-тәжірибенің мазмұны мен ұйымдастырылуы

Мектептегі домбыра үйірмесі сабақтары теориялық және практикалық бағытта жүргізіледі. Теориялық бөлімде домбыраның тарихы, құрылымы, аймақтық ерекшеліктері, күйшілік және айтыс дәстүрі қамтылса, практикалық сабақтарда домбыраны дұрыс ұстау, қағыс түрлерін меңгеру, күйлер мен әндерді орындау жұмыстары жүзеге асырылады.

Сабақтарды ұйымдастыру барысында келесі жұмыс формалары қолданылды:

• Жеке және топтық сабақтар;

• Домбыраылар ансамблі;

• шығармашылық тапсырмалар;

• сахналық қойылымдар мен концерттік іс-шаралар.

Шығармашылық тәсілдерді қолдану тәжірибесі

Сонымен қатар зерттеу бағытындағы шығармашылық тапсырмалар берілді. Оқушылар белгілі күйлердің шығу тарихын зерттеп, атақты күйшілер мен айтыскерлердің өмірі мен шығармашылығы туралы презентациялар дайындады.

Инновациялық әдістерді қолдану нәтижелері

Авторлық іс-тәжірибеде ақпараттық-коммуникациялық технологиялар белсенді қолданылды. Сабақ барысында бейнематериалдар, аудиожазбалар, танымал күйшілердің орындау үлгілері пайдаланылып, музыкалық шығармаларды талдау жұмыстары жүргізілді. Бұл оқушылардың музыкалық есту қабілетін дамытуға және күйді тез меңгеруіне ықпал етті.

Интерактивті тапсырмалар, музыкалық викториналар мен тесттер сабақтың мазмұнын байытып, оқушылардың белсенділігін арттырды. Цифрлық ресурстарды пайдалану оқушылардың өзіндік жұмыс жасау дағдыларын қалыптастыруға мүмкіндік берді.

Нәтижелер мен қорытынды

Бұл авторлық іс-тәжірибе нәтижесінде оқушылардың домбырада ойнау техникасы жақсарып, музыкалық есту қабілеті дамыды, ұлттық өнерге деген қызығушылығы артты. Оқушылар мектепішілік және мәдени іс-шараларда домбырамен өнер көрсетіп, сахнада өзін еркін ұстай бастады.

Қорытындылай келе, домбыра сабақтарында шығармашылық және инновациялық тәсілдерді жүйелі қолдану оқушылардың тұлғалық дамуына, ұлттық құндылықтарды меңгеруіне және патриоттық тәрбие алуына тиімді әсер етеді. Бұл тәжірибе домбыра үйірмесін жүргізетін мұғалімдер үшін практикалық маңызы бар әдістемелік үлгі бола алады.

Алматы облысы

Еңбекшіқазақ ауданы

Қойшыбек орта мектебінің

музыка пәні мұғалімі

Гаухар Алтаевна Алпысбаева