№87 А.Назарбеков атындағы орта мектебінде «Кәсіпкер ата-ана- отбасы берекесі» тақырыбында ата-аналармен болып өткен коучинг жайлы мәлімет

№87 А.Назарбеков атындағы орта мектебінде 8-желтоқсан күні «Кәсіпкер ата-ана- отбасы берекесі» тақырыбында мектебіміздің математика пәні мұғалімі Ұ.Токенованың ұйымдастыруымен ата-аналармен коучинг болып өтті.

Ең алдымен ынтымақтастық атмосферасын орату мақсатында ата-аналардың аты жазылған бейджиктер таратылды және ата-аналар аты бойынша тауып , бір-біріне тақты. Сол арқылы ата-аналардың бір-бірімен танысуы жүзеге асты. Сурет қиындыларын біріктіру арқылы «Мектеп», «Ата-ана», «Оқушы» болып үш топқа біріктірілді. «Біздің бала» атты бейнебаянды көрсету арқылы ата- аналарға ой тасталды. Ата-аналар балаларын кәсіпкерлікке баулу туралы өз ойларымен бөлісті. Кәсіпкер ата-аналар өздерінің кәсіптері жайлы, кәсіпкерлікті қалай ашу керек, қалай дамыту керектігі жайлы пікір алмасты. Келесі кезеңде ата-аналардан өз баласының қандай кәсіпке бейімділігі жайлы тест тапсырмасы алынды және бұл тест алдын –ала оқушылардан алынды,жауаптары бір-бірімен салыстырылып оқылып, әр ата-ана өз баласын қаншалықты білетіндігі анықталды. «Мектеп», «Ата-ана», «Оқушы» тақыбында әр топ постер қорғады.

Сергіту сәтінде караокеде бүкіл акт залындағы ата- аналар, мұғалімдер бірге «Анаға сәлем» әнін орындады. Әр топ баланың келешектегі жетістігі, өмірде өз орнын табуы мектеп пен ата-ананың ынтымақтастығында екендігін өз постерлерінде жеткізе білді.

Одан кейін ата-аналарға 14 психологиялық кеңес таратылды. Осы кеңестердің ішіндегі ең керекті дегендері ортаға салып талқыланды. Коучинг соңында баланың жетістігі , белгілі бір кәсіпті иеленуі мектеп ,сынып жетекші және ата- ана жастайынан балаларды икеміне қарай бағыттап дамытуына байланысты екендігі айтылды. Әр адам өз баласына қатысты белгілі бір мақсат қойғанда ғана жетістікке жете алады деп, «Мақсатыңа жет» бейнебаяны көрсетілді.